馮允謙自爆因衛蘭入行 夢想成真與Janice共享紅館舞台

Jay指Janice對他的音樂路向好重要！

「唱作王子」馮允謙（Jay）昨晚（10月10日）在紅館舉行「the SOUNDTRACK of my LIFE馮允謙演唱會2024」第二場，陳健安、盧慧敏（Amy Lo）、雲浩影（Cloud）、岑寧兒、陳詠謙、AGA和洪端珙等捧場。觀眾反應熱烈，跳唱快歌時，Jay一呼百應，觀眾紛紛站起來跟他一齊跳舞，之後唱慢歌時揮動手幅和手機燈，encore時更全場大合唱《一步一悔過》，Jay表示好感動。

Jay「the SOUNDTRACK of my LIFE馮允謙演唱會2024」昨晚舉行第二場演出。

繼續又唱又跳！

encore時更全場大合唱《一步一悔過》。

令Jay好感動！

昨晚第二場演唱會，Jay換了新歌衫，他穿著STEVEN PASSARO西裝與星級和音團隊合唱《冬日寂寞考》，大展唱功後到台邊飲水抹汗，觀眾尖叫，Jay即帶貨演唱會版毛巾，全場爆笑。之後他換上HOMOLOG Paris白色長褸唱《收到收到》、《愛斯基摩人之吻》和《給你幸福 所以幸福》等冧歌。

Jay第二場演出換了新歌衫。

穿著STEVEN PASSARO西裝與星級和音團隊合唱《冬日寂寞考》。

表演嘉賓衛蘭（Janice）出場，全場歡呼，他們合唱英文歌《Like I’m Gonna Lose You》後，Jay自爆十幾年前因被Janice歌聲迷住，決定入行做歌手，昨晚終於紅館合唱，夢想成真。Jay說：「Janice對我嘅音樂路向好重要，因為入行前我喺加拿大，睇電視見到一個女仔喺遊戲節目裏面唱歌。嘩，呢個女仔唱歌咁好聽嘅！後來知道佢好似我咁鍾意R&B，又好似我咁睇中文要睇拼音，我叫『火星文』，當時希望有一日可以同呢個女仔同台唱歌。」之後Jay成為歌手，3年前他們終於合體，在九展舉行了兩場音樂會。

第二場的表演嘉賓題衛蘭。

二人合唱英文歌《Like I’m Gonna Lose You》。

Jay直言Janice對他的音樂路向好重要。

昨晚Jay第二個夢想也成真，「我終於夢想成真，等咗好耐嘅機會，真係超掛住我哋做咗嗰兩場騷，之後我好想喺紅館演唱會同Janice分享舞台。」Janice表示好感動，她對Jay說：「I’m so proud of you！我覺得你嘅聲音喺呢行係好獨特。No one can sing like you！」全場掌聲歡呼。

Janice亦對對Jay說：「I’m so proud of you！」

第二場演出圓滿結束。

Jay好多謝歌迷的支持！

「唱作王子」馮允謙（Jay）昨日（12月29日）在將軍澳MCP新都城中心舉行個人大碟「EMO」簽唱會，演唱碟內作品《無理取樂》和《會再見的》，千人圍觀，約500歌迷排長龍，大合照時更一齊高呼「Jay Fung I Love You」，非常熱鬧。

Jay昨日舉行個人大碟「EMO」簽唱會。

千人圍觀！

與粉絲大合照！

簽唱會下午3時開始，唱歌表演後，3時45分開始簽名環節。Jay除了簽名和寫感謝詞，還逐一跟他們說說話，大約晚上8時半才圓滿結束，期間排隊的歌迷大合唱打氣，而Jay笑言太投入為大家簽名而忘記去洗手間。

簽唱會足足簽了5個半小時。

Jay除了簽名和寫感謝詞。

又逐一跟歌迷說話。

Jay笑言太投入為大家簽名而忘記去洗手間。

簽唱會順利完成後，Jay說：「近年因為工作來去匆匆，無機會停下腳步同歌迷傾吓偈，今日可以逐個聽吓佢哋對我啲歌和唱片嘅感受，有啲歌迷同我講，我嘅音樂點樣影響佢哋、陪伴佢哋、帶畀佢哋正能量，對我嚟講好有意義。因為我每次寫歌做音樂就係希望令人有感受，聽到佢哋嘅故事，知道我可以幫到佢哋，真係好感恩，好多謝大家。」他又稱：「好感動，有歌迷為咗嚟今日簽唱會，原本去外國旅行都改行程，或者專登留喺香港。仲有啲歌迷嘅男朋友或老公陪另一半嚟支持我，等咗幾個鐘，好有愛，我要向佢哋好好學習。」

Jay感恩自己的歌曲能影響到歌迷。

不少歌迷花心思打扮，又製作禮物送Jay，有歌迷更抱埋BB排隊簽名。其中一位媽媽級歌迷對Jay說：「你去年第一次紅館演唱會喺台上打鼓，佢（指BB）喺我個肚裏踢我，今年你開第2次紅館演唱會，佢出咗世啦，所以帶佢嚟見你！」亦有不少歌迷預祝他元旦日叱咤頒獎禮上有好成績，為他打氣。

有媽級歌迷更抱埋BB排隊簽名。

明天除夕，Jay回望2024年十分感恩，「今年好充實，完成咗好多願望，工作上做咗好多演出，而且終於出到自己嘅大碟，又可以搞簽唱會同大家見面，而歌迷願意咁樣排隊等我，逐個逐個傾偈，對我好大鼓勵，我真係好開心、好感恩。」2025年將至，Jay承諾繼續衝，繼續寫更多作品回饋歌迷支持，他希望放假去一個從未到過的地方旅行，刺激創作靈感。

Jay承諾2025年繼續衝，繼續寫更多作品回饋歌迷支持。

此外，Jay宣布好消息：「電影《得寵先生》 票房已衝破350萬港元，多謝大家支持，係好大嘅鼓勵，有好多朋友話已經睇咗唔只一次。而且電影將於一月喺英國上映，到時喺外地嘅朋友都可以去睇我第一部電影啦！」

Jay還宣布好自己首次參演的電影《得寵先生》於一月在英國上映。