食客斥屯門冰室雞翼腸仔飯要$75 網民撐餐廳： 你可以唔光顧！

日前有臉書專頁的管理員發帖，指在餐廳叫了一碟黑椒汁雞翼腸仔飯，批評「咁嘅飯75蚊，我都係留返啲錢去日本，得閒執張平飛快閃好過啦」，引來網友熱議！

FB圖片

香港，75蚊食腸仔；日本，75蚊食和牛

該位管理員在日本旅遊購物專頁連發兩帖並附上相片，相中是一碟賣相普通的黑椒汁雞翼腸仔飯，他直斥「咁嘅飯75蚊，我都係留返啲錢去日本，得閒執張平飛快閃好過啦」，更把雞翼腸仔與日本的和牛比較，指「香港，75蚊食腸仔；日本，75蚊食和牛」。

設計圖片

而眼利的網民留意到相中的碟印有餐廳的標誌，相信此碟雞翼腸仔飯應是出自屯門一間冰室，而其餐牌上的黑椒雞中翼腸仔飯，的確售價是75元。

示意圖。《愛回家》劇照

部份網民認同：香港物價真的非常過份

帖文引來網民熱議，部份網民認同管理員的看法，「監房新年加餸飯餐？」、「香港物價真的非常過份」、「𠵱度最多20蚊成本」、「成本10元都唔使，真係慳啲錢去旅行用！貴得來唔值，食水好深」、「$7.5 就差唔多，所以𠵱家飲食業自己趕客」等。

示意圖。《愛回家》劇照

網民撐餐廳：明碼實價，你可以唔光顧！

不過更多網民認為「奇怪，明碼實價，你可以唔光顧或者叫其他嘢食，明知又貴又頹仲要食完唱係乜玩法」、「咁你想畀乜你？ 都寫明腸仔雞翼飯，唔通畀豬扒你？」、「$50租金、$15人工，$5成本，賺你$5」、「有乜問題？又冇呃你」、「明碼實價，講明係乜野飯要幾錢，我睇到餐牌會直接起身走，點解仲要點嚟食？」。

網上流傳一張相片，巴士上疑似出現一隻「長尾大老鼠」！有人淡定應對，有人卻淡定不了一點。

示意圖

巴士上警現「大米奇」

樓主早前在社交平台Threads上載相片發帖，指搭巴士「一抬頭見到條好長嘅尾，原來係小米奇，究竟佢點入去？」。

threads截圖

網民安慰：你有你搭佢有佢搭

從相中可以看到，巴士天花磨沙燈罩內猜有隻「長尾大老鼠」形狀的黑影。見樓主「米奇」留言，有網民跟風話聯想到「五星級大鼠」。有人則故作鎮定，安慰樓主是「汽車維修員啫」，並建議「唔好諗咁多，你有你搭佢有佢搭」，還有人笑言，燈罩內其實是老鼠的「屋企」。

threads圖片

網民淡定揭真相

有人間清醒的網民則估到了事件的來龍去脈，淡淡然反問「會唔會係電線？」、「電線加一堆垃圾」、「電線前面有個好大嚿嘅『身體』」，反指樓主「幾好幻想力」。

threads圖片