答謝歌迷熱烈支持 宣布演唱會加場 陳慧嫻送聖誕禮物給歌迷

寧願一世冇高潮定一日一百次？23號晚話你知慧嫻私密秘密

陳慧嫻《The Fabulous 40 Priscilla LIVE IN HONG KONG 陳慧嫻演唱會》宣布加開1月26日一場！未撲到飛的歌迷，或者想撲尾場飛的，記得12月23日準時上城市售票網買飛啦。

宣布加開1月26日一場！

陳慧嫻將於2025年1月21日開始於紅館舉行40週年《The Fabulous 40 Priscilla LIVE IN HONG KONG 陳慧嫻演唱會》，9年沒有舉辦演唱會，門票反應非常熱烈，為滿足不停求加場的歌迷，慧嫻決定再加開1月26日一場！又為答謝歌迷對她的支持，特別於12月23日晚上，製作了份聖誕禮物送給大家 ，聖誕禮物是 : 《Priscilla Chan The Intimate Live》，23號晚上將於其個人及十多個YouTube、Facebook等等平台上播放。慧嫻會為大家演唱經典歌曲之餘，更會有同今次演唱會音樂總監何丙兩人的私密搞笑傾心事，節目將令大家看到一個意想不到鬼馬又可愛的陳慧嫻。

製作了份聖誕禮物送給大家

今次這個《Priscilla Chan The Intimate Live》，講到 Intimate (私密)，問到慧嫻有幾私密呀？慧嫻表示，何丙係節目入面，問我好多奇怪私密問題，係我從來冇答過。「例如佢問我，寧願一世冇高潮定係一日一百次.....重有咩放屁呀，唔沖涼定唔洗頭呀...我都唔記得咁，剩係記得大家一齊笑到肚痛。23號晚上九點，記得睇啦，到時大家咪知囉。」

今次這個《Priscilla Chan The Intimate Live》，講到 Intimate (私密)

談到演唱會籌備，慧嫻表示，演唱會除左40年以來經典金曲之外 ，還有好多嘢準備中，「一定要唱嘅歌，從來未唱過嘅歌，好努力練緊歌詞，重有好努力排舞中！因為音樂總監何丙嘅編曲非常之咁....勁！咁就搞到舞步都要好多囉。哈哈，咁我都多謝何丙，個編曲係一定令到大家覺得好正嘅。」

談到演唱會籌備，慧嫻表示，演唱會除左40年以來經典金曲之外 ，還有好多嘢準備中

問到慧嫻最期待演唱會時見到什麼畫面？慧嫻話，「我睇人哋啲演唱會，見到歌手叫觀眾開電話燈，一齊燈海咁陪住唱歌。咁多年來我自己演唱會，我冇試過叫觀眾開燈咁做。我其實好鐘意呢種溫馨令人感動場面，我好希望，如果我開騷個日，由頭到尾...由第一隻歌開始，大家搖住個電話燈到最後一首歌，咁我可能真係會開心到喊，哈哈...我知咁搖隻手會好攰，但係我四十週年喎，歌迷大家做啲嘢啦，當送比我，哈哈。」

想要一齊燈海咁陪住唱歌

《陪伴》MV講述夫妻二人一路走來的高低起跌、甜酸苦辣。

陳慧嫻日前推出全新廣東作品《陪伴》，由江海迦（AGA）作曲，黃偉文填詞，舒文監製，將兩個人微妙的相處關係，欣然地跟大家細味當中。慧嫻演繹時亦像在分享故事，分享一段交心的友誼是如何煉成的故事。只有懂得見微知著，知曉彼此分寸的摯友，才懂得在你與我之間，留下一道有溫度的距離。

觀看相關影片按連結：https://youtu.be/rua-Zr0FwjU

二人相處，一段距離，是學問，也是學懂不去問。情侶間可大說千萬次愛你，但在最需要支援一刻，愛，往往會帶來莫能助的冷淡跟隨，相比之下，知心知己最知進退。而這份情誼絕非單向付出，縱沒有承諾，沒有簽約，下次到你身陷憂困，無論我在何地都會回到你身邊，靜靜地釋放出最強大的溫柔，與你面對哀愁。

MV圖片

MV圖片

MV圖片

MV圖片

MV圖片

MV由劉偉恒執導及編劇，並找來姜大衛（John哥）、舞台劇演員彭杏英、林愷鈴及姜大衛兒子姜卓文演出。歌曲MV講述夫妻二人一路走來的高低起跌、甜酸苦辣。現實生活中，John哥跟太太李琳琳是圈中模範夫妻，二人結婚五十年，相依相愛半個世紀，當中經歷不少考驗，問到John哥感受，他表示：「其實夫妻又好、家庭又好、一家人都好，一定要成日一齊，成日有聯絡，唔好話夫妻，全家感情都會好。互相打個電話：『食咗飯未呀？』、『你今日食乜啊？』已經好開心。」

MV由劉偉恒（左一）執導及編劇，並找來姜大衛（中）、舞台劇演員彭杏英（右二）、林愷鈴（右一）及姜大衛兒子姜卓文（左二）演出。

John哥分享與太太李琳琳的相處。

MV中，兒子姜卓文飾演John哥年輕版，對於兒子表現，John哥笑說：「希望導演滿意啦，我冇乜感受。如果佢做得好，OK！做得唔好，鬧佢！哈哈。」

John叫導演，如果兒子姜卓文（右一）做得唔好就鬧佢！