友人一聽「入境處」秒cut線 職員三度致電始知不是電騙 樓主：慘過做cold call！

大家時不時會收到冒認入境處職員的詐騙電話，對付此類電話多即時Cut線。日前就有網民分享了一則誤以為收詐騙電話的趣事，笑言「入境處職員可能係畀人cut線（收線）拒絕最多的工作」。

將軍澳入境處

一聽是入境處來電秒Cut 線

近日有網民在Threads分享友人的趣事，指有天友人收到自稱是入境處職員的來電，他第一時間就認為是詐騙電話，未等對方講完致電因由，就馬上收線。

網站圖片

職員三度致電貇求不要收線

之後對方再打來，並以焦急的語氣表明「我真係香港入境處呀，你唔好收線先」但友人仍不等對方說完就堅決收線。直到收到對方的第三次來電，並以懇求的語氣說到「我求下你唔好收線呀，我真係入境處呀，求下你聽一聽我講先，你係唔係申請緊（傭工姓名）嚟香港做工人呀？」友人才恍然大悟，自己真的誤會了，對方的確是入境處職員，致電是為了有關申請家庭傭工事宜。

樓主慨嘆：慘過做cold call 銷售

樓主其後慨嘆「入境處職員可能係比人cut線拒絕最多的工作，慘過做cold call 銷售。」帖文一出得到不少網友認同「真係好慘」，「日日都畀人以為係騙徒」、「每日畀人cut線（收線）100次」、「做入境打電話其實都幾無助」。

示意圖。《新聞女王》劇照

網友笑言：要過三關先可以得到認證

亦有網民分享類似經歷「試過cut咗幾次先發現係真係入境處」、「我之前換護照嗰個阿sir就醒啦，一打嚟就問我係唔係今朝換護照，然後先話係入境處再講咩問題」；有人講笑咁話「要過三關先可以得到認證」、「對咗暗號先」。

瑞幸咖啡進軍香港，日前5間分店齊齊試業，其中位於將軍澳的分店一開業就大排長龍，由於已有不少內地餐飲品牌進駐新都城中心，網民形容現在將軍澳就有如「小深圳」！

網上圖片

網上圖片

網上圖片

將軍澳充斥內地各大品牌飲食店

連登討論區及將軍澳FB群組，最近有不少網民都紛紛貼出與瑞幸咖啡殺入新都城相關的帖文，並有指連同「檸季」、「不二同學」、「西塔姥太太」、「農耕記」、「太二酸菜魚」、「九園重慶小吃」、超市「好特賣(HotMaxx)」等，將軍澳各大商場已充斥了不少內地品牌飲食店，指該區已成為了「小深圳」。

網上圖片

網笑：真係以為去咗大陸

網民紛紛留言「見將軍澳離深圳咁遠咪開多啲」、「咁仲駛乜上去」、「終於唔洗搭咁耐車，一落樓就到左深圳咁」、「真係以為去咗大陸」、「沙田都係啦」、「新城市都唔夠佢黎」、「吸引大陸遊客來香港食大陸餐廳」。

網上圖片

網上圖片

北上消費價格平服務好

不過有網民始終覺得北上消費有其吸引力，價格平及服務好，即使現時香港有不少內地品牌飲食店，但價錢比不上深圳平，反而跟香港價，反問「我有冇需要幫襯？」又指「其實香港啲餐廳調低少少價錢，服務態度好啲，都應該會有客的，我見將軍澳都有些餐廳經常客滿，原因都係價錢不太高，食物都可以，人流才會高。」

網上圖片

網民都係最關心價錢問題

大部份網民都係關心價錢問題「我覺得開唔係問題，但係香港價錢大陸品質就好有問題」、「冇深圳既服務同價錢呢，睇吓捱到幾多個月租金同人工先啦」、「香港經營成本高，就算同一間公司落香港開都係賣野貴」。