Lolly Talk性感現身沙灘音樂節 Tyson Yoshi拒急「做人大計」：唔想揸七人車住！

《The Nextwave 沙灘音樂節》大受好評，入場樂迷盡慶而歸。

今年將於 2024 年 6 月 29 日至 30 日愉景灣舉行，Rover打頁陣出場，怎料突然落大雨，不過Rover越大雨越投入：「我哋覺得落雨係加分嘅 ，好似濕到似韓國阿RAIN咁。其實落雨嘅氣氛更加High, 因為你落雨時候氣氛更好，好興奮。（但阿Rain會除衫？）我都除咗件裇衫啦，淨低底衫。（今次係第一次做沙灘騷 會唔會想做多d Outdoor show？） 做outdoor係絕對爽嘅。今日我哋係第一隊表演，但到場已見到好多人，中午時候太陽好猛烈，然後落大雨大家都冇走，擔住遮睇騷，氣氛真係好，亦因為咁我哋更加努力去完成表演。」Rover仲話去過台灣音樂節，覺得台灣的觀眾好熱情，原來香港觀眾更瘋狂。佢地仲想同P1X3L同台表演，笑指對方檔期比自己忙。

Rover打頁陣出場，怎料突然落大雨，不過Rover越大雨越投入

而P1X3L就話第一次參加沙灘騷，仲話未演出已經好興奮：「大家都好很熱情、好Enjoy。我哋出場之前Rover係落緊大雨，但到我哋表演就出太陽剛剛好。(今日你哋知來沙灘做騷，服裝有冇沒特別準備？)其實我哋已經穿少咗啦，平時著羽絨㗎，哈！今日感覺好有夏日感覺，所以服裝顏色都已經好夏日，見到觀眾都好high 、好熱鬧。今日我哋下午三點呢個時段出場，真係熱差點想暈，但台前觀眾仲大叫舉起手跟住唱，真係好正。」

P1X3L就話第一次參加沙灘騷，仲話未演出已經好興奮

Lolly Talk呢日性感現身《The Nextwave 沙灘音樂節》，佢地就話要襯翻夏日感覺，所以勤力做運動健身：「依家大家都好Fit ，MeiMei呢排因為做節目要練到好Fit，而Ahyo又打拳，所以佢地操得最fit。今次係第一次參加沙灘騷，好鍾意今日現場嘅氣氛，台下觀眾都睇得好開心，我哋都玩得好興奮。不過今日阿蛋仍然未能參表演，至於佢嘅腳骨傷勢進展，都有不斷update，佢阿蛋都好心急復出。」

Lolly Talk呢日性感現身《The Nextwave 沙灘音樂節》

當Rubber Band 出場時，台下觀眾都大叫除衫，不過6號好直接拒絕：「唔好啦，除衫唔唔啱我哋呢個咁嘅年紀，怕一冷一熱病啊，今日已盡量著到好夏日。（台下好多靚女著比堅尼有冇留意？）台上就當然睇到啦，佢哋都著得好靚，係吸睛嘅。」

當Rubber Band 出場時，台下觀眾都大叫除衫，不過6號好直接拒絕

周殷廷呢日出席音樂會就呻唔夠喉，仲揚言想搞戶外騷：「今日冇打底啊，如果濕身就由它，我覺得呢個就係做戶外騷最正嘅。 （想唔想插水跳入人群中？）我怕台下冇人接我啊，但可以同觀眾互動係好開心，我都想搞戶外騷，即使預算大比公司『乍型』都唔理，因為我會不惜工本做比大家睇。」

周殷廷呢日出席音樂會就呻唔夠喉，仲揚言想搞戶外騷

剛宣布求婚成功嘅Tyson Yoshi呢日一如預期被要求除衫，不過佢就唔多滿意自己嘅身材，仲要攝影師影近鏡檢查：「因為依家嘅體脂唔係最滿意，但今晚實在太熱，所以死就死啦！其實每年有個固定時間操練，亦有餐單配合，但隔有一段時間就會休息，等自己身體放鬆。(依家係求婚後幸福肥？)啱啱同女朋友一齊嗰陣時就係肥仔，但唔知點解踏上咗呢條除衫嘅單程路之後，就成日睇住自己個身形，朝早起身照下鏡，然後上個磅量一量，已經有少少職業病。」

Tyson Yoshi呢日一如預期被要求除衫，不過佢就唔多滿意自己嘅身材

Tyson仲話婚禮大日子終於落實，而婚禮嘅兄弟團就要開個報名表俾大家報名：「婚禮會2025明年舉行，因為未婚妻催促快d搞，所以呢日確定了亦落埋訂金。不過2025年亦有計劃開演唱會，希望完成演唱會再辦婚禮，到時就可以輕輕鬆鬆放假。（要準備造人大計？）造人就多等一兩年先，依家唔想揸七人車，因為啱啱買咗架兩座位跑車。」

樂隊ROVER今年2月29日正式出道，至今已二百五十多日，早前於尖沙咀舉行Fans club聚會，現場近二百粉絲出席，四子感謝不少兩迷由參賽造星一直支持，同時亦感謝經理人寶姐照顧陪伴走過低潮，承諾會努力及聽話，最後四子爆喊，淚灑舞台，真情流露。席間，寶姐亦大爆四子秘密及陋習，將ROVER band房實況毫無保留地搬到台上，無懼脫粉。

樂隊ROVER早前於尖沙咀舉行Fans club聚會

四子爆喊，淚灑舞台

是次聚會歷時超過3小時，先有經理人寶姐大爆四子黑圖及陋習，笑言fans睇完可能會脫粉。而被揭發陋習包括：band房內亨仔在電子琴上留下染血紙巾、各人飲完遺下大大小小的膠水樽等，以及各人黑圖，寶姐也透露了四人在完比賽後，等待公司安排到組band心情的起跌及困難，隨即在ROVER準備唱出出道歌《秒速8公里》時，作為隊長的Kim已忍不住，眼泛淚光說：「呢首歌對我哋嚟過好重要，好代表到我哋一開始，開始我哋冇咩名氣，可能到而家都冇咩名氣，但好多謝你哋（fans）唔介意，好無私由造星支持我哋到宜家。」，希晉亦坦言每次唱《秒速8公里》，腦裡就好像走馬燈一樣，重現了由造星到組band的畫面，而眼淺的亨仔同時亦受到感染，感觸至眼濕濕。

經理人寶姐大爆四子黑圖及陋習，笑言fans睇完可能會脫粉

ROVER由四位不認識，音樂底子也不特別深，到走在一起學作曲學夾band，以一起追尋音樂夢，沿路並不容易，但四子互相扶持鼓勵，終於走過各人最迷惘時間，好像希晉分享時便爆喊道出在《造星5》進入十强時，因給予自己過大壓力，終日以淚洗面，說：「果時好驚做唔好，好大好大壓力，由細到大好少俾人讚，但到而家我有粉絲、四個兄弟、寶姐陪係身邊，我之前唔識表達自己嘅情緒，但係我覺得入咗ROVER之後，我好開心，覺得而家喺我人生入面最開心嘅時候！」

ROVER由四位不認識，音樂底子也不特別深，到走在一起學作曲學夾band，以一起追尋音樂夢

四子互相扶持鼓勵，終於走過各人最迷惘時間

至於被在場fans聲言會力撐今年新人獎，Jason覺得獎項先不說，但要感謝三位兄弟，因為加入ROVER，是讓他夢想邁進一大步，說：「自己最大夢想，就係一直以樂隊玩音樂到老死，加入咗ROVER正正就實現咗呢樣嘢，邊玩邊搵錢（寶姐：你搵到錢咩？）（現時）未搵到啫！」，場面搞笑又溫暖。當然，少不了ROVER喊包亨仔，他先代表ROVER先再次多謝寶姐一路以來的包容及照顧，亦多謝公司給予他們成為樂隊的機會，亦再次答謝粉絲，同時亦答應會繼續努力，答應大家：「我哋會生性」。

感激兄弟 粉絲沿路陪伴支持

最後，ROVER在獻唱最後一首歌曲《小伙子》時，借歌寄意集體爆喊，縱使面對未知的未來，仍然抱着堅持自己最大的理想，尤如樂隊ROVER的隊名一樣，繼續漫遊、探索音樂不同的未知領域。表演完結後，ROVER四子留下與在場粉絲合照簽名，聚會在溫馨感動下圓滿結束。