「最大嫌疑人」細So出po解畫。
日前有二手唱片店在社交平台放售的唱片，發現一張有張敬軒親筆簽名，並寫下答謝句的舊唱片流出。碟上寫着：「Dear 細So，好多謝你一直以來都支持我嘅音樂！希望你會鍾意呢隻碟！」上款寫的細So，令網民聯想是否前商台DJ細So（蘇耀宗）。
點擊看圖輯
有二手唱片店放售張敬軒簽名版《春•夏•秋•冬》舊唱片，其舊唱片原主人疑似是前商台DJ細So。
細So稱當日離職，不許返舊公司搬走CD，又隔空忠告賣家：「如果你要賣，都抹走個名同msg先呀，有我個名唔會值錢啲㗎。」
有二手唱片店放售張敬軒簽名版《春•夏•秋•冬》舊唱片，其舊唱片原主人疑似是前商台DJ細So。
昨晚（11月12日），「最大嫌疑人」細So於社交平台出Po承認係該舊唱片前物主，又透露：「多謝各位關心！當日冇得返舊公司搬走我啲CD，後來有同事幫我攞返部份碟。其餘仲有好多一路都放喺直播室，諗住留喺度俾（畀）大家用， 點知就唔知俾（畀）邊個攞咗去賣。 如果你要賣，都抹走個名同msg先呀，有我個名唔會值錢啲㗎。」最後他更hashtag了張敬軒，並稱：「今時今日我都仲係一直咁支持你同你嘅音樂！」
細So出Po解畫。
細So稱當日離職，不許返舊公司搬走CD，又隔空忠告賣家：「如果你要賣，都抹走個名同msg先呀，有我個名唔會值錢啲㗎。」
而張敬軒很快作出回覆，為事件打圓場：「🤣其實我以前喺兩間電台出沒獵獵埋埋都好多其他 artist簽畀各位DJ碟🤭我係出咗名嘅cd大盗，查實呢單嘢係唔係我經手嘅，我都唔敢肯定🤣🤣🤣不過應該機會不大，因為我唔係好接受到自己個髮型🐷我會繼續簽碟畀你，不過都要等我有碟先🫣Love you 🫂🫂」」又Hashtag︰「好快有好快有😎」獲軒仔力撐，細So即回︰「等你好耐啦，多謝你先！今次我發達啦 love you🫂🫂」。
張敬軒公開力撐細So。
網民大讚軒公答得好得體。
軒仔指陳慧嫻是他人生之中其中一位偶像，亦可以話是他的音樂啟蒙老師。
張敬軒自去年於倫敦人綜藝館所舉行的兩個系列演唱會以來，一直反應熱烈，每次門票開賣均秒速售罄，又試過因為太多人擁入網站購票導致「冧server」，幾乎每次開show都一票難求。雖然今晚（11月17日）是尾場，但門票依然被黃牛炒至7000多元一張，十分誇張。
張敬軒澳門演唱會尾場門票被黃牛炒至7000多元一張。
由於今次演唱會門票供不應求，為了可以讓更多觀眾觀賞這個極具視聽享受的演唱會，加上軒仔為澳門帶來至少五億的經濟收益，澳門倫敦人及主辦方宣布加開2025年1月11、12、17及18日四場，作為明年倫敦人綜藝館獨家駐場演出的頭炮之作。
金沙中國有限公司娛樂統籌部地區副總裁貝思禮表示：「我們很高興張敬軒選址倫敦人綜藝館舉辦這一系列破紀錄的精彩演出，這亦是澳門首個成功的駐場演唱會。這一里程碑再次彰顯我們致力於將世界頂級娛樂表演帶到澳門，為居民及遊客打造難忘的體驗。金沙中國一直全力支持澳門特區政府的經濟多元發展策略及積極推進『演唱會經濟』發展，助力帶動本地經濟增長。我們會持續在澳門發展成為亞洲頂級娛樂目的地的進程中發揮關鍵作用，並將支持更多像張敬軒這樣才華橫溢的樂壇巨星創下更多傳奇。」
張敬軒宣布加開2025年1月11、12、17及18日四場。
昨晚（11月16日）演唱會上迎來了一位特別嘉賓，軒仔指唱了十四場，昨晚是首次有種考試的感覺，「因為我人生之中其中一位偶像、可以話係我嘅音樂啟蒙老師嚟咗。」他回憶大約是九零年的時候，經常聽一張很經典的唱片及一個演唱會的錄影帶，「所以我覺得今晚係我嘅職業生涯當中一個十分之Remarkable嘅一晚，我要喺度多謝陳慧嫻小姐，多謝你。」
軒仔昨晚演唱會上迎來了一位特別嘉賓。
然後，軒仔對着慧嫻「表白」：「你知道嗎？你喺去讀書之前嘅演唱會，我真係由頭睇到落尾，我由Opening一路到Closing，甚至乎成個《跳舞街》嘅Step我都仲跳得出。以下呢首歌可以話係我未變聲嘅時候我唱得最似你，因為我學緊咬字，同埋我覺得你好靚，嗰個演唱會個頭紗同埋嗰條裙，我每次唱呢首歌嘅時候我都覺得好似有一個任務喺身，送俾大家呢首歌《夜機》。」隨後軒仔又向粉絲表白：「開演演唱會令自己叉爆電，因為有粉絲滿滿嘅愛。」
軒仔對偶像慧嫻「表白」。
去年張敬軒於英國倫敦Royal Albert Hall舉行三場《The Prime Classics HINS LIVE 演唱會》，令軒仔成為首位及打破在RAH連開三場的香港歌手紀錄。隨後軒仔將《The Prime Classics》的感動帶到澳門延續下去，於去年十二月至一月，於澳門倫敦人綜藝館舉行十五場演出，是為第二章節；來到今晚（17日）演唱會第三章節的最後一場，軒仔又再刷新了單一歌手一年內於澳門倫開騷的場次紀錄，同時亦打破了個人紀錄。
軒仔刷新了單一歌手一年內於澳門倫開騷的場次紀錄。
完show後，軒仔一如以往走到場館外跟「接放學」的歌迷見面，對歌迷的訴求有求必應，除了不斷向歌迷送上各式各樣的祝福。而未開show前，歌迷已於網上紛紛「呼籲」軒仔唱鄧小巧的《神愛世人》，昨晚「接放學」時，軒仔終首次唱出：「好好好，嗱，我未認真學隻歌，我第一次唱，我自己喺屋企沖涼房唱，我成日聽。」然後便唱出一段副歌，唱畢後笑說：「失禮晒小巧㖭。再一次多謝大家，大家玩得好開心，係玩我玩得好開心呀，哈哈。」
軒仔對歌迷的訴求有求必應。
