譚詠麟驚喜現身《開心大派對》首回應與陳百祥反面 認明星足球隊「分家」

譚詠麟表示：「我同佢作風唔同，希望佢做到自己鍾意的」。

「樂壇校長」譚詠麟（阿倫）率領的「老六兄弟」明星足球隊成員衛志豪、莫家淦、張智軒、潘梓鋒、羅鈞滿和伍偉樂，昨晚（3月11日）六位成員精神奕奕拉隊現身新城廣播，接受由薛家燕、范振鋒、思敏主持的《開心大派對》節目錄音訪問，而在訪問中途，譚校長阿倫突襲驚喜現身錄音室，令到全場驚喜大叫，整個錄音室都笑聲不絕。

譚校長在訪問中途突襲驚喜現身。

譚詠麟、薛家燕、范振鋒、思敏與「老六兄弟」明星足球隊。

譚校長阿倫為力撐「老六兄弟」不惜大玩驚喜現身，家燕姐問阿倫為何特別提攜這班年青人？阿倫笑言：「我冇睇好佢哋，佢哋係靠自己，將自己化腐朽成形。（所以畀機會佢哋？）我哋（明星足球隊）每次出外都有個環節與眾同樂，同啲球迷一齊唱吓歌，成日唱《萬水千山總是情》，咁不如搵隻歌可以又唱又跳。（唱你啲歌？）梗係要唱我啲歌！哈哈！」

至於何以有「老六」成員出現？阿倫直指因為眾人不怕蝕底，他稱：「呢個圈都係咁，成班人食飯期間，要有人唱歌搞吓氣氛，佢哋一個個行出嚟，又唱得唔錯，所以唔怕蝕底就有着數。」

薛家燕、譚詠麟、范振鋒

早前傳出阿倫和老友陳百祥（阿叻）因明星足球隊「分家」問題而鬧不和，兩人亦未就事件作出回應，不過阿倫在節目上多次提起阿叻。當阿倫沾沾自喜有過百首親自創作的歌曲時，家燕姐笑指要跟阿倫學習，皆因他永遠都充滿自信，阿倫聞言即謂：「我都係跟阿叻學習，佢係主席，我係會員。」

阿倫回應與老友阿叻不和傳聞。

家燕姐又追問阿倫：「聽聞明星足球隊分咗兩隊？」阿倫直認不諱：「真係有呢件事，空穴來風必有因。」是否兩隊作風不同？阿倫也直言：「出面啲人成日都問我係咪同阿叻唔啱？點會唔啱呀？幾廿年朋友，唔會為咗呢啲嘢；不過當日睇到新聞條片個心都離一離，驚唔知點答傳媒朋友，返到屋企發咗幾晚噩夢，仲紮醒。」

譚詠麟、薛家燕、范振鋒與「老六兄弟」明星足球隊。

阿倫續說：「但其實諗通咗就好簡單，都係幾樣嘢，無論職業、商業、業餘都好，全球有咁多華人，個個都識我哋，嗰餅咁大，點搞都好，只不過依家覺得佢同我哋嘅風格有些少唔同，因為佢比較肉緊啲，我哋比較嬉戲啲，大家睇法唔同；全球咁大，佢想點踢同點睇都得，相信有一日，佢迷途會返嚟，但佢未必迷途，可能佢方向啱都未定，我都希望佢做到自己鍾意嘅，其實我哋私底下仲有見面呀，過年都有講恭喜發財。」

薛家燕、譚詠麟

詳細節目內容，請留意3月15日，下午3-4時，新城知訊台《開心大派對》節目，網址：https://www.metroradio.com.hk/MetroInfo/

薛家燕（家燕姐）育有兩女一子，當中兒子石耀庭於2018年結婚，並於2021年5月迎來囝囝Julian，家燕姐正式榮升嫲嫲！有孫萬事足的家燕姐不時分享與孫仔的合照，兩嫲孫笑容一致，猶如「餅印」，而Julian亦好愛錫嫲嫲，日前就為嫲嫲送上一份親手製作的生日禮物。

家燕姐育有兩女一子，當中兒子石耀庭於2018年結婚。

一家人感情非常好。

石耀庭與太太Zoe於2021年5月迎來囝囝Julian。

家燕姐榮升嫲嫲！

家燕姐有孫萬事足！

早前三代同堂為家燕姐慶祝75歲生日。

Julian錫錫嫲嫲。

家燕姐於3月30日踏入75歲，日前她在IG分享獲家人安排三代同堂吃飯慶祝的溫馨合照！相隔幾日，她再分享孫仔Julian送給她的生日禮物，並冧爆留言：「收到Julian親手整嘅手鏈好開心，Julian見到嫲嫲帶自己整嘅手鏈都好開心！」相中可見，Julian送了一條親手製作的串珠手鏈給嫲嫲，手鏈上還有家燕姐的英文名「Nancy」，好有心思！家燕姐戴上手鏈後與Julian合照，兩嫲孫都笑到「見牙不見眼」，相當有愛！

Julian親手串了一條手鏈送給嫲嫲。

兩嫲孫齊齊笑到「見牙不見眼」。