不時都有市民為了追巴士而險象橫生，日前就有巴士司機上傳有女士為追巴士險被撞的影片，呼籲大家「車還追車，都要睇車架，有咩仲要得過條命仔，生命無take 2」。
FB影片截圖
女子疑顧追巴士突衝出馬路
該名司機將日前一段車CAM影片上傳至Facebook群組，片中地點為彩虹巴士總站，樓主當時正駕駛一架巴士準備離開，當近駛出總站時，突然有名女子衝出馬路，懷疑她因太心急想追另一駕巴士，而不顧駛近的車輛。
FB影片截圖
樓主及時煞車嚇親爆粗
當時樓主察覺有人衝出馬路，即響咹警示，名女子或因受到驚嚇亦發出尖叫聲，幸好樓主及時煞停，始沒有發生意外。不過樓主或亦因女子突然其來的舉止嚇倒而爆粗，他怒罵「X你老X，真係黐線」隨後便駛走。
FB影片截圖
網民：成日見啲人用生命去追車
片段即引來網民的熱議，大家都批評女子魯莽的行為是害人害己，「嚇死人」、「巴士站真係十面埋伏」、「最X憎啲亂X咁衝馬路嘅人！」、「累X死司機」、「出事咪話司機唔留意環境」、「我都試過，快多1秒都車死個人，呢啲係無得避」、「成日見啲人用生命去追車，趕唔到咪坐下架囉，又唔係尾班車」。
FB影片截圖
有人質疑樓主開車太快
不過亦有網民覺得樓主的車仍在巴士總站範圍內，車速不應太快，「慢鏡都覺得你揸得快呀！」、「你自己小心啲揸慢啲好過啦，你撞埋去都係你錯㗎咋，唔好賴人」。
不少港人移民英國，除了要適應當地的生活及環境外，很多時要轉行，不能從事原本的職業，更可能要由低做起。最近就有網民分享移英後，要從事「卑微的工作」，大嘆收入及生活質素大不如前！
英國倫敦。 AP資料圖片
懷疑當初移英決定：我到底在做什麼？
樓主在社交平台發文大呻，指自己在港時是一名資深教師，月入已過8萬元，但舉家移民到英國後，只能從事「卑微的工作」，擁有「低微的收入」，讓他不禁回想，如當初沒有移民留在香港，可能月薪已過8萬元，即是接近教師的頂薪點。他寫到「有時忍不住想，如果我現在仍在香港，月入已過$80,000」，因此他不禁懷疑自己當初移居英國的決定，並問到「我到底在做什麼？我能否繼續堅持下去？」。
示意圖
收入僅應付到日常生活開支
樓主表示發文只是想「噴一口悶氣」，並在留言處補充目前他在英國的月收入只是在港時的四份一，即是二萬元左右，僅僅可以應付一家人的生活開支，還要支付小朋友的學費，所以有點吃力，「如果唔使畀海外大學費，我都應該滿意而家的收入」，他表示雖然當時已預計來英後收入會大減，但來到卻又是另一番滋味！
不想回港憂影響下一代的前途
見到有移英的朋友回流返香港，現在任職校長，樓主表示自己亦都曾經受邀回到以前間學校任職，但最終還是決定留在英國。他指始終擔心一下代的前途，但又說「我都會同佢哋講，如果日後喜歡嘅話，佢哋可以返香港發展，我唔想將我嘅價值取代佢哋的選擇」。
網上圖片
網民認為香港人工普遍較外國高
網民都紛紛留言，認為香港人工普遍較外國高「有冇諗過可能係香港嘅人工比起其他地方係不合理同唔尋常地高，但同時稅率又低過其他地方？喺呢度（英國）做資深老師稅前都冇可能有8萬港紙一個月」、「你喺香港都有$80,000，而家FG（畢業生）得17K，我都擔心緊，不過如果我喺香港有80K我都唔會走」、「月入有8皮嘢唔使嚟英國」。
示意圖。unsplash圖片
網友鼓勵：沒有一帆風順的移民 成功全靠用心經營
不過亦有人鼓勵樓主，「既然你選擇咗適合自己就堅持」、「移民有點像結婚，激情過後就是柴米油鹽的事，沒有無風無浪的婚姻，也沒有一帆風順的移民，成功全靠用心經營，加上『遷就』和『接受」』，途中有千萬個放棄的理由，但堅持可能只要一個理由就足夠了」。
