JACE能否首奪叱咤獎項?
本地獨立女歌手陳凱詠(JACE)繼《百妖夜行的修行》獲得叱咤903專業推介冠軍後,本年度第二首派台歌《間歇性休眠》於本周第35周奪冠,同時與Edan呂爵安合唱歌《漸漸我們》上榜第17位。時隔兩個月,這是JACE第二次於同一週內擁有兩首單曲上榜的成就。對上一次則是第26周,本年度首支派台單曲《百妖夜行的修行》奪冠,《間歇性休眠》也獲得第八位的排名,實屬近年罕見。
點擊看圖輯
單曲由首次合作的謝芊彤譜曲及陳詠謙填詞,編曲及監製則由蘇道哲擔任。
本地獨立女歌手陳凱詠(JACE)
JACE於同一週內擁有兩首單曲上榜
派台歌《間歇性休眠》於本周第35周奪冠
《間歇性休眠》背後蘊藏她作為獨立歌手的真實歷程
單曲由首次合作的謝芊彤譜曲及陳詠謙填詞,編曲及監製則由蘇道哲擔任。
《間歇性休眠》
《間歇性休眠》
《間歇性休眠》
《間歇性休眠》背後蘊藏她作為獨立歌手的真實歷程,道出生活中的辛酸與無奈,提醒自己在適當時學會休息。單曲由首次合作的謝芊彤譜曲及陳詠謙填詞,編曲及監製則由蘇道哲擔任。根據網上統計,JACE陳凱詠的播放率已達到女歌手中的第二位,僅次於Gin Lee,稍微高於Cloud雲浩影,有望於明年叱咤頒獎禮首次踏上得獎舞台。事實上,自JACE出道以來從未奪過任何叱咤獎項,在2022年推出的熱門歌曲《隔離》最高排名僅為第13位,與獎項無緣。作為獨立歌手重返樂壇的JACE陳凱詠,2024年已擁有兩首冠軍作品的輝煌成就,令人期待她能否在今年首次闖入女歌手三甲的行列,令人拭目以待。
Edan與JACE默契十足!
Edan呂爵安與JACE陳凱詠首度合作,推出合唱情歌《漸漸我們》,二人更參與MV演出,深情演繹一對過氣情侶的角色,不過老友鬼鬼的二人,在鏡頭後卻笑料不斷,令拍攝現場籠罩著歡樂氛氛。
Edan(呂爵安)與陳凱詠 (JACE)首度合作推出合唱情歌《漸漸我們》。
Edan與JACE的個性總予人開心果的感覺,但今次二人卻選擇推出一首深情的《漸漸我們》,就連JACE也摸不著頭腦,表示:「我開頭都話唔想咁深情,可以輕鬆啲開心啲,甚至唱跳,點解要咁深情?」Edan為大家解開這個謎團,道:「開頭都討論咗一段時間咩方向,有試過想R&B、唱跳或者情歌,同監製T-ma都傾過,佢都真係整咗唔同嘅demo俾我哋,最尾揀咗最容易入腦、最有感染力嘅《漸漸我們》,同埋香港好耐都冇呢種男女合唱嘅情歌,都覺得係一個好嘅機會推出,下次再玩其他啦!」
Edan透露與JACE結緣於《激安百貨》。
兩人自《拉闊音樂會》默契提升造就首度合唱。
說起二人的合作,大家必定想起最近才舉行過的《拉闊音樂會》,但其實Edan三年前已與JACE結緣,Edan回憶道:「《拉闊音樂會》再對上一次嘅合作係《激安百貨》,但一直都冇諗過音樂上合作嘅念頭,直到拉闊。」JACE也補充道:「既然都做得拉闊,就不如做隻合唱歌玩下啦!」Edan也點頭續道:「同得JACE合作當然唔好嘥,同埋過去有合作過,佢都算係一個幾好嘅合作對象,都有少少火花,有少少夾到,就不如把握今次機會。」
Edan與JACE在MV中飾演一對過氣情侶的角色。
三年來建立的友誼與默契,也便利他們在《漸漸我們》MV中飾演過氣情侶角色,不用培養情緒就可以直接埋位拍攝,JACE表示:「拉闊嗰一次演出嘅默契,當然係源自《激安百貨》,所以今次MV演出培養感情係唔需要㗎!一埋位就俾到,你見到我哋行嘅步速,都冇夾過,竟然都剛剛好!」不過Edan觀察到JACE在拍攝當日的一些微細舉動,忍笑說:「同埋今日(拍攝當日)JACE嘅情緒係100分,見到佢係咁眨眼⋯⋯」JACE見Edan突然搞鬼,也配合搞笑,補充道:「因為我投入角色,見到前度,心情好複雜,唔知點算好,一亂呢就眼都係咁眨。」Edan聽到JACE的答案即回應:「咁下次睇下JACE喺啲咩場合,會係咁眨眼先!」此時JACE即反問佻皮的Edan:「咁你見到我係咩情感?」Edan也繼續戲言,表示:「我係好豐富地空白,見到前度,就空白晒囉!」
三年來建立的友誼與默契,不用培養情緒就可以直接埋位拍攝。
在鏡頭後笑料不斷!
有Edan的現場就有歡樂,好似在《漸漸我們》MV的現場二人一直有講有笑,令全場籠罩著開心的氣氛,但這次Edan卻遭遇連環不幸失策事情,他說:「其中一個shot係拍我,JACE影背脊,但佢對住我扮鬼臉,結果我認唔住笑咗囉,真係,點解佢咁可愛嘅,伸脷喎!」失策事件更包括偷偷與工作人員及其他演員夾定,要來一場惡作劇,可惜卻失敗了!Edan說:「開製作會議時,突然諗起不如玩下JACE,如果我同MV中佢嘅男朋友仔拖埋手跟住走,睇下佢咩反應。」結果JACE竟然冇反應!JACE也一臉無奈表示:「你哋做得唔夠說服力,你哋拖手嘅時候,我唔知你哋做咩囉,如果你哋稍為有多啲進展,我會俾到多啲。點解你可以寓工作於娛樂,咁都整個prank(惡作劇)?你知有啲嘢要還㗎呵!?死梗呀佢。」似乎都可以預計,JACE之後將會還擊了,大家就拭目以待啦!