大家都好期待！
「信興集團呈獻：阿姐•汪明荃演唱會 2024」還有不足一個月就會於紅館開鑼，阿姐今日再登「健康･旦」頻道，公佈 Anson Lo（盧瀚霆）將會擔任其演唱會嘉賓！
點擊看圖輯
之前阿姐同AL cross over ，大跳對方的歌
呀姐大讚Anson Lo 高大又成熟，仲好跳得
早前，Anson Lo 於社交媒體驚喜上載與阿姐同框大跳其歌曲《Hey Hey OK!》舞蹈挑戰的影片，一眾網民紛紛留言大讚二人十分合拍、互動可愛，更有不少粉絲猜測 Anson Lo 會否在阿姐 11 月的演唱會中以嘉賓身份亮相。今日 ， 阿姐終於宣佈已邀得 Anson Lo 擔任嘉賓，屆時二人更會合唱一首由 Anson Lo 親自揀選、阿姐的經典歌曲，令她不禁直呼：「好期待！」至於是哪一首歌，阿姐就表示要先賣個關子，保持神秘感。
之前阿姐同AL cross over ，大跳對方的歌
AL 又跳返阿姐新歌
談到阿姐對 Anson Lo 的第一印象，阿姐回想他曾偕同 Mirror 幾位成員到她家中拜年，當時阿姐覺得他「好高大、好斯文、好成熟」，更分享一眾鏡仔「掃蕩」她家中蘿蔔糕的趣事。旦哥追問為何阿姐會選中 Anson Lo 擔任嘉賓，她便解釋因為新歌《Make my day》期望加入舞蹈元素，正
好排舞師出身的 Anson Lo 出名「跳得」，所以一拍即合，互相為對方的新曲拍攝舞蹈挑戰，隨後便「打蛇隨棍上」 ，邀請這位年輕後輩在演唱會再度合作。
笑稱MIRROR 來拜年都好肚餓
對於二人合唱咩歌就大賣關子
同日，阿姐亦在社交媒體分享自己與 Anson Lo 拍攝 《Make my day》 舞蹈挑戰的成品，再度展現良好默契，令雙方粉絲更期待二人在演唱會上會擦出什麼新火花！
Anson Lo說：「今次係我拍過嘅MV入面最迷茫一次！」
盧瀚霆（Anson Lo）一直工作繁忙，但今年他嘗試放慢腳步，讓生活各方面取得平衡，他更將這個生活體驗融入新歌《致我》中，讓樂迷一同感受那份寧靜美，不過他卻因為拍攝歌曲的MV，前所未有的陷入迷茫中。
盧瀚霆（Anson Lo）推出新歌《致我》。
Anson Lo今年年初推出的《MY LIFE》，首度找來周耀輝填詞，今次新歌《致我》再次邀請對方，將自己今年的感受轉化成歌詞。「《致我》搵咗周耀輝填詞，靈感來源來自我行山或者去沙灘休息，之前喺social media都有分享一啲我去沙灘嘅經歷，年尾好想回顧一下，就用咗沙灘嘅休息時間，作為今次歌曲主題。」Anson Lo指歌曲是送給自己，同時也送給聽歌的樂迷，他說：「呢首歌係送俾每日喺呢個咁繁忙城市裡面嘅人，希望大家可以抖抖氣，放慢腳步，去搵返寧靜，同埋搵返簡單生活節奏。」
新歌講述分享平衡工作生活新體驗。
在今年年初，Anson Lo曾許下承諾，希望可以做到work life balance，他覺得自己都算做到，他說：「因為喺工作與工作之間，花多咗時間同屋企人食飯，亦都喺放假、放break嘅日子，走上山睇下風景行下，令到自己內在平靜咗好多。」Anson Lo以往沒有行山的習慣，在2024年，他作出了一些改變，他分享道：「自己好少有戶外活動或者行山活動，但今年想突破下自己，發覺同大自然相處，自己會舒服啲。」
〈致我〉希望大家尋獲寧靜的感覺與狀態，MV方面也希望營造出這份恬靜，所以以長鏡頭拍攝無物一身輕的簡單生活，Anson Lo說：「MV係講我自己喺間屋入面，本身自己係一個比較沉靜鬱悶狀態，喺每次一shot落嘅畫面，後面布景會愈嚟愈少嘢，甚至後面所有傢俬最後係封晒，慢慢由一個齊全屋企變成一個好簡單，甚至乜嘢都冇晒嘅屋企，喻意最簡單生活模式，都可以做到一個好開心、平靜感覺。MV會見到一幅畫，喻意MV男主角望住幅畫好似去咗一個沙灘，原來回歸大自然係佢最想要嘅嘢，同埋最開心moment。」
Anson Lo希望可以做到work life balance。
教主被長鏡頭難到，拍攝陷入迷茫狀態。
按照Anson Lo的描述，照道理MV製作應該很簡單，但其實不然，Anson Lo說：「今次係我拍過嘅MV入面最迷茫一次，因為以往係跳舞為主，或者慢歌都係有故事情節嘅嘢，來得比較直接，但今次比較moody，喻意多啲，節奏比較慢，我係對呢種拍攝手法好陌生，出道6年都冇試過呢種拍攝方式同節奏，就算戲劇嘅演出經驗都好少。」鏡頭外的Anson Lo，時而傻笑時而皺眉，他坦言：「其實BTS見到我係好迷茫，好多時唔知做緊乜，所以要好多謝導演同埋所有crew嘅幫手，大家見到一個好簡單嘅呈現模式，但其實背後用咗超級多時間去排，甚至我落場排之前，所有工作人員先排一次，所以你見到每個take背後都排咗十次以上，先可以做到呢個效果。」
其實屋內環境尚算容易控制，沙灘的場面還包括外在天氣因素，為拍攝增加了難度，Anson Lo道：「沙灘嘅部分比我想像中來得複雜，因為我哋又配合陽光走向，仲要避所有crew嘅人影，有時轉身嘅timing又唔太準，所以花嘅時間都好多，總共拍咗十幾take，當中各有少少唔同，辛苦晒所有工作人員對完美嘅追求，因為通常嚟一次NG，都係為咗少少嘅唔同，可能想再wide啲或者想再close up多少少，大家都係想有個好啲嘅畫面。希望大家會鍾意啦！」
沙灘的場面為拍攝增加了難度。
