近日有的士司機因為不滿「有錢人」的call車壞習慣,於是cap圖發文表示嬲爆,引起網民熱議。
的士佬嬲爆cap圖公審
日前,一位的士司機在社交平台上發文,直指自己遇到張令他嬲爆的單,於是將其cap圖放上網,打算供網民公審。
Unsplash示意圖。
「九折」兩字惹不滿
圖中所示,一位乘客由九龍站豪宅屋苑西九龍漾日居call車至九龍塘一間中學,該路程正常車資約為60元。路程未有太大問題,但客人居然在單上表明,希望有「九折」,逐引起司機不滿。
FB圖片
力數顧客2宗罪
司機嬲到力數顧客2宗罪,直斥由漾日居到九龍塘上學「支旗已經雞腳(短途)」,加上九龍塘區學校放學可能塞車,「睇錶收費都賺錢唔多,都仲要喺乞兒兜攞飯食」,更直言「香港的士真係好貴咩,香港的士啲客已經敗壞到一個嚴重程度」。
Unsplash示意圖。
網民兩邊都唔撐
司機的發文引起大批網民熱烈討論,但撐司機的人卻不多。有網民認為香港大部分的士司機都意見多多,「近又嫌近,遠又嫌遠,想點呀?」、「個客用Call車App落Order,接唔接係自己決定」、「接咗又嫌係雞腳,揸得咁慘咁受氣真心轉行唔好揸啦」。亦有網民表示兩邊都唔撐,「司機同個客都有問題」、「各打50大板,完」。
Unsplash示意圖。
有市民在荃灣直擊1名阿伯試圖攜帶熨衫板登上九巴被拒絕登車,與車長相持不下,最終連累全車乘客落車等下班車。
車長認為「熨衫板超長」 拒絕阿伯上車
影片上載者在threads表示,事發當日,1名阿伯持熨衫板在荃灣沙咀道滿樂大廈車站等車,隨後登上235號的雙層九巴。然而,車長認為「熨衫板超長」,便拒絕讓他上車。
threads截圖
阿伯威脅「唔好搞事」
阿伯堅持上車「例牌都係叫個巴士司機唔好搞事啦,話塊熨衫板仲矮過佢,佢都唔係高,4個站點會唔得」。
threads截圖
所有乘客落車等下班
最後,兩人協商不果,結果全車乘客都要落車等下一班。有落車乘客心有不忿,便與阿伯吵起上來。從影片可見,巴士停泊後行人路的白衣大叔指住阿伯大鬧「冇X用」,阿伯不甘示弱大喊:「我係冇X用,咁我宜家搵人嚟囉。」阿叔轉身離開鏡頭範圍,惟阿伯繼續大喊,「1塊咁嘅熨衫板,矮過我都話唔得,高過你呢高就高啦」。
threads截圖
燙版板1.4米走唔甩
樓主無奈指,「發覺呢個年紀好鍾意叫後生唔好搞事」,因為已達到加上天氣熱,他轉坐其他車離開,未知事件結局,又補充道:「佢嗰塊(燙版板)真係同佢個人一樣咁高,1.4米走唔甩」。
網民撐車長:有危險性已經可拒絕
有網民指熨衫板未必超過行李高度限制,「一個起碼1.6米嘅成年人站立車上就可以,而一塊1.4至1.5米嘅熨衫板直立車上就會影響人實屬荒謬」。不過,許多人認同車長決定,「唔過size但有危險性已經可以拒絕,不過呢個香港係咁,無事就話司機搞事,有事就就話司機唔做事」、「司機啱,但維持秩序大家都會付出成本」、「2蚊貨車,抵到爛,日日走幾轉」。
threads截圖
根據香港法例第230A章《公共巴士服務規例》,巴士乘客可以無須繳付額外費用而攜帶總重量不超逾5公斤和總體積不超逾0.1立方米的一件或多件包裹,只要該包裹或該等包裹可予安全及方便攜帶即可,但物品不得佔用任何座位,以及不得放置在巴士的通道上或樓梯上。