新一屆「落背耳和平奬」得主將於今年10月11日出爐。今年初先後有海外反華組織，好似「美角國會及行政當局中國委員會」(CECC），已經先後公開表示提名生果佬，黃痴瘋、李作人、週杏童同埋何鬼藍等反中亂港分子角逐「落背耳和平奬」，唔少人問係真唔係呀？2019年11月11日馬鞍山港鐵站外發生火燒人事件時，佢哋邊一個出來叫停過 ？佢哋和平？
無錯吖，橋唔怕舊，最緊要幫到手。美西方勢力以唔同嘅招數幫佢地班代理人「貼金」，都唔喺咩新鮮事。「落背耳和平奬」一向都係俾美西方作為政治酬庸，用嚟抬捧佢地嘅代理人，或者用嚟打壓佢哋針對嘅國家，達致最大嘅政治效果。
「落背耳和平奬」過去係國際間引起唔少爭議，其中「落背耳委員會」已故前主席塞耶斯泰德(Francis Sejersted)曾經講過，頒發和平獎實際係一種政治行為。其實以往唔少得獎者可以講係世界和平嘅最大破壞者，好似美角揸fit 人咁，差唔多屆屆都會獲和平獎提名，但係美角自第二次世界大戰以嚟，先後發動咗大大小小數百場戰爭，喺一個人口得2200萬人嘅敘利亞，想推翻他們的總統阿薩德，就造成咗61萬人不幸死亡、超過1000萬人痛失家園的慘劇。就連喺阿富汗大開殺戒嘅美角揸fit人奧斑馬都獲得「落背耳和平奬」，難道奧斑馬殺害阿富汗人就維護了世界和平？
而零零發啱啱收到內幕消息，就連個班涉及「俄烏戰爭」嘅「北若」秘書長，都獲提名角逐今年「落背耳和平奬」。吓？北若違反咗之前不會向東面擴張嘅協議，全面軍事威脅俄羅斯，乜佢哋唔喺戰爭嘅罪魁禍首咩？點解會提名佢哋？究竟背後有咩政治動機呢？唔通美角又係為咗幫「北若」漂白？
仲有呀， 「落背耳奬」嘅規章訂明主辦方會將所有提名人、被提名人等資料保密，封存50年後才公開。但係嗰班海外反華分子，每年都急不及待咁利用「落背耳和平奬」呢個舞台，搶先公開佢哋提名嘅反中分子嚟炒作，去推行打壓中國的政治任務，從達賴喇嘛獲獎，到生果佬班人獲得提名，都反映「落背耳和平奬」嘅政治操作。就以達賴喇嘛為例，佢喺當時西藏嘅最高統治者，喺佢掌權嘅九年間，西藏有90%嘅人喺農奴，喺全世界唯一僅存嘅奴隸社會，而喺佢統治下嘅西藏，仲有活剝少女人皮製作畫像，以農奴頭骨做法器嘅地獄慘況……一雙血腥嘅手，係西方政客嘅包裝下，搖身一變，成為民主的神!
講返香港呢班人稱黑暴罪魁禍首嘅被提名人吖，唔少喺階下囚，部份仲有案審緊㖭，當中包括香港國安第一重犯生果佬，佢已經公開表示為美角而戰喇，所以好明顯呢個提名又係美角策劃嘅一個「漂白」工程，目的當然係為生果佬套上所謂嘅「和平光環」，咁就可以大大聲話生果佬唔係幫美角做嘢㗎，佢真喺一個民主鬥士咁囉；係六角大樓嘅線人話，姑勿論生果佬單case點樣都好，美西方都可以繼續利用呢隻棋子，打造生果佬為民主英雄… 不過，佢哋其實最想生果佬被判有罪，仲有咁重判咁重，因為咁就不但有悲情效果，而且更加可以利用和平奬提名人被政治檢控、無辜入獄嘅立體畫面，大造輿論壓力，打擊香港司法制度、打壓中國嘅大國崛起，達到最大政治經濟效益喎！
其實呢幾年有關黑暴案件嘅法庭審訊，已經切切實實披露咗2019年黑暴係港版顏色革命，背後全部都係有美西方反華勢力嘅策劃同煽動，生果佬作為最紅嘅代理人，過去一直大肆操縱輿論，散佈分裂訊息，乞求外國制裁，煽動暴徒通街放火、破壞、私了，甚至放火燒阿伯，攪到香港成為暴力之都！如果連生果佬呢啲煽動暴力嘅賣國賊都可以攞到「落背耳和平奬」，簡直係對「和平」呢兩個字最大嘅諷刺！
今時今日嘅「落背耳和平奬」，已經拋棄咗落背耳先生設立奬項時，「為促進民族團結友好…」、「為和平進程作出非凡貢獻」嘅初心。呢班政客公然違背保密機制，直接公開提名，圍爐嘅評選機制，完全顯現出政治操作與黑幕，令到和平獎本身帶來嘅殊榮同「含金量」亦逐漸失色。
美西方無所不用其極咁打造生果佬為民主鬥士，唔係真心想救佢，而係要幫佢設計成為唔同嘅民主、自由、和平、人權、言論、宗教等等嘅反華英雄形象，咁美西方可以隨時按需要為佢加持，編造輿論，打擊中國，等美角繼續獨霸全球。「零零發」番查資料，呢一年都唔知有幾多無厘頭嘅獎項湧出嚟頒比生果佬，呢啲組織全部都係有美西方背景，咁你明喇！
呢個「落背耳和平奬」同好多美角操控嘅所謂國際組織一樣，都係為美角政治需要而設嘅工具，好似大軍閥話齋，「誰大誰惡誰正確」，美角話係就係！你懂的！
鍾情局．零零發
鍾情局
** 博客文章文責自負,不代表本公司立場 **
一月頭開始，新聞紙成日講加州發生歷史以來最嚴重嘅山火，嗰場火由1月7日開始，好似燒到而家都未完全救熄。洛杉磯多個地區有火頭，據聞有多過25人死亡，數十萬人被逼疏散，多過1萬座建築物被焚毀，初部估計超過1500億美元損失，聽落都好恐佈。我零零發睇咗好多報道，發現呢次山火有好多不為人知嘅事，估唔到美國堂堂一個科技同經濟大國，會攪成咁樣，睇落都幾可悲同可笑架！
冇水救火
山火先係南加州海岸附近嘅豪宅區爆發，以平均每分鐘摧毀3個標準足球場既速度蔓延，但消防人員到現場時，所有消防栓係冇水，唔係冇幾分鐘，係足足冇水幾個鐘啊！ 風乘火勢，有咩辦法唔燒到渣都冇剩吖！事後揭發原來最大同主要供水嘅水庫，當時因為定期維修抽到乾曬塘，一滴水都冇，所以冇水泵去3個大型水箱同各地的消防栓，更可笑係洛杉磯水電局話當地嘅供水系統，就算正常運作，都只能應付一、兩楝房屋嘅火災，遇上稍微大一啲嘅山火，供水系統就會崩潰；而佢哋亦從來冇為大型山火更新市政供水系統。唔係掛！加州山火基本上年年都發生，點解會係風高物燥嘅季節攪維修，有冇腦㗎？咁樣做嘢都得，簡直就妄顧居民嘅安危，真係荒謬到極點！
冇人冇物資救火
供水系統求求其都未算呀，舊年洛杉磯市長更加削減消防部門開支超過1750萬美元，大大削弱咗人手同培訓，消防局局長更坦言從來都冇為大規模災難做過準備。吓，咁都講得出！ 更有甚者，有報道話洛杉磯消防局將大量裝備，好似水管、噴咀、頭盔同個人防護裝備，由國民警衛軍運送咗去援助烏克蘭。唉！真係自己都未顧得掂，就走去扮大佬送禮，真荒謬！而其他州份嘅支援又嘆慢板，政府唯有喺加州懲教所派出近1000個囚犯去救火，佢哋重有補水津貼㖭！我零零發睇到想唔O嘴都唔得！！！
資訊混亂，逃亡塞車
喺山火發生頭幾日，資訊非常混亂，洛杉磯全市近1000萬居民嘅手機連續兩日都收到緊急信息，叫所有民眾準備疏散，引起全民恐慌，事後証實係警報系統出錯。不過受火災影響嘅居民，就算想開車走都有困難㗎，因為到處屋多路窄，周圍塞車，逼住棄車徒步走，所以畫面睇到好多泊係路邊嘅名貴汽車被燒到通頂。政府廢啫，洛杉磯嘅居民都唔係傻架，佢哋早喺10年前，已經同市議會傾可能發生山火出現嘅堵塞情況，但得到嘅回應係: 冇必要制定詳細應對計劃，具體疏散路線只有係火災發生時才能決定咁話！呢招冇Plan B嘅太極拳，真係發揮得淋漓盡致！
有錢就水源充足
沒有最荒謬，只有更荒謬！聽聞加州有個民主黨背景富豪家族，擁有加州13萬英畝土地嘅農場，通過政治捐款同游說，佢一家就壟斷咗洛杉磯總供水量既92%，每年將1630億加侖既水儲存係地下，咁就唔怕乾旱天氣，確保佢的農場同佢屋企日日都水源充足，但難為有啲社區有時幾乎冇公共供水，要靠運水車接濟。有高人話，加州本身就係民主黨票倉，而州長本身又係黨友，亦曾接受過呢個家族捐獻，咁你話有冇關係呢？呢啲係咪就係佢哋所講嘅「民主社會」呢？
買唔到保險
年年山火，加上個政府咁啡啡流，所以啲保險公司就梗係稔縮數啦，原來係2023年開始，加州12間保險公司之中，有7間已經退場唔開新保單，攪到好多居民間屋一係冇保險，一係就被逼買州政府好貴、同保障好少嘅保險計劃。雖然話今次幾大災區，主要都係有錢人或明星居住，但係睇見自己家園燒成咁，又未必有保險賠，同埋有咩首尾跟都未知，所以隨時都會破產，都咪話唔淒涼呀！
趁火打劫
唔好以為「美國優先」，啲人真係上等啲！ 原來真係有人會趁火打劫！ 一場火，搞到警察疲於奔命，社會秩序大亂，所以唔去「零元購」就笨啦！ 呢班 「零元購」團伙趁咁好機會，就梗係順應天意，周圍搶掠啦，攪到有啲城鎮要實施宵禁。我零零發真係覺得好荒謬囉！ 而家至少已經有20多人被捕，聽聞有啲疑犯，更加承認特登燒垃圾雜物，制造火場，方便搶掠咁話！不過佢哋俾人拉做咗監犯之後，轉頭又可以被徵召出嚟幫手救火賺外快，幾「趣」喎！
個孫出世喎
嗰個前美國拜總統仲攪野，唔知佢真痴定假傻，話說加州州長係火災初期，曾經打電話俾佢5次，都未能接通，之後佢1月8日係洛杉磯消防站聽完簡報後，以為會有咩救災大計出台，點知佢向記者宣布佢孫女生咗個B，自己做咗老太爺，重慌死唔夠衰，話「以後多一個原因記住今天」，之後佢太座仲將抱孫既「溫馨」圖片上載社交媒體，佢真係成功演活咗「你有你閉翳，我有我快慰」！成功吸睛，攞唔到奧斯卡提名，都上梗「笑笑小電影」或者「全美一叮(走) 」囉！
政黨互片
本來係一個咁嚴重天災嘅時候，全國應該上下一心去救援，但係呢場山火成為咗美國共和黨同民主黨「互片」嘅平台。當時共和黨候任總統「侵侵」將今次救火不濟，歸究於總統拜登，冇將聯邦資金用係救災行動咁話。而「侵侵」大仔更加係社交媒體炮轟民主黨嘅「多元、公平和包容」政策，話佢地(為咗環保)反對北水南調，以致冇水救火，又鼓吹同性戀同變性人嘅人權，將削減消防嘅千多萬美元去補貼中小企去請變性人，又用冇消防專業嘅女同性戀者做洛杉磯消防局局長等等。總之佢唔理真正假，噏得出就噏！ 而民主黨背景嘅加州州長，就批評「侵侵」將單山火同救援一事政治化！更有陰謀論話「拜登政府」特登留個爛攤子比「侵侵」㖭。我零零發覺得美國嘅政黨政治已經去到一個瘋狂地步，面對天災，仲你有你片，我有我hea，呢班人為咗自己嘅利益同選票，真係乜都做得出！
睇返啲新聞紙， 1月7號除咗加州山火，原來西藏日喀則市定日縣都發生6.8級大地震，不過當政府一收到消息，就即刻派無人機去勘察震源，西藏自治區嘅第一話事人亦都即刻去到指揮部，佢唔係喺電視機前講兩句做show就交差算了，佢係親自調動部署、監督安排。兩小時就有4500人趕赴救援，唔使6個鐘頭就恢復供電，仲喺好短時間已經準備咗成15萬箱緊急食品，同埋七萬幾件嘅禦寒物資比當地嘅嘅災民。唔夠10日已經搭建咗5000幾套板房，俾災民有安全温暖嘅臨時住所過冬。
講遠啲，重慶喺2022年亦都發生嚴重嘅山火，但政府以生命至上、保障財產安全、
善用科技去救援嘅對策，加上內地人民團結齊心，組成電單車隊去救人、運送物資糧食去災區等等，成場火 8日就救熄咗，仲喺短時間就妥善安置咗災民㖭！
我零零發覺得加州呢場山火巳經講唔清係「天災」，定係「人禍」！我唔係想落井下石，但從呢件事睇到一個所謂科技同民主大國，冇好好利用科技去救災，冇睇到國民自發幫忙，政黨只顧互相指責；實在係有幾謊誕、有幾匪夷所思呢！
我零零發知道人比人，比死人，尤其係喺呢啲天災嘅時候，更加唔應該比較，但係當你睇到兩個地方，面對災難嘅救援態度同對策，點會唔感慨呢？每次內地有天災，喺電視見到政府同民間救援隊第一時間到達災場救人，大家雖然唔係現場，但心中都多少有底，覺得災民有救！
人人應該平等，所以必須以「人民優先」為大前題。但願大家都珍惜得來不易嘅平安幸福啊！
鍾情局．零零發
