腦霧研究所｜ROVER成員陳鎮亨王希晉相愛相殺 范麒智大叫二人不要打情罵俏

比賽未開始陳鎮亨與王希晉已像冤家一樣互數對方記性差！

ViuTV節目《李錦記呈獻︰腦霧研究所》逢星期一至五晚上11時正播放。主持沈殷怡(Shirley)、余逸思(Yoshi)和范麒智(Kenji)每集會到不同場地，大玩記憶力遊戲，實行絞盡腦汁，同大家齊齊燒腦，誓要出盡腦力，避免成為「腦霧王」。

今集《腦霧研究所》請來ROVER成員亨仔和希晉做喜賓。

亨仔和希晉為了答案互相埋怨。

今晚(8月22日)播出的一集請來ROVER成員陳鎮亨(亨仔)和王希晉組隊，挑戰主持隊Shirley和Kenji的腦力。不過亨仔卻指著希晉表示：「我就唔係太想同佢一組喇，因為佢係出咗名冇記性，成日漏銀包電話，乜都漏。」而當Shirley問到記歌詞方面，希晉則指著亨仔反擊說 :「你甩呀！」亨仔亦坦承自己也甩過歌詞。比賽未開始二人已像冤家一樣互數對方記性差，果然是真隊友的表現。

亨仔和希晉細心聆聽相機快門聲。

今次決戰場地為相機店，正式比賽前兩組先來一個憑相機快門聲找出正確相機的熱身賽。Shirley和Kenji一開始已各持不同意見，Kenji聲稱聽到「撻撻撻」聲，但Shirley卻指：「佢冇『撻撻撻』呀，佢『撻撻』之嘛。」最後Shirley選擇相信Kenji的答案，不過可惜卻信錯人。好在ROVER組的聽力也不遑多讓，同樣答錯，和氣收場。

攪盡腦汁為遊戲出題。

Kenji對於組裝相機鏡頭一臉疑惑。

熱身賽後正式進行第一回合：鬥快組裝相機鏡頭。正當大家留心看著相機達人示範組裝過程時，亨仔突然一臉認真地向希晉說：「我有啲信心，始終工程系學生。」大家聽到後一同敬佩地發出「嘩」一聲，亨仔尷尬地連忙補多句「括弧畢唔到業」，幫自己戴定頭盔。最後亨仔不負工程系學生之名，勝出比賽。賽後亨仔豪言：「今次呢round比賽全靠我自己一個人嘅努力。」而希晉亦稱贊說：「以為佢唔得，點知佢又真係幾快！」

Shirley和Kenji商討遊戲策略。

而玩另一個要記熟45部相機位置的遊戲時，希晉向亨仔提議記熟相機顏色，但亨仔卻直指：「鬼唔知記顏色咩，但係咁多部顏色都一樣。」而當希晉認真地記相機時，亨仔又細聲打擾說：「扮咩吖，我唔信你記得喎。」希晉忍不住撒嬌地說：「耶！唔好嘈啦！」聽得Kenji也不禁叫他們：「唔好打情罵俏吖大佬！」希晉連忙say sorry，非常攪笑！

樂隊ROVER今年2月29日正式出道，至今已二百五十多日，早前於尖沙咀舉行Fans club聚會，現場近二百粉絲出席，四子感謝不少兩迷由參賽造星一直支持，同時亦感謝經理人寶姐照顧陪伴走過低潮，承諾會努力及聽話，最後四子爆喊，淚灑舞台，真情流露。席間，寶姐亦大爆四子秘密及陋習，將ROVER band房實況毫無保留地搬到台上，無懼脫粉。

樂隊ROVER早前於尖沙咀舉行Fans club聚會

四子爆喊，淚灑舞台

是次聚會歷時超過3小時，先有經理人寶姐大爆四子黑圖及陋習，笑言fans睇完可能會脫粉。而被揭發陋習包括：band房內亨仔在電子琴上留下染血紙巾、各人飲完遺下大大小小的膠水樽等，以及各人黑圖，寶姐也透露了四人在完比賽後，等待公司安排到組band心情的起跌及困難，隨即在ROVER準備唱出出道歌《秒速8公里》時，作為隊長的Kim已忍不住，眼泛淚光說：「呢首歌對我哋嚟過好重要，好代表到我哋一開始，開始我哋冇咩名氣，可能到而家都冇咩名氣，但好多謝你哋（fans）唔介意，好無私由造星支持我哋到宜家。」，希晉亦坦言每次唱《秒速8公里》，腦裡就好像走馬燈一樣，重現了由造星到組band的畫面，而眼淺的亨仔同時亦受到感染，感觸至眼濕濕。

經理人寶姐大爆四子黑圖及陋習，笑言fans睇完可能會脫粉

ROVER由四位不認識，音樂底子也不特別深，到走在一起學作曲學夾band，以一起追尋音樂夢，沿路並不容易，但四子互相扶持鼓勵，終於走過各人最迷惘時間，好像希晉分享時便爆喊道出在《造星5》進入十强時，因給予自己過大壓力，終日以淚洗面，說：「果時好驚做唔好，好大好大壓力，由細到大好少俾人讚，但到而家我有粉絲、四個兄弟、寶姐陪係身邊，我之前唔識表達自己嘅情緒，但係我覺得入咗ROVER之後，我好開心，覺得而家喺我人生入面最開心嘅時候！」

ROVER由四位不認識，音樂底子也不特別深，到走在一起學作曲學夾band，以一起追尋音樂夢

四子互相扶持鼓勵，終於走過各人最迷惘時間

至於被在場fans聲言會力撐今年新人獎，Jason覺得獎項先不說，但要感謝三位兄弟，因為加入ROVER，是讓他夢想邁進一大步，說：「自己最大夢想，就係一直以樂隊玩音樂到老死，加入咗ROVER正正就實現咗呢樣嘢，邊玩邊搵錢（寶姐：你搵到錢咩？）（現時）未搵到啫！」，場面搞笑又溫暖。當然，少不了ROVER喊包亨仔，他先代表ROVER先再次多謝寶姐一路以來的包容及照顧，亦多謝公司給予他們成為樂隊的機會，亦再次答謝粉絲，同時亦答應會繼續努力，答應大家：「我哋會生性」。

感激兄弟 粉絲沿路陪伴支持

最後，ROVER在獻唱最後一首歌曲《小伙子》時，借歌寄意集體爆喊，縱使面對未知的未來，仍然抱着堅持自己最大的理想，尤如樂隊ROVER的隊名一樣，繼續漫遊、探索音樂不同的未知領域。表演完結後，ROVER四子留下與在場粉絲合照簽名，聚會在溫馨感動下圓滿結束。