古巨基52歲生日獲囝囝送驚喜 4歲Kuson親畫生日咭又大唱歌冧爆爸爸

Kuson好識冧人！

古巨基於2014年與助手陳韻晴（前名陳英雪，Lorraine）在美國拉斯維加斯註冊結婚，結束20年愛情長跑，6年後迎來囝囝古晉匡（Kuson）。轉眼間，Kuson已經4歲，不但越大越似爸爸，又對鏡頭毫不膽怯，還好有畫畫天份，繼在媽媽的生日、結婚紀念日，Kuson在爸爸古巨基生日當天亦畫了一張生日咭送給爸爸！

古巨基一家三口。

Kuson畫過生日咭送媽媽。

又畫過賀咭為父母慶祝結婚周年。

經理人霍汶希（Mani）日前為古巨基慶生。

古巨基於8月18日踏入52歲，他在IG貼出一段囝囝Kuson為自己慶生的短片，並留言：「早上起來，看到這個興奮蹦跳的小朋友唱起生日歌，我的心完全溶化了！他的興奮是因為他守了幾天的秘密驚喜，終於可以展示給爸爸。他自己畫了生日咭，在媽媽幫忙下自己佈置氣球，最驚喜的是還學了幾個儍豬魔術表演。多謝這個小朋友讓我每天都感到幸福和幸運，多謝這個小朋友和媽媽讓我知道人生最快樂的是什麼。你們就是我最美的生日禮物！」

影片截圖

影片中可見，Kuson揚起天真爛漫的笑容，小手拿着色彩繽紛的生日咭，一邊跳一邊大唱生日歌，非常可愛！而古巨基雖然沒有露面，但相信已被冧爆，開心地與囝囝相擁，畫面十分溫馨！網民亦紛紛留言祝賀古巨基生日快樂，並大讚Kuson好乖好得意！

影片截圖

影片截圖

影片截圖

影片截圖

YouTube今日（12月16日）公布「YouTube香港2024年度十大」，古巨基太太Lorraine創辦的Youtube Channel  「ChillGood TV」獲頒發2024年度最熱門影片No.1獎項。

古巨基太太Lorraine（右）創辦的Youtube Channel  「ChillGood TV」獲頒發2024年度最熱門影片No.1獎項。

古Sir代表太太上台領獎，他表示因為太太不懂得面對太多人講話，所以吩咐他上台代表講得獎感言：「首先要非常感謝YouTube頒發呢個獎俾ChillGood TV嘅音樂節目《Music Panda》，多謝所有Loop我哋節目嘅觀眾，多謝主持黃丹儀13姐同埋KB，多謝所有樂手，多謝我嘅拍檔曹生同埋channel所有幕後嘅同事，最最最多謝嘅，係要多謝所有上來我哋節目嘅歌手朋友！多謝香港樂壇！」

古Sir代太太上台領獎，並發表得獎感言。

古Sir坦言，ChillGood TV係疫情時候成立，當時疫情好多行業都停擺，包括演藝行業，兩公婆在家很多時也是上網看影片，突然一日閃出個念頭，不如搞個Channel ，而覺得音樂係大家喺疫情下一個好重要精神支柱，就係咁有咗《Music Panda》呢個音樂節目。這幾年來經營這個頻道，當中付出不少心血和面對過很多困難，好感激《Music Panda》能夠慢慢得到行內同埋樂迷嘅認同，「希望更多朋友繼續subscribe我哋，同埋歡迎多啲客戶嚟搵我地傾下，因為原來搞音樂節目都幾『燒錢』下。」

古Sir坦言原來搞音樂節目都幾「燒錢」下。

事後問到基仔，燒錢意思係燒咗幾多錢？愈來愈成功都冇賺到錢？基仔笑道：「我只可以好坦白同大家講，幾年來個channel真係燒咗好多好多。幾多就唔駛公開分享啦。因為我地對節目要求好高，錄影拍攝、音響設備、場地、後期製作、所有幕前幕後人力物力全部都係用好高要求咁去做，全部都要錢。但係我覺得最滿足嘅，係可以為香港樂壇出到少少綿力，等鍾意音樂嘅人繼續聽多啲香港歌手同埋廣東歌。」

基仔笑言雖然「燒錢」，但他覺得最滿足的是可以為香港樂壇出到少少綿力，等喜歡音樂的人繼續多聽香港歌手和廣東歌。

基仔又表示：「希望多啲客戶支持個channel啦，等ChillGOOD可以繼續努力做更多好節目。未來我哋都有新計劃，希望可以再為一啲真係好鐘意音樂同唱歌嘅朋友做啲嘢，等計劃定好晒我再同大家講啦。」