嬌俏又艷麗!
旅遊飲食節目《中國建設銀行(亞洲)呈獻:吃貨橫掃港深珠》,逢周一至周五晚上十點半翡翠台播映。由彭慧中(Phoebe)、林秀怡、梁凱晴、梁超怡及廖慧儀(Jessica)擔任主持,齊齊玩轉香港、深圳及珠海!
喺珠海嘅私房菜食好西。
呢個百花雞好考功夫。
呢個千層魚火鍋都有正。
之後轉戰深圳食海鮮粥底火鍋。
梁超怡話一食就係天花板級數。
昨晚(1日)一集,一班靚女殺入珠海、深圳兩地大學區食好西,首站去到位於珠海大學區的私房菜品嚐手工菜,當中的江南百花雞最令人驚艷,江南百花雞製作方法非常繁複,首先將雞起骨去肉,再釀入混有雞肉的蝦膠,之後蒸完再切件上碟,這道超級手工菜價錢只是128元人民幣,相當抵食!深圳的大學區方面,靚女們大歎海鮮粥底火鍋,該店的老闆為求食客吃到最高質的食物,對落食材的次序和烹煮時間都十分講究,因此特意安排專員為客人淥海鮮,第一次吃粥底火鍋的超怡高呼:「人生第一次食粥底火鍋就已經食到天花板,食完返唔到轉頭,點算好?」
廖慧儀同埋梁凱晴化身「盛裝舞步愛作戰」。
廖慧儀同埋梁凱晴化身「盛裝舞步愛作戰」。
廖慧儀同埋梁凱晴化身「盛裝舞步愛作戰」。
食完好西,廖慧儀和梁凱晴去到珠海騎馬,穿上馬術裝的兩人英姿颯颯,十足「盛裝舞步愛作戰」!其實在珠海騎馬十分抵玩,個人會籍年費12,800元人民幣,之後每節課350元人民幣一小時,相比香港來說十分便宜,更可以節省輪候入會的時間,絕對諗得過。本集介紹的香港餐廳相當抵食,只要25折便可以吃到原價2,996港元的Omakase兩人午市套餐,二人同行一人免費的價錢只要747港元,另再加一服務費。該套餐所有食材均來自日本,菜單包括鮑魚茶碗蒸、鐵板虎蝦配黑松露海膽醬、刺身拼盤(北海道生蠔+加拿大牡丹蝦+拖羅)、壽司十貫等,性價比極高,大家萬勿錯過。
呢個Omakase真係抵到爛。
呢個Omakase真係抵到爛。
呢個係豬鼻筋。
辮子魚,每日限量10條!
火光洪洪!
火光洪洪!
醉鵝都好正。
今晚(2日)一集於晚上十點四十分播映,Phoebe、林秀怡和梁超怡去到深圳品嚐高質爐端燒,該店的食材非常特別,包括天婦羅鵝肝、豬鼻筋、吳魚、水魚腳等,當中招牌菜辮子魚最令人驚艷,將魚編織成辮子形狀再燒,每日限量只有10條,三位靚女品嚐完後大嗌好Juicy!除了有好西食外,餐廳每晚8點都有表演睇,師傅們會齊齊戴上面具,之後再將酒瀟向炭火中,現場即時變得火光洪洪,氣氛熾熱!Jessica和林秀怡之後轉戰珠海一間老字號品嚐醉鵝,餐廳服務員會即場在客人面前炮製醉鵝,食完醉鵝之後可以加水繼續打邊爐,一次過滿足兩個願望!而價錢亦相當便宜,半份鵝只要93元人民幣,全份則要178元人民幣,Jessica和林秀怡嗌了半份鵝加上打邊爐食材,全餐加起來只要182元人民幣,認真抵食。此外,林秀怡、梁凱晴、梁超怡、Jessica將合體大跳廣場舞,拿着扇子的四位靚女盡情搔首弄姿,嬌俏又艷麗!
四位靚女合體跳廣場舞。
四位靚女合體跳廣場舞。
四位靚女合體跳廣場舞。
四位靚女合體跳廣場舞。
四位靚女合體跳廣場舞。
今集介紹的香港餐廳抵到爛,林秀怡、梁超怡和Jessica去到會展一間米芝蓮中菜廳食好西,她們介紹的套餐非常抵食,除了有特式點心、老火湯、玻璃皮貴妃雞和甜品外,套餐還包了一斤龍蝦,客人可以從花雕陳村粉、生炒糯米飯或香辣黑椒焗揀選其中一種食法,整個套餐只要788港元另收加一服務費,值得大家嘗試。欲知更多密切留意節目,記得掃瞄QR Code留意「吃貨優惠情報」!
788港元就食到米芝蓮中餐。
龍蝦有三種食法,任君選擇。
珠海打卡熱點
一共十五集的旅遊飲食節目《中國建設銀行(亞洲)呈獻:吃貨橫掃港深珠》,逢周一至周五晚上十點半翡翠台播映。由彭慧中(Phoebe)、林秀怡、梁凱晴、梁超怡及廖慧儀(Jessica)擔任主持,玩轉香港、深圳及珠海,落力搜刮符合港人口味的食買玩指南之餘,「吃貨」主持們將為大家「開箱試伏」倉庫式超市搜羅的大熱產品。
梁超怡、梁凱晴
廖慧儀
林秀怡
梁超怡
梁凱晴
上周五(27日)一集,首站帶大家玩轉珠海,今趟可謂「打卡之旅」,秀怡、超怡和Jessica帶大家到有「珠海悉尼歌劇院」之稱的金灣市民藝術中心影靚相,然後到附近的新派涮羊肉專門店大歎羊肉火鍋,無論店舖環境、菜式都有別於傳統京式涮羊肉餐廳,單講色彩繽紛的迷你銅鍋已經夠晒gimmick,啱晒「相機食先」的朋友,打卡一流;三女一人一個專屬銅鍋,食盡三款羊肉、芝麻燒餅、炸窩頭片配臭豆腐、手打黑虎蝦滑等,埋單只需450元人民幣(下同),性價比高!三女食飽後會合梁凱晴,並化身遊客到真.珠海大劇院—「日月貝」打卡,她們更以超奢華式進行這項must-do item,就是乘搭直昇機以俯瞰視覺飽覽「日月貝」兼野狸島美景,每人399元便可體驗。由於凱晴猜輸包剪揼,錯失與靚仔機師同坐直昇機觀光暢遊珠海良機,而有幸與靚仔機師同遊珠海的秀怡、Jessica和超怡,則齊齊以絕招冧掂機師延長飛行時間,美女果然有計!
五星級酒店無邊際泳池飽覽港珠澳大橋。
五星級酒店無邊際泳池飽覽港珠澳大橋。
金灣市民藝術中心有「珠海悉尼歌劇院」之稱。
新派涮羊肉專門店大歎羊肉火鍋,一人一個色彩繽紛嘅迷你銅鍋,睇見都開心!
新派涮羊肉專門店大歎羊肉火鍋,一人一個色彩繽紛嘅迷你銅鍋,睇見都開心!
新派涮羊肉專門店大歎羊肉火鍋,一人一個色彩繽紛嘅迷你銅鍋,睇見都開心!
凱晴猜輸錯失搭直昇機遊「日月貝」及野狸島嘅機會。
每人399元人仔就可以體驗喇!
超新鮮溫體牛火鍋人均92元人仔
今晚(30號)播出的第六集,返回深圳南山轉攻食老字號潮汕牛肉火鍋,品嚐三小時內屠宰的超新鮮手切溫體牛,其中62元雪花肥牛肉、33元吊龍伴為必點之選;由於沒有經過雪藏過程,因此肉質和油香特別香濃,配搭內地年輕人愛吃的沙茶醬,味道偏甜,四位「吃貨」主持秀怡、Phoebe、Jessica和超怡大讚與牛肉非常之匹配,食到點晒頭!最後更由金牌濕炒牛河作結尾,Phoebe直言多飽也不容錯過:「牛肉同汁一早已兜亂,已經入晒味,個牛都係重點,好嫩滑!」今餐人均只需92元,此價在香港甚至連一碟雪花肥牛也買不到,認真超值!
四位主持到老字號潮汕牛肉火鍋,品嚐超新鮮手切溫體牛。
自港珠澳大橋開通,不少港人愛「港車北上」遊玩。秀怡好抵得諗,出動戰車之餘還充當司機,帶大家港車北上珠海住進五星級酒店。一晚標準雙人房只需1500元起,包雙人自助早餐及自助晚餐之餘,酒店更為住客提供免費泊車,及送上價值500元的汽車美容現金劵,認真Stay得筍!本集亮點必定是Jessica、超怡、凱晴和秀怡到酒店無邊際泳池暢泳,繼續為觀眾「水著放題」大派福利,當中僅以第二集水著滑浪的秀怡,再度大方穿比堅尼上衣亮相,大騷「禾稈冚珍珠」驕人身段!值得一提,泳池景色正正飽覽宏偉的港珠澳大橋,名副其實靚人靚景。至於香港方面,主持們將推介人氣街頭小食—雞蛋仔,加一元港幣即享多一底激筍優惠,即29港元可享用兩底;還有朱古力特飲買一送一超值優惠,價錢以較高者為準。欲知更多密切留意節目,記得掃瞄QR Code留意「吃貨優惠情報」!
秀怡出動戰車充當司機載大家「港車北上」。
一晚房錢只需1500元人仔,已包雙人早晚自助餐,超抵!
一晚房錢只需1500元人仔,已包雙人早晚自助餐,超抵!
買一底雞蛋仔,加一蚊港幣有多一底!
朱古力特飲買一送一。