古巨基與陳英雪結婚10周年紀念日 囝囝Kuson親手為爸爸媽媽獻畫慶祝

古巨基在社交平台分享了與囝囝Kuson 的搞笑對話。

古巨基於2014年與陳英雪（Lorraine）在美國拉斯維加斯註冊結婚，並育有一個寶貝仔晋匡（Kuson），7月 12日是兩公婆的結婚10周年紀念日，古巨基在社交平台分享了與囝囝Kuson 的搞笑對話。

迎來兩人的結婚十周年

古巨基太太3年前誕下男B

經常分享與兒子的互動

好溫馨

一家三口

基仔在社交平台分享：「話俾Kuson知今（昨）日係爸爸媽媽嘅 Anniversary，跟住就有以下嘅對話。（Kuson：咩係anniversary 呀？） 10年前嘅今日爸爸媽媽結婚嘍。 （Kuson：我嗰日有冇去呀？）冇呀，你仲未嚟到呢個世界呀。（Kuson：我仲未出世？）係呀。（Kuson：爸爸你同媽媽再結婚，我想去你哋個Wedding 呀。）」純真可愛的Kuson令基仔相當開心。基仔更曬出Kuson親手為爸爸媽媽結婚周年而畫的畫：「第一次收到個仔為我哋結婚週年畫嘅咭，好sweet而又時光飛逝～大個仔了 #10th」 最後基仔補充：「佢話想嚟我哋個Wedding 唔知點解我覺得有啲感動。」

好可愛！

基仔笑言：「我哋其實好多budget，但係我哋想用一個low cost嘅方法去呈現。」

古巨基早前帶隊跟程人富及海兒（Hedy）拍攝新節目《I really LOVE to Travel》，首站玩爆日本環球影城，由於三人拍的reels獲網民大讚，所以這次基仔決定再下一城，同時亦是回饋大家，以「low筆（低成本）」拍攝，還原廿二年前《任天堂流淚》MV，不少網民看完都大讚製作認真兼笑爆嘴。

古巨基與程人富、海兒拍攝新節目《I really LOVE to Travel》。

觀看相關影片按連結：https://youtu.be/cLSufwM3Upo

《任K房流淚》MV由程人富飾演基仔、Hedy飾演當年MV女主角李彩華，除了二人，基仔亦在MV中穿插，還原當年MV的鏡頭。有網民看完廿二年前的MV對比，都指基仔完全冇變過，更好奇他食甚麼防腐劑，基仔笑說：「盡量唔瞓覺、食麻辣鍋、燒烤，啤酒一定要啤㗎啦、紅酒啦、威士忌都飲少少，全部加埋就一定可以防腐。」

程人富和Hedy飾演MV男女主角。

基仔笑指今次MV賣點是「low筆」製作，「我哋其實好多budget，但係我哋想用一個low cost嘅方法去呈現。」雖然低成本製作，但當中的細節位誠意十足，程人富在MV中的服裝，是由「服裝部同事」基仔提供，「佢身上嘅幾套衫，真係廿幾年前拍《任天堂流淚》MV裏面我着嘅衫嚟嘅，我摷返佢哋出嚟，收藏咗咁耐，原來都冇穿冇爛。」「冇穿冇爛」的還有基仔，「我頭先都着過一件，都啱身，肥瘦冇乜變，哈哈。所以呢個珍藏，再復刻番喺呢個MV，程人富成個人似晒呀。」

程人富在MV中的服裝由「服裝部同事」基仔提供。

基仔自己都有試著其中一件衫，而且仲著得落！

至於首次任MV女主角兼演戲的Hedy指這次非常好玩，「第一次同兩位實力男演員拍攝，的確學咗好多嘢。我仲以為我哋真係要去個郊野公園嗌，low cost先好笑。呢個MV通宵拍咗十五個鐘，因為用咗十四個鐘笑，哈哈。」

Hedy大讚好玩！

觀看相關影片按連結：https://youtu.be/4YUVk_Y0cIA