去李亞男屋企拜年撞Look好尷尬陳凱琳自嘲唯一唔同係身高

娛圈事

去李亞男屋企拜年撞Look好尷尬陳凱琳自嘲唯一唔同係身高

2025年02月07日 19:00 最後更新：21:20

身高差好可愛～

33歲的前港姐冠軍陳凱琳（Grace）與鄭嘉穎婚後成功四年抱三，育有三個得意囝囝，一家五口生活幸福美滿！陳凱琳婚後以家庭為先，並轉型做KOL，積極經營社交平台，不時分享受工作及家庭點滴，近日她就分享了一段到李亞男家中拜年的趣事。

點擊看圖輯

一家五口

陳凱琳積極經營社交平台，不時分享受工作及家庭點滴。

近日分享了一段到李亞男家中拜年的趣事。

影片截圖

龔嘉欣留言

網民留言

陳凱琳在IG分享到李亞男家拜年的影片，並留言：「人生總係有啲嘢唔到你話事，Wait til the end….But good effort for trying. （等到最後…但努力嘗試）P.s. 我哋真心冇夾過會着咩衫，真係去到拜年嘅時候先見到。Soooo funny! My kids thought we were twin sisters.（好有趣！我的孩子以為我們是雙胞胎姊妹）」。

View this post on Instagram

A post shared by 𝘨𝘳𝘢𝘤𝘦 ♥ 陳凱琳 (@ghlchan)

影片中可見，陳凱琳和李亞男不但同樣穿著粉紅色上衣搭配淺藍色牛仔褲，連髮型、髮飾、指甲款式都幾乎一模一樣，搞到二人相好尷尬，但卻有唯一的不同之處，就是二人的身高，非常搞笑！有網民笑言：「指甲喺邊整：出街整；件衫喺邊買：出街買」，陳凱琳就回覆道：「人哋上門整㗎！高級！」不過，老友龔嘉欣及其他網民就懷疑二人是預先合謀，陳凱琳就強調與李亞男真的完全沒有夾過，並對自己的身高感自豪！

往下看更多文章

陳凱琳自認慈母爆鄭嘉穎教仔做家務賺零用錢

Grace透露嘉穎育兒方面比她嚴肅。

藝人陳凱琳（Grace）與媽咪劉惠嫺（Connie）結伴到新城接受李有毅和兒子李國煒主持的《Ben同Benson Chur到行》訪問，Grace作為三個兒子的媽咪，同時又是藝人和KOL，而老公鄭嘉穎的演藝工作亦十分繁忙，對於如何分工照顧兒子？Grace透露嘉穎育兒方面比她嚴肅，自己則是慈母。

Grace表示：「佢（老公）都唔想做衰人嘅，但做媽咪永遠都係慈母，所以佢就變咗呢個角色，不過我哋都有個共識，有啲嘢唔可以太鬆，例如過馬路一定要拖住，我哋就會較嚴肅去教小朋友，因為關乎危險，我哋就會統一啲。」Connie則大爆三個孫仔精力旺盛，但性格大相逕庭，「大孫仔好活潑，佢見到乜就會聯想到第二樣嘢，個人好有公義；二孫仔好鍾意砌puzzle，佢上嚟我屋企會坐埋一邊自己砌；最細嘅孫仔成日周圍走，又要搵我隻貓，又鍾意淋花，好活躍。」

訪問期間，Grace反客為主訪問媽咪：「你覺得你做咗婆婆之後，會唔會比照顧我時縱容咗呢？我見到有少少，但可能係我偏見！」Connie直言自己不敢縱容，她說：「因為我好想同你同嘉穎嘅步伐差唔多一致，盡力去適應你哋家庭嘅家規同教訓，小朋友咳唔畀食甜嘢，我真係唔畀，我好合作。」Connie補充：「我唔想去混亂你哋嘅思維，同埋你哋點會去害自己小朋友，一定係畀最好，一定有原因先咁做，咁我唔使明白，我去配合就好。」

Grace指自己非常樂意成為一位母親，但最重要調整好時間，盡量每件事都做好，嘉穎亦經常提醒她，「佢話做人唔可以咁貪心乜都做晒，反而一樣一樣做先可以做滿分。我老公價值觀方面非常好，從小就畀啲仔知道錢唔係必然，係要賺返嚟，喺屋企我哋會比啲家務佢哋做，例如執碗或揼吓骨，畀一兩蚊佢哋，唔係攤大手板就會有錢。」

Grace亦希望家中3位公子將來可以互相幫助，兄弟情永不變，「佢哋打交係必然，但打還打，希望佢哋會愛惜對方，將來哥哥或細佬需要幫忙，都要盡量去幫，因為佢係你嘅家人，呢個愛係無可取替。」

節目到尾聲，Grace送上一首《Dancing Queen》給媽咪，而Connie則送《Amazing Grace》給愛女，她稱：「佢出世時又奀又瘦，只得4磅幾，住暖氣箱住咗三個月，我記得護士抱佢出嚟時，佢塊臉發光，我覺得好graceful，即刻加咗英文名叫Grace，所以佢嘅出生係好amazing。」