早前有港女在元朗食麵套餐時，發現所謂「半隻雞」僅得4件。當問及在場職員時，對方更大條道理搵藉口，令大批網民不禁要事主「報海關」！
港女元朗食套餐 $88半隻雞僅得4件
早前一位港女在社交平台發文，指自己近日在元朗一間麵店食飯發現貨不對版。她指自己點的湯麵套餐應有半隻爆汁脆皮燒雞，但送到上枱就只有4件雞。
事主點的套餐。FB圖片
店員竟指「我地改咗剪法」
事主對燒雞的分量感到意外，便即場向店員查詢「呢度半隻雞？」，奈何店員似乎回應得相當熟練指「係呀，我地改咗剪法，呢度半隻雞嚟」。事主見店員堅稱「剪法」顯量少，亦不再多加爭論。
FB圖片
事主take it easy：果然圖片只供參考
事主文末豁達地表示「果然圖片只供參考」，還加了個笑臉表情，看來在無可奈何下還是接受了店員的說法。
FB圖片
大批網民叫「報海關」
然而，網民就未有事主咁樂觀，怒斥「見到都好嬲！」、「點剪都拼唔到半隻，半隻嘅一半剪咗去邊」，又揚言當時應該要求店員「即場拼返出嚟」、「最憎就係呢啲取巧答法」，亦有網民提議要「報海關，違反商品說明條例」。
示意圖
麥提莎上密密麻麻佈滿白點，震撼畫面曝光！
朱古力品牌麥提莎一直深受大人及小朋友喜愛，成為不少人煲劇、打機的必備零食！不過近日有網民打開一盒全新未開封的麥提莎後，竟發現表面麥提莎上密密麻麻佈滿白點？畫面之震撼，令人頭皮發麻！
麥提莎。fb圖片
網民：「特別版嚟㗎，萬千星輝麥提莎!」
近日，有網民在社交平台上發文，指自己打開新購買的麥提莎時，竟發現朱古力表面出現「白色一點點」，該網友不知道自己究竟是否應該繼續照食，於是向廣大網友求助問「食唔食得」。帖文曝光掀起網民熱議，有網民爆笑指，「唔係呀，特別版嚟㗎，萬千星輝麥提莎!」
IG圖片
麥提莎。fb圖片
事主：「聞落好正常」
該網友指，自己在便利店新購買的麥提莎表面出現白色斑點，「食都未食，一打開盒麥提莎，就見到粒粒都白色一點點」。據其公開的相片可見，密密麻麻的圓形白色小斑點均匀覆蓋在麥提莎上。事主表示，麥提莎「聞落好正常」，但由於不清楚是否還能食用，遂發文向廣大網友查詢「係咪應該食得」。
曬得多太陽出雀班
網民們紛紛爆笑留言，「好聖誕節feel，好似聖誕樹上面啲波波」、可能這盒特別為你做，因為你閃亮亮」、「曬得多太陽出雀班」、「星球大戰限量版麥提莎」、「特別版嚟㗎，萬千星輝麥提莎」。
麥提莎。fb圖片
《愛回家》劇照
也有不少網民曾有類似經歷，「我都試過買咗盒係咁，lunch time公司樓下間七仔買，買完即刻上去開，見到咁即刻攞落去換，職員仲話係咁㗎好正常，我話朱古力咁樣叫正常？你夠膽即刻食一粒睇下？跟住佢仲要同另一個職員講完，先好唔情願換一盒，我即場打開，係平時個樣我先走」、「呢個唔叫誇張，我試過中學嘅時候，有一排學校買嗰啲麥提莎全部都變晒成粒白色，但係又幾好食」、「我以前做過7仔，有問題keep返單可以攞返去換」。
