娛圈事
陳慧嫻相當親民有求必應！
現年59歲的陳慧嫻（Priscilla）有「學生情人」之稱，於80年代中後期及1990年代紅極一時，當年的她出道不久就登上事業高峰，近年她北上發展取得不錯成績，在內地人氣急升，早前更宣布將於明年1月假紅館舉行入行40周年演唱會，因此近日都在努力籌備。近日有網民在上海街頭偶遇陳慧嫻，並貼出影片令其最真實近況曝光！
59歲陳慧嫻
狀態凍齡
內地人氣高企
有網民分享了陳慧嫻在上海街頭位粉絲圍堵簽名的影片，留言：「香港巨星陳慧嫻近日在上海露面，"嫻公主”一現身就被眾粉絲圍堵，瘋狂簽名，這人氣確實高啊，實在是高…」。影片可見，陳慧嫻被一群粉絲圍在路邊索取簽名，而陳慧嫻有求必應，超有耐心一直保持微笑！期間還有說有笑，親切又親民。原相機鏡頭下的陳慧嫻狀態凍齡，完全看不出她的真實年齡。
影片截圖
影片截圖
影片截圖
影片截圖
影片截圖
陳慧嫻表示藉着《給親愛的親愛》「同親愛嘅觀眾、親愛嘅粉絲講聲Hello。」
陳慧嫻（Priscilla）推出新歌《給親愛的親愛》，歌曲由Larry Wong作曲及編曲、林若寧填詞，舒文監製。歌曲靈感及主題均來自慧嫻，「呢首係我加盟新公司英皇娛樂嘅第一首歌，再加上我好耐都冇出新歌，所以想藉住呢一首歌同親愛嘅觀眾、親愛嘅粉絲講聲Hello。簡單嘅一句『親愛的你好嗎』嘅問候，承載住我對你哋嘅思念同埋祝福，希望你哋能夠感受到呢一份真摯嘅情感，無論大家身處邊一度，都有我嘅音樂陪伴住你哋。」
陳慧嫻推出新歌《給親愛的親愛》。
觀看相關影片按連結：https://youtu.be/xc_R85Rkyxw
慧嫻表示選擇這個題材是因為近年經歷很多聚散離別，無論是移民、工作、家庭又或是成長的原因，曾經的關係緊密好友變得疏離，「其實好多時候都會耐唔耐諗起大家，但硬係抽唔到個時間去見面，我希望可以喺呢一首歌裏面表達到呢種思念同埋祝福。」歌詞中的「親愛」可以指家人、好友或愛人，「每當諗起佢哋嘅笑容、陪伴、支持，我哋心裏面都會充滿着一種好感激同埋好懷念，希望透過呢一首歌能夠令到觀眾諗起生命中重要嘅人，無論佢哋身處何方，呢一段情感都可以係超越距離，永遠相連。」
慧嫻指選擇這個題材是因為近年經歷很多聚散離別。
而最觸動慧嫻的歌詞「人生如風似煙 領悟人生後 初見面」，她解說：「我哋都後生過，個時可能會比較自我中心、驕傲、自私少少，唔識得易地而處，但當經歷多咗、大個咗，我哋睇番轉頭，就會覺得後生嘅時候原來係咁幼稚。大家再見返嘅時候，都發覺大家都變好咗。同埋我覺得呢一句歌詞亦都係令到人好感受到人生嘅變幻無常，當我哋真正理解人生嘅本質之後，或者我哋能夠更加珍惜咁去看待生命中每一次嘅相遇同埋離別。」
歌詞「人生如風似煙 領悟人生後 初見面」最為觸動慧嫻。
問到錄音趣事，慧嫻笑言舒文為十分正經，跟他一起沒甚麼趣事，但對他錄音室的廁所十分感興趣，更謂好好玩，「佢個洗手間入面有一塊叫做『Yes No』嘅決策板，每一次去洗手間我都會忍唔住攞嚟玩吓。好多時錄到咁上下去廁所，我咪信吖嘛，我就會問吓塊板究竟我頭先嗰個Take得唔得？如果最後粒珠仔走落去YES嗰度，我就覺得一定得！出到去就算舒文叫我再錄，我都唔會再錄㗎啦，哈哈；但係如果粒珠去到No，咁就算舒文覺得係OK我都會話：『俾多次機會我啦……』我會喺度磨爛蓆，哈哈；如果粒珠去到中間，咁冇得揀，出到去等舒文決定使唔使再嚟過。」
慧嫻指舒文十分正經，跟他一起沒甚麼趣事，但就爆舒文對錄音室的廁所十分感興趣。
除此之外，慧嫻透露正積極籌備明年演唱會，「我正在全力籌備我嘅四十周年紅館演唱會！期待同大家可以一齊再分享我嘅音樂，好似我嘅新歌裏面有一句歌詞『努力排練 若然一日能遇見』，我哋好快會見㗎啦！哈哈。」
慧嫻透露正積極籌備明年四十周年紅館演唱會。
