有港女於社交平台上傳片段，指於Donki（驚安之殿堂）逛街時，於店內一貨架上看見有老鼠正偷食，被偷拍也不怕人，甚至直望向鏡頭，不少網民都被「萌態」萌到！
DON DON DONKI。示意圖（非涉事店鋪）
Donki貨架驚見老鼠「開餐」
港女在threads發布片段，可以見到調味料貨架櫃有隻老鼠食到「舔舔脷」，樓主留言指「有隻老鼠食緊mum mum喎」。
threads圖片
遭人凝望偷拍反望鏡頭露趣怪表情
老鼠貌似發現遭人凝望、偷拍，不但沒有即時逃走，而是直望向鏡頭近4秒。期間，嘴部仍然不斷咀嚼，表情相當搞怪！樓主鬼馬地與老鼠打招呼，老鼠之後繼續埋首「開餐」。
threads圖片
「$29.9帶佢返屋企得唔得？」
樓主事後表示已即時通知職員處理，但老鼠可愛表情仍受廣大網民討論，「$29.9帶佢返屋企得唔得？」、「幾得意，雙目有神又唔污糟」、「我竟然會覺得佢Cute，我一定黐咗線」。
五星級大鼠轉世？
有人聯想起老鼠作主題的卡通片，「五星級大鼠咁」、「主廚出現」、「點解識望鏡頭，係咪轉生成為老鼠」，樓主則笑稱「可能佢有偶包，識得Feel啲鏡頭喺邊」。
有人呼籲樓主向食環署舉報
不過亦有人擔憂食品衛生問題，「咁大隻…應該係長期客戶嚟」、「會唔會我地買咗啲嘢食都俾老鼠食過，咁樣會有戊型肝炎㗎喎」，並呼籲樓主向食環署舉報。
資料圖片
有網民分享，指落雨等小巴時，有男子冒雨站在站頭等車，其他人則到簷篷下排隊。然而小巴到站時，所有人都斥責該名男子未有排隊，更有人阻他上車。「英雄」舉動雖獲在場乘客支持，但惹來網民一面倒批評。
示意圖
冒雨等車但被批無排隊
有屯門街坊在一個地區群組發帖指，早前在屯順街一個專綫小巴站等車時，與其他乘客一同站在屯門市廣場簷篷下輪候。其間一名男子如常站在小巴站牌前冒雨開遮等車。小巴到站時，簷篷下的隊伍遂上前登車，但批評冒雨候車的男子未有排隊。
FB圖片
「眾人勸都唔聽」 阻止男子上車「好正義」
該名街坊指「個男人唔排隊行埋站牌話自己排緊隊」，又形容男子「眾人勸都唔聽，話我係排緊」，更大讚阻止男子上車的女子行為「好正義」，句未一個「大拇指」表情透露出帖主是真的讚揚該女子見義勇為的行動。
FB截圖
網民卻指：成班自私精霸凌緊佢一個男人
不過，帖文被群組網民一面倒反駁，紛紛留言冒雨等車的男人：「人地果啲先係排隊」、「人地係站頭排隊就話冇排」、「站頭係果度，你地避雨排左入去，係你地問題」、「有問題嗰個好似係你喎，仲話唔畀人上車個女人正義添，服左你既歪理」、「人哋捱住落雨排正站頭反而唔畀上車，宜家係你哋避雨咋喎，乜×嘢道理」、「淨係見到你哋成班自私精霸凌緊佢一個男人。」
示意圖
人多不代表正確 避雨不等於排隊
有人就指出人多不代表正確，「你地只係避雨唔係排隊，夾埋話個男人，人多唔代表你地岩囉，依家仲要影相放上黎，搏乜野？」、「有啲人又要想打尖又唔敢插隊就自己新增條隊」、「驚俾人X所以咪投匿名囉！」。
