大熊貓兩姐弟趣萌相集為大家打打氣！奀皮細佬出掌打醒家姐陪玩片段曝光

今天是星期一，所謂的Blue Monday，大家可能需要更多的熊貓BB能量來重新振作，維持一周的好心情！海洋公園日前特別發放了兩姐弟的幾張得意趣萌相，為在星期一早上趕着上班，或已在工作枱努力奮戰的大家打打氣！不過不用上班的大熊貓兩姐弟當然要瞓晏啲，但貪玩的弟弟似乎不想喔！

海洋公園IG圖片

為大家打氣的相片集內，兩姐弟的表情都非常趣緻，有家姐的「冇眼睇」、「哈哈大笑」、「伸脷賣萌」，還有細佬的捲脷搞笑樣，及最後一張側頭揮掌樣，每一張都令各位粉絲心動，紛紛表示心心眼，大呼「好可愛啊！」更有網民提議用牠們相集出月曆，那麼以後日日對住，日日都有好心情！

海洋公園IG圖片

海洋公園IG圖片

海洋公園IG圖片

海洋公園IG圖片

不過不用上班的兩姐弟日日對牠們來講都係Happy Day，雖然可以奉旨遲起身，但貪玩的弟弟就一於好少理，海洋公園近日就上傳了一段影片，影片中細佬一早一掌拍打姐姐，似乎要叫醒姐姐，快點陪牠玩，連在旁的保育員都忍不住大叫「好惡呀你！」被拍醒的家姐當然心情不好，隨即反擊，「腳䟫䟫」想踢返細佬！

海洋公園IG影片截圖

海洋公園IG影片截圖

不過始終手足情深，兩姐弟平日打打鬧鬧一定有，鏡頭一轉，就見到家姐不斷捉住細佬，往牠的臉上吸吮，似乎正為牠梳理毛髮。

海洋公園IG影片截圖

海洋公園IG影片截圖

大批網民留言大讚兩姐弟超級可愛，又說「打者愛也」，亦有網民大讚家姐脾氣好，被弟弟一掌打下去，也沒出全力反擊，轉個頭更錫返細佬，好有家姐風範！

新的一年，海洋公園大熊貓盈盈的一對港產大熊貓BB繼續暴風式成長，園方3日再在社交網站公開一對港產大熊貓BB的打鬧日常！

IG圖片

影片一開始，只見新手媽媽「盈盈」表示淡定食住筍，而一對寶貝子女就在阿媽眼前扭打成一團，背對著鏡頭的「細佬」依然背脊印上紫色「乳豬印」登場，海洋公園小編之前解釋，「細佬」背脊的紫色記號是以動物安全食用色素製作，方便護理員做行為觀察記錄時更易分辨「家姐」與「細佬」。

黑白配的「家姐」同「細佬」玩得肉緊，為大家帶來史上最可愛MMA摔角 ，而「盈盈」就全程處變不驚，任由一對子女扭打一片，最後甚至直接跌出鏡頭，「盈盈」亦冇驚過，連海洋公園小編亦忍不住感歎，「(盈盈)知道佢哋玩完之後都係握握手做個好朋友，所以冇驚過」。

IG圖片

IG圖片

IG圖片

IG圖片

影片曝光引來網友們的熱議，一眾契爸契媽紛紛搞笑留言：「盈盈媽媽只係幾個月就已經睇化咗啦」、「盈盈媽咪深明「BB要經過鍛鍊才會健康成長」呢個道理，所以只做旁觀者，食左先講～」、「史上最可愛的摔角 。盈盈媽真係溫婉的 ，比著我們的港媽，見仔女大打出手，一定暴跳如雷」、「細佬幾時先練返d腳力呀，得把聲輸梗架喎」、「哈哈，好可愛呀！兩個喺度MMA」、「盈盈有料到，處變不驚，我真係好鍾意細佬背脊嗰個乳豬印」、「人類食花生， Ying 媽食筍睇好戲」、「睇到家姐後腳開始好多力，撐住自己同細佬打到出咗鏡 」

IG圖片

IG圖片

IG圖片

IG圖片