飛大馬為選美比賽任評審 33歲陳凱琳樣貌身材不輪年輕得獎佳麗

不愧是前港姐冠軍兼最上鏡小姐！

33歲的前港姐冠軍陳凱琳（Grace）與鄭嘉穎於2015年因拍攝TVB劇集《殭》撻着，二人拍拖三年後結婚，婚後更成功四年抱三，育有三個得意囝囝，一家五口生活幸福美滿！陳凱琳雖然已為三子之母要忙於照顧家庭，但她亦能好好兼顧事業，近日她就飛到馬來西亞為選美比賽擔任評審，盛裝現身的她完全不輸得獎佳麗！

陳凱琳與鄭嘉穎一家五口。

陳凱琳近日飛到馬來西亞為選美比賽擔任評審及頒獎嘉賓。

陳凱琳近日飛到馬來西亞為《國際中華小姐暨馬來西亞全能女神競選2024》擔任評審及頒獎嘉賓，她在IG分享當晚的靚相，可見她狀態絕佳，穿著充滿中國風的刺繡晚裝，低胸大露背的設計，性感又不失高貴優雅，相當明艷照人！

陳凱琳以充滿中國風的刺繡晚裝現身。

低胸大露背，非常性感。

又不失高貴優雅。

陳凱琳IG圖片

陳凱琳IG圖片

陳凱琳IG圖片

陳凱琳又貼出與得獎佳麗的合照，可見她無論是樣貌還是身材都不輸比她年輕的得獎佳麗，不愧是2013年香港小姐冠軍兼最上鏡小姐！不少網民都紛紛留言大讚，「ou are eternal goddess.. 新一代女神」、「太美了！女神」、「會唔會太靚」、「嫦娥可以行埋一邊」、「Grace完勝！」

陳凱琳又貼出與得獎佳麗的合照。

無論是樣貌還是身材都不輸比她年輕的得獎佳麗。

嘟嘴好可愛！

Grace透露嘉穎育兒方面比她嚴肅。

藝人陳凱琳（Grace）與媽咪劉惠嫺（Connie）結伴到新城接受李有毅和兒子李國煒主持的《Ben同Benson Chur到行》訪問，Grace作為三個兒子的媽咪，同時又是藝人和KOL，而老公鄭嘉穎的演藝工作亦十分繁忙，對於如何分工照顧兒子？Grace透露嘉穎育兒方面比她嚴肅，自己則是慈母。

陳凱琳（Grace）與媽媽接受新城《Ben同Benson Chur到行》訪問。

Grace表示：「佢（老公）都唔想做衰人嘅，但做媽咪永遠都係慈母，所以佢就變咗呢個角色，不過我哋都有個共識，有啲嘢唔可以太鬆，例如過馬路一定要拖住，我哋就會較嚴肅去教小朋友，因為關乎危險，我哋就會統一啲。」Connie則大爆三個孫仔精力旺盛，但性格大相逕庭，「大孫仔好活潑，佢見到乜就會聯想到第二樣嘢，個人好有公義；二孫仔好鍾意砌puzzle，佢上嚟我屋企會坐埋一邊自己砌；最細嘅孫仔成日周圍走，又要搵我隻貓，又鍾意淋花，好活躍。」

訪問期間，Grace反客為主訪問媽咪：「你覺得你做咗婆婆之後，會唔會比照顧我時縱容咗呢？我見到有少少，但可能係我偏見！」Connie直言自己不敢縱容，她說：「因為我好想同你同嘉穎嘅步伐差唔多一致，盡力去適應你哋家庭嘅家規同教訓，小朋友咳唔畀食甜嘢，我真係唔畀，我好合作。」Connie補充：「我唔想去混亂你哋嘅思維，同埋你哋點會去害自己小朋友，一定係畀最好，一定有原因先咁做，咁我唔使明白，我去配合就好。」

陳媽媽盼與女兒女婿步伐一致！

Grace指自己非常樂意成為一位母親，但最重要調整好時間，盡量每件事都做好，嘉穎亦經常提醒她，「佢話做人唔可以咁貪心乜都做晒，反而一樣一樣做先可以做滿分。我老公價值觀方面非常好，從小就畀啲仔知道錢唔係必然，係要賺返嚟，喺屋企我哋會比啲家務佢哋做，例如執碗或揼吓骨，畀一兩蚊佢哋，唔係攤大手板就會有錢。」

Grace自認是慈母。

Grace亦希望家中3位公子將來可以互相幫助，兄弟情永不變，「佢哋打交係必然，但打還打，希望佢哋會愛惜對方，將來哥哥或細佬需要幫忙，都要盡量去幫，因為佢係你嘅家人，呢個愛係無可取替。」

節目到尾聲，Grace送上一首《Dancing Queen》給媽咪，而Connie則送《Amazing Grace》給愛女，她稱：「佢出世時又奀又瘦，只得4磅幾，住暖氣箱住咗三個月，我記得護士抱佢出嚟時，佢塊臉發光，我覺得好graceful，即刻加咗英文名叫Grace，所以佢嘅出生係好amazing。」

Grace希望家中3位公子兄弟情永不變。

詳細節目內容，請留意3月1日，晚上11時 – 凌晨1時，知訊台《Ben同Benson Chur到行》，網址：https://www.metroradio.com.hk/MetroInfo/