家常便飯爭霸戰丨14名參賽者分7輪上演「煮場爭霸」 譚輝智神還原《食神》經典對白

每集還會有星級試食員與1名家人試食點評。

全新煮食節目《佳宝食品呈獻：家常便飯爭霸戰》由薛家燕、冼靖峰、關楓馨、阮浩棕擔任主持，粵菜名廚「三姐」蕭秀香擔任掌握生死大權的評審，節目一共十集由明晚（9月9日）起、逢周一至五晚上10點35分翡翠台播映。

《家常便飯爭霸戰》

「美味星章」乃決定負方出線者重要關鍵

家常便飯講究精打細算、老少咸宜兼健康美味，十四名素人參賽者將各自拿出獨門食譜及精湛廚藝，以1對1形式分7輪進行PK。節目每集還會邀請星級試食員連同一名家人齊齊試食點評，與主持們均有特權向參賽者頒發美味星章。是次參與節目的星級試食員分別是吳偉豪與爸爸吳大強、譚輝智與表哥利紹基（Louie）、麥潔文與女兒陳薔天、林沚羿與爸爸林迪安、周吉佩與太太黃彥欣、張馳豪與弟弟張馳杰、羅啟豪與家姐羅敏華。

周吉佩與太太黃彥欣

張馳豪與弟弟張馳杰

麥潔文與女兒陳薔天

羅啟豪與家姐羅敏華

林沚羿與爸爸林迪安

每輪參賽者均需分別以指定食材及自選拿手菜炮製兩道菜進行廚藝比拼，每輪每人均有150元預算購買食材，並需於指定時間內完成烹煮。7名勝方將直接晉級，而落敗的7人中，得到最多「美味星章」的一人也可與其他勝出者一起晉級、爭奪「冠軍霸煮」寶座！

十四位參賽者爭奪「冠軍霸煮」寶座！

每人均有150元預算購買食材。

明晚播出的第一集，星級試食員是吳偉豪（Ricco）與爸爸吳大強，大強笑言由於家中有四名兒子，故有不少下廚經驗。Ricco則指父母煮甚麼他就吃甚麼，笑言冇得揀，並指自己最喜歡吃南瓜蒸排骨，大強聞言即踢爆偉豪「添飯之謎」：「呢味餸佢可以食好多碗飯！」大強還會大爆偉豪最愛湯水，盡顯父子情。

首集星級試員係吳偉豪與爸爸吳大強。

首集素人參賽者：陳冠寰（Wan哥）VS劉栢軒

首集素人參賽者：陳冠寰（Wan哥）VS劉栢軒

栢軒被三姐嘅幽默嚇一嚇！

Wan哥

偉豪同大強喺節目中盡顯父子默契。

「無敵摩打手」Wan哥一分鐘刨十個蘿蔔？

首集指定食材是魚，29歲劉栢軒以脆糯鮭魚馬鈴薯餅，對決65歲陳冠寰（Wan哥）的檸汁酥炸多春魚，並順道分享入廚因由。栢軒指由於父母從他小時候已出國公幹，故與弟弟幾乎每天都吃外賣；為了擺脫「外賣人生」，栢軒12歲左右便開始上網睇片學煮，至今已累積17年下廚經驗。Wan哥則自誇可一分鐘刨十個蘿蔔，並自封「無敵摩打手」！

指定食材比拼：Wan哥嘅檸汁酥炸多春魚VS栢軒嘅脆糯鮭魚馬鈴薯餅

指定食材比拼：Wan哥嘅檸汁酥炸多春魚VS栢軒嘅脆糯鮭魚馬鈴薯餅

自選菜式方面，Wan哥以咖哩薯仔雞翼vs栢軒的手工蛋餃蔬菜湯，Wan哥透露曾在社區中心煮過 20至30人份量的咖哩薯仔雞翼，並笑言大獲好評。至於栢軒親自製作蛋餃時，則獲三姐搞笑發問：「會唔會盞搞」，場面開心。

自選食材比拼：Wan哥嘅咖哩薯仔雞翼VS栢軒嘅手工蛋餃蔬菜湯

自選食材比拼：Wan哥嘅咖哩薯仔雞翼VS栢軒嘅手工蛋餃蔬菜湯

三姐大嗌頭痛全因參賽者太煮得？

後晚（9月10日）播出的第二集，星級試食員是譚輝智與表哥Louie，輝智坦言自己只懂吃，完全沒有下廚經驗，皆因除了有媽媽煮住家飯，輝智與Louie在英國居住時，亦是由Louie負責伙食，認真有口福。是集指定食材是豬肉，62歲藍玉珍和53歲何玉連分別以鎮江骨及椒鹽豬扒仔比拼。

譚輝智與表哥Louie

譚輝智與表哥Louie

第二集素人參賽者：藍玉珍VS何玉連

第二集素人參賽者：藍玉珍VS何玉連

職業為陪月的珍姐，經常為產後女士炮製鎮江骨，連姐則因孫兒愛吃椒鹽豬扒仔，故想以此菜式作賽，該味菜更是充滿對孫兒的愛：「切成一條條，小朋友容易食啲。」自選菜式比拼環節，珍姐和連姐分別以大蝦粉絲煲和西蘭花炒蝦球作賽，兩款菜式同樣令大家讚不絕口，評審三姐亦忍不住大叫頭痛！

珍姐以鎮江骨為指定食材比拼菜式。

珍姐以鎮江骨為指定食材比拼菜式。

姐以椒鹽豬扒仔為指定食材比拼菜式。

姐以椒鹽豬扒仔為指定食材比拼菜式。

連姐以西蘭花炒蝦球為自選食材比拼菜式。

連姐以西蘭花炒蝦球為自選食材比拼菜式。

珍姐以大蝦粉絲煲為自選食材比拼菜式。

珍姐以大蝦粉絲煲為自選食材比拼菜式。

是集最大亮點位，必定是愛吃海鮮的輝智，吃到某位參賽者的菜式時，竟神還原家燕姐在周星馳電影《食神》中的經典對白：「嘩！點解呀？以後食唔番點算。係咩嚟？點解我流眼淚嘅？」隨即引發全場爆笑，家燕姐亦忍不住笑謂：「嘩，你成個食神咁樣！」

譚輝智神還原家燕姐《食神》經典對白情節。

譚輝智喜劇感爆燈！

譚輝智喜劇感爆燈！

氹得家燕姐同三姐幾開心！

到底邊個成功晉級呢？

譚詠麟表示：「我同佢作風唔同，希望佢做到自己鍾意的」。

「樂壇校長」譚詠麟（阿倫）率領的「老六兄弟」明星足球隊成員衛志豪、莫家淦、張智軒、潘梓鋒、羅鈞滿和伍偉樂，昨晚（3月11日）六位成員精神奕奕拉隊現身新城廣播，接受由薛家燕、范振鋒、思敏主持的《開心大派對》節目錄音訪問，而在訪問中途，譚校長阿倫突襲驚喜現身錄音室，令到全場驚喜大叫，整個錄音室都笑聲不絕。

譚校長在訪問中途突襲驚喜現身。

譚詠麟、薛家燕、范振鋒、思敏與「老六兄弟」明星足球隊。

譚校長阿倫為力撐「老六兄弟」不惜大玩驚喜現身，家燕姐問阿倫為何特別提攜這班年青人？阿倫笑言：「我冇睇好佢哋，佢哋係靠自己，將自己化腐朽成形。（所以畀機會佢哋？）我哋（明星足球隊）每次出外都有個環節與眾同樂，同啲球迷一齊唱吓歌，成日唱《萬水千山總是情》，咁不如搵隻歌可以又唱又跳。（唱你啲歌？）梗係要唱我啲歌！哈哈！」

至於何以有「老六」成員出現？阿倫直指因為眾人不怕蝕底，他稱：「呢個圈都係咁，成班人食飯期間，要有人唱歌搞吓氣氛，佢哋一個個行出嚟，又唱得唔錯，所以唔怕蝕底就有着數。」

薛家燕、譚詠麟、范振鋒

早前傳出阿倫和老友陳百祥（阿叻）因明星足球隊「分家」問題而鬧不和，兩人亦未就事件作出回應，不過阿倫在節目上多次提起阿叻。當阿倫沾沾自喜有過百首親自創作的歌曲時，家燕姐笑指要跟阿倫學習，皆因他永遠都充滿自信，阿倫聞言即謂：「我都係跟阿叻學習，佢係主席，我係會員。」

阿倫回應與老友阿叻不和傳聞。

家燕姐又追問阿倫：「聽聞明星足球隊分咗兩隊？」阿倫直認不諱：「真係有呢件事，空穴來風必有因。」是否兩隊作風不同？阿倫也直言：「出面啲人成日都問我係咪同阿叻唔啱？點會唔啱呀？幾廿年朋友，唔會為咗呢啲嘢；不過當日睇到新聞條片個心都離一離，驚唔知點答傳媒朋友，返到屋企發咗幾晚噩夢，仲紮醒。」

譚詠麟、薛家燕、范振鋒與「老六兄弟」明星足球隊。

阿倫續說：「但其實諗通咗就好簡單，都係幾樣嘢，無論職業、商業、業餘都好，全球有咁多華人，個個都識我哋，嗰餅咁大，點搞都好，只不過依家覺得佢同我哋嘅風格有些少唔同，因為佢比較肉緊啲，我哋比較嬉戲啲，大家睇法唔同；全球咁大，佢想點踢同點睇都得，相信有一日，佢迷途會返嚟，但佢未必迷途，可能佢方向啱都未定，我都希望佢做到自己鍾意嘅，其實我哋私底下仲有見面呀，過年都有講恭喜發財。」

薛家燕、譚詠麟

詳細節目內容，請留意3月15日，下午3-4時，新城知訊台《開心大派對》節目，網址：https://www.metroradio.com.hk/MetroInfo/