商場內的育嬰室都好受媽媽歡迎，可以方便換片及餵飼嬰兒，但日前有港媽卻撞見有海味店員工在育嬰室內洗海味，當港媽嘗試勸喻對方離開時，員工卻粗口相向！
驚見海味店員工育嬰室洗海參及清潔用品
日前有港媽在FB群組發帖表示，日前上午的時間與家人及愛女到馬鞍山新港城中心，期間她到商場內的育嬰室想為女兒換片時，卻見育嬰室的門開着，見到裏面分別有兩位穿着海味店「老上環」及「南北行」制服的女員工。她們正使用鋅盤洗清潔用品及海參！令港媽連想幫個女換片前洗個手都沒位。
FB群組圖片
態度惡劣兼粗言相向
港媽剛開始有禮貎問「呢度係育嬰間，你地唔可以喺度洗呢啲嘢㗎喎」怎料老上環女員工扮聽不到，而南北行的女員工則聲大夾惡地回應，「懶正義，話個個都係咁架啦」港媽聽到後很氣憤，她即刻幫女兒換完片後就交給家人看顧，而自己就回去育嬰室繼續和兩位員工理論及影相！
FB群組圖片
廁所清潔阿姐懶得理：個個都係咁架啦
港媽向員工表示「呢到係育嬰間 bb用嘅地方，你地一個洗清潔用品，我唔知你會有咩清潔劑，如果有bb整到你地邊個負責？第二 你地賣嘅係食品，放喺小朋友屎屎尿尿嘅地方洗，都好唔衛生啦下話」這番言論卻給南北行的女員工以粗口問候「x那星 blah blah blah」於是港媽請女廁所的清潔阿姐過來幫忙處理，怎料對方卻說「個個都係咁架啦 你有咩同公司講囉」
於是港媽拍下育嬰室當時的情況及女廁清潔阿姐的當值牌，轉身準備離去，老上環的女員工疑似恐嚇的說「夠膽你入返嚟囉」。
FB群組圖片
樓主向兩海味店及商場管理公司投訴
樓主事後馬上到商場投訴，並向保安員展示相片，而保安亦表示會立即到場跟進，而樓主返回家中後，都傳電郵給老上環與南北行，還有商場管理公司提出正式投訴，而管理處事後致電樓主，表示已向老上環和南北行發出警告信，亦安排了女保安在育嬰室外看守。
樓主最後強調，自己身為母親，盡量不想在小朋友面前與人發生爭執，但亦不會因為帶住bb 就老憑要求/希望他人遷就或禮讓「但見到啲人明明自己做緊唔啱嘅事 ，仲要聲夾惡咁，真係好嬲」她希望大家以後見到類似的事件都一定要出聲！
FB群組截圖
「南北行」「老上環」公開道歉
而「南北行」在事發當日的夜晚都在網上發出道歉啟示，表示就事件已即時嚴肅跟進及檢討，亦就此行為向公眾道歉。並指育嬰室為公眾地方，同事的做法實屬不當，往後會禁止同類事件發生，並已經對相關員工作出嚴厲斥責及處分，亦對為準備使用育嬰室的該名女仕造成的不便深感歉意。
「老上環」亦在第二日早上做出回應，表示人事部門處理和跟進。對於帶來的不便，深感抱歉。指未來一定會加強對員工的培訓，提高他們的意識，確保這種情況不再發生。並強調銷售的海參是有提供浸發的服務，售後會先送回總店，經過浸發、真空包裝和急凍處理，再送回分店交給大家，全程都有專人把關，品質絕對有保證，絕對不會在分店或任何公共場所處理。
網民嬲爆：你哋啲員工真係好有問題
港媽的帖文引來不少網民的關注，留言直斥兩間海味的員工「真係好離譜」、「你哋啲員工真係好有問題」、「應該要你哋個員工同個媽媽講返對唔住啦」、「次次都係唔夠人講就爆粗，爆粗就有道理嗎？真心要問責呀！」、「媽媽你好勇敢！支持要逼公司出指引，唔畀佢哋再咁用育嬰室！」。同時亦引起大家關注海味的處理方式「既然咁重視產品質素，點解可以容許員工用咁求其嘅方法去處理貨品？」、
