張敬軒首唱廣告歌《幾分鐘的約會》新晉女團VIVA勁歌熱舞焫著中環海濱

軒公為陳百強的經典金曲注入「軒式風格」。

為慶祝港鐵與香港連繫相伴四十五載，由港鐵公司一連五日於中環海濱活動空間首辦的大型戶外嘉年華「Chill Fun 鐵路樂園」及「Chill精彩音樂會」，來到最後一晚。為隆重其事，港鐵公司專誠邀請45周年廣告男主角張敬軒，為最後一晚的「Chill精彩音樂會」壓軸登場，聯同新晉女團VIVA唱爆中環海濱，為是次45周年嘉年華劃下完美句號！

張敬軒聯同新晉女團VIVA唱爆中環海濱！

慳家VIVA愛以港鐵代步 歡迎野生捕獲
最後一場「Chill精彩音樂會」由不同Busker及「香港共融藝術音樂協會 – 樂也融融樂隊」的演出揭開序幕，為巿民帶來多元化的娛樂表演，將不同類型的音樂與表演連繫大家的日常生活，享受平凡中的小確幸！其後VIVA以清新亮麗的造型登場，先令現場觀眾的眼睛透心涼，4位成員姜咏鑫（Ada）、李晞彤（Carina）、馬思惠（Macy）及張鈊貽（ValC）除了落力跳唱自家歌曲《Topic Killa》及《DTR》外，更表演《LOL》X《熱浪假期》組曲，炒熱全場氣氛！席間VIVA不忘賣口乖祝賀港鐵生日快樂，並說：「作為貼地的新人，懂得賺錢之餘，更要懂得省錢，所以我們練完舞後，經常以港鐵代步，車程中可以跟團員分享日常瑣事，或者進行『賽後檢討』，當然無任歡迎各位 Fans野生捕獲我們啦！」

VIVA落力跳唱。

炒熱全場氣氛！

全場燈海為軒公打造「隱形遊樂場」
張敬軒緊接VIVA壓軸登場，隨即送上《青春常駐》，寓意港鐵從小陪伴港人成長，希望港鐵跟現場觀眾一樣「青春常駐」，歷久彌新！其後軒公首次現場演繹港鐵45周年廣告歌《幾分鐘的約會》，為陳百強的經典金曲注入「軒式風格」，聽得現場觀眾如癡如醉，更成功掀動全場大合唱，氣氛溫馨！軒公最後送上熱爆金曲《隱形遊樂場》，希望大家於過去5日在「Chill Fun 鐵路樂園」這個巨型遊樂場玩得開心；全場觀眾亦亮起手機燈，為軒公打造一個「隱形遊樂場」，以美妙的歌聲及浪漫燈海為「Chill精彩音樂會」作結，可見港鐵成功將流行文化連繫至日常生活！

張敬軒首次現場演繹港鐵45周年廣告歌《幾分鐘的約會》。

軒公又笑言今次選擇獻唱三首慢歌，以免跟女團VIVA的跳唱「硬碰」，同時放自己一條「生路」。他說：「很榮幸可以幫港鐵拍攝45周年的廣告，意義非凡，尤其是有機會翻唱陳百強前輩的經典金曲《幾分鐘的約會》，實在與有榮焉。今次可以在『Chill Fun 鐵路樂園』嘉年華的『Chill精彩音樂會』首次公開獻唱這首歌，心情既緊張又期待，多謝現場這麼多位『地下鐵碰著的他她他』為我打氣，一起歡度周日晚上。」

為陳百強的經典金曲注入「軒式風格」。

軒公笑言今次選擇獻唱三首慢歌，以免跟VIVA的跳唱「硬碰」。

最後，張敬軒即席清唱報答歌迷！

張敬軒日前受邀出席香港中文大學逸夫書院書院聚會 「漫談粵語流行曲七十年」，擔任講座嘉賓，跟同學們分享廣東歌文化及歷史，身體力行撐廣東歌，現場1300百個座位全場爆滿。

張敬軒日前受邀出席香港中文大學逸夫書院書院聚會 「漫談粵語流行曲七十年」講座。

分享期間，軒仔不時發揮其幽默本色，令整個講座變得生動有趣，同學們聽得十分投入。講座接近尾聲時，軒仔透露剛到達中大校園於休息室準備旳時候，被負責講座的其中一位教授問到他如何入行，一位名叫「Keith Lam」的同學正正作出一個好好的示範，軒仔謂：「去到休息室，我見到有一個好似酒樓婚宴請柬嘅信封，粉紅色嘅好香艷嘅，擺喺我枱頭，信封寫住：『誠邀尊貴嘅張敬軒先生打開，Keith』我打開封信，嘩！玫瑰花香嘅信紙，佢話：『你好張敬軒先生，多謝你睇呢封信，我叫Keith Lam，大你三年，今年21歲⋯⋯』你哋知唔知我睇完幾gur呀？哈哈。」

軒仔分享收到一位同學的創意自薦信。

隨後便讀出信的內容，原來Keith去年曾參加樹仁大學主辦的「IAE大學聯校歌唱比賽」，當時由軒仔擔任評判及表演嘉賓。信中Keith表示自己很想成為歌手，遂向軒仔毛遂自薦，軒仔坦言十分欣賞他的創意，「你睇出佢係一個好細心嘅人，因為佢做一件事之前諗得好清楚，佢好尊重呢件事同好在乎呢件事，下面有個ps，佢話：『如果擔心USB有危險⋯⋯』，你係黑客嚟㗎？『我仲有個QR code去google drive，內容同USB一樣，我IG係乜乜乜、電話係乜乜乜⋯⋯ 如果有機會可以透過IG、電話聯絡到小弟，萬分感謝。』我真係覺得淨係呢個創意已經足以可以令佢贏咗呢個機會，陣間我助手會嚟拎你個電話，我會打俾你㗎今晚。」

軒仔非常欣賞該位同學的創意，並指會叫助拿他的電話號碼，「我會打俾你㗎今晚。」

軒仔續說並分享自己第一個Demo：「我覺得最made my day嘅一件事就係你呢封信，多謝你。起碼我哋今晚呢度逾千名嘅同學仔都知道Keith ，希望呢個係好好嘅開始。我未聽入面啲歌，可能都好得意，但係唔緊要，我嘅第一個Demo，都係……我用我阿媽嘅說話嚟講呢，不知所謂呀。萬事起頭難，但你選擇咗起頭，就會有跟住落嚟發生嘅嘢，加油，陣間打俾你。」講座結束當晚，有同學於自己的社交平台分享「打電話俾Keith」一事，又好奇軒仔有否「找數」，誰知竟引來軒仔本尊親自回應，「傾完喇 傾咗差唔多半個鐘，佢屋企人應該瞓咗覺，佢把聲好鬼鼠」令歌迷及同學驚喜萬分。

軒仔又分享了自己第一個Demo。

講座接近尾聲時亦發生一段小插曲，當軒仔走落台正準備離開時，有同學突然大叫：「好想聽你唱番首歌呀，唱番幾句吖，我搶唔到澳門演唱會飛呀。」這時全場即時起哄，軒仔亦停下腳步回應：「吓？我哋冇音樂冇盛喎。」全場同學大叫清唱，向來對訴求有求必應的軒仔難敵同學們的熱情，說道：「一小段好唔好呀？」全場齊聲叫好，隨即唱出《隱形遊樂場》的一段副歌，並寄語同學：「大家真係好好把握喺大學嘅時間，出到嚟社會都係好玩嘅，五光十色，雖然係一個冇咁Safe嘅地方，但我覺得take risk係我哋人生當中最有趣嘅一件事，用呢一段副歌去鼓勵吓今日中大嘅朋友仔。同埋我想話呢度個場地都幾好聲喎，可唔可以嚟開show呀？開番個逸夫書院演唱會，咁咪唔使去撲囉係咪？」全場又再度起哄，講座於一片歡呼聲中圓滿結束。

準備離開前，軒仔應同學們要求即場唱幾句，唱出《隱形遊樂場》的一段副歌。

全場大合照。