一個人自己去食壽司要花幾多錢?有港女最近光顧壽司郎,最終竟然可以十蚊就埋單,網民紛紛大表驚訝,有人就說「一個人去食都食咗百幾蚊」,笑稱「連杯茶都蝕埋俾你」。
資料圖片
叫一碟壽司連茶十蚊埋單
最近一名女生在 threads 上問 :「有無諗過食壽司郎可以以$10埋單?」從她貼出的一張IG限時動態截圖所見,她當時於壽司郎叫了1碟售價為12元的「珍寶魷魚天婦羅」壽司,並沖了1杯綠茶,連服務費要13元,但在折扣優惠後,只需付10元便可埋單走人,形容付款時,「職員都好愕然」。
示意圖片
網民:自愧不如
「超抵價」食壽司郎帖文一出,隨即震驚一眾網友,有人直言「成日都想咁做,但食1件真係唔夠飽」、「試過食爭鮮26蚊找數,自愧不如」、有人就指試過自己「一個人去食都食咗百幾蚊」, 亦有人笑指「坐夠1個鐘,斟多幾杯綠茶,壽司郎要蝕俾你」、「$10有得食有得坐,好抵」。「睇完我覺得自己好大食」。
網上圖片
無胃口但又要填肚
發文的女網友其後補充,自己當時因沒有胃口,但為了要「填肚」才會入去食,最終入座8分鐘只點了1碟壽司。有網民就指出,壽司郎經常要大排長龍,食一碟就走,雖然只花了十元,但變相就浪費了時間。
示意圖片
如果要等位就唔會食
不過女網友就回覆,指她是上午11時30分左右到達店舖,幾乎不用排隊,又坦言「如果要等位,我唔會等」。
近日有網民在Threads上發表帖文,指乘搭港鐵時有女乘客用2裝嘢的膠袋霸佔僅有的空座,而女乘客大模廝樣佔座行為惹來網民熱論。
示意圖。
用2袋東西霸佔僅有的空座
該網民社交平台Threads上發帖,表示日前乘搭港鐵,上車後見到近門位置有空座,卻被1名女乘客大模廝樣佔座。從照片可見,同排其他座位已滿,而唯一的空座上則放了2袋東西,其中1袋明明可以拿在手中,但偏偏也要放在空位上。
Threads圖片
樓主想坐 女乘客:你坐第度
樓主上前表示想坐該處,沒想到女乘客拒絕並叫樓主另找座位,「我話想坐,佢叫我坐第二度」。樓主一氣之下,反問女乘客「你畀咗3個人錢?」。惟女乘客不願讓步,樓主只好站着,等到對面座位有乘客離開車廂後再坐下。去到沙田站時,樓主決定手機拍下女乘客照片,當時女乘客仍用2膠袋霸位。
有網民反責樓主「唔抵幫」
有網民看完照片,反責樓主「唔抵幫」,「雖然佢(指霸位女乘客)係自私精,但樓主都唔抵幫喎。影得呢幅相即係對面有位唔坐係要坐佢隔籬,何必呢」。樓主迫於無奈,再解釋「入去嗰一下我唔係即刻有其他位坐」,又透露女乘客直到被1名男乘客要求時,才肯拿開膠袋交出座位。
示意圖
網民狠批:西人真係有樣睇
不少網民都批評照片的女乘客,「完全沒有公德心」、「自私」、「西人真係有樣睇,大條道理咁都得」,亦有人建議樓主下次遇上同類情況可以直接坐下,「咪X問啦,呢啲一見到行去直接坐,不用問,因為擺得嘢嘅都係X街,唔使問」、「直接坐,一退縮就輸晒」、「講聲唔該直接坐」、「對住呢啲人太有禮貌唔得㗎」。
示意圖