海洋公園「熊貓六寶」一人一個新年願望 「安安樂樂」講中晒打工仔心聲

踏入新的一年，回望剛剛過去的2024年，全香港人最開心的其中一件事，莫過於海洋公園大熊貓「盈盈」的添丁之喜，為港人們帶來兩隻鬼馬精靈的港產大熊貓BB。

海洋公園ig圖片

海洋公園小編就在新年之初，在社交網站公開了園中熊貓 6寶的新年願望，海洋公園祝福大家新年快樂，來年也請繼續多多指教，並指雖然「家姐細佬」同「盈盈」媽咪尚未可以出來與大家見面，但「樂樂」爸爸、「安安」同「可可」則已經ready好，等打來公園開心與牠們Say Hello!

新的一年，向來知道如何氹大家開心的「細佬」就指，想快點出來同一眾契爸契媽見面；勤奮好學的「家姐」，就巴不得趁「細佬」瞓覺時快過佢多學識新嘢；至於媽媽「盈盈」的新年願望就道出了100%媽媽們的心聲，「希望家姐細佬健康成長」，過得逍遙自在的「樂樂」爸爸亦現身，繼續期待自己可以「日日都咁好瞓」；而向來走不羈路線的安爺「安安」，就一邊歎竹子一邊祈禱新一年「食極唔肥」，美少女「安安」的願望亦都好簡單，「想有更多人讚我可愛啊！」。

海洋公園ig圖片

海洋公園ig圖片

海洋公園ig圖片

海洋公園小編搞笑總結，一眾熊貓們的新年願望應該都中了不少打工仔及吃貨的心聲，網友們亦紛紛留言，一人一個新年願望，期待早日「一次過見曬6美熊」！

海洋公園ig圖片

海洋公園ig圖片

新的一年，海洋公園大熊貓盈盈的一對港產大熊貓BB繼續暴風式成長，園方3日再在社交網站公開一對港產大熊貓BB的打鬧日常！

IG圖片

影片一開始，只見新手媽媽「盈盈」表示淡定食住筍，而一對寶貝子女就在阿媽眼前扭打成一團，背對著鏡頭的「細佬」依然背脊印上紫色「乳豬印」登場，海洋公園小編之前解釋，「細佬」背脊的紫色記號是以動物安全食用色素製作，方便護理員做行為觀察記錄時更易分辨「家姐」與「細佬」。

黑白配的「家姐」同「細佬」玩得肉緊，為大家帶來史上最可愛MMA摔角 ，而「盈盈」就全程處變不驚，任由一對子女扭打一片，最後甚至直接跌出鏡頭，「盈盈」亦冇驚過，連海洋公園小編亦忍不住感歎，「(盈盈)知道佢哋玩完之後都係握握手做個好朋友，所以冇驚過」。

IG圖片

IG圖片

IG圖片

IG圖片

影片曝光引來網友們的熱議，一眾契爸契媽紛紛搞笑留言：「盈盈媽媽只係幾個月就已經睇化咗啦」、「盈盈媽咪深明「BB要經過鍛鍊才會健康成長」呢個道理，所以只做旁觀者，食左先講～」、「史上最可愛的摔角 。盈盈媽真係溫婉的 ，比著我們的港媽，見仔女大打出手，一定暴跳如雷」、「細佬幾時先練返d腳力呀，得把聲輸梗架喎」、「哈哈，好可愛呀！兩個喺度MMA」、「盈盈有料到，處變不驚，我真係好鍾意細佬背脊嗰個乳豬印」、「人類食花生， Ying 媽食筍睇好戲」、「睇到家姐後腳開始好多力，撐住自己同細佬打到出咗鏡 」

IG圖片

IG圖片

IG圖片

IG圖片