韓國女子天團BLACKPINK成員Lisa於11月19日來港舉行首次個人粉絲見面會，日前有網友分享有朋友幫愛女買飛，孰知朋友撞了大板，卻買了Liza姐汪明荃的演唱會票！
韓國女子天團BLACKPINK成員Lisa於11月19日來港舉行首次個人粉絲見面會。(網上圖片)
不熟BLACKPINK買了兩張Liza演唱會門票
網友在社交平台專頁分享一則朋友的趣事，指他朋友的愛女很喜歡韓國女子天團BLACKPINK成員Lisa，由於Lisa將於11月19日在亞博舉行首次個人粉絲見面會，於是求父親幫忙買票。而剛巧另一位Liza姐汪明荃亦在11月23至24日在紅館舉行個人演唱會，這位朋友於是誤以為女兒口中的Lisa 是指汪明荃，經過城市電腦售網時就購買了兩張汪明荃的演唱會門票！
BLACKPINK成員Lisa (網上圖片)
FB圖片截圖
網笑：Liza 姐曾經都係女團
這則趣聞迅間成為網上熱話，大家都紛紛留言「好彩唔係方任麗莎 lisa。入去教煮餸。」、「Liza 姐曾經都係女團(意指女團4朵金花)」、「個女讚老豆咁叻，咁都搶到LISA的票，老豆：好易買到，第一行握手位」、「家英哥都笑醒」、「我就寧願睇汪明荃，汪明荃由後生紅到而家」、「老竇無做錯！」、「明荃實亡」等等。
Liza姐汪明荃亦在11月23至24日在紅館舉行個人演唱會。(網上圖片)
最後補買兩個Lisa/Liza都睇到
幸好版主表示朋友後來都急急腳補買，成功為女兒搶到Lisa 的粉絲見面會門票」更留言「呢單嘢冇影響到佢哋嘅父女感情，我朋友已經補買返韓國LISA俾阿女，阿女亦都好happy，11月可以睇到兩個Liza/Lisa姐的concert。」最後大團圓結局，阿女可於11月同時欣賞到兩位Liza/Lisa姐的表演，都算是非常幸運！
