有網民日前在機場的一間粵菜餐館叫了一碟乾炒牛河、一份例牌燒鵝及一杯汽水，加埋服務費竟然要654.5元埋單，不少網友都非常震驚！
FB圖片
總數計埋加一竟然要654.5元
該民在Facebook群組發帖文並上傳照片，只見枱面放了一碟份量一般的牛河、一份例牌燒鵝及一杯汽水，但他show出帳單，總數計埋加一竟然要654.5元！看收據的逐一收費，一碟牛河260元、例牌燒鵝1份300元，可樂多冰35元，合共595元，還另加服務費。而餐館的名字是位於機場的「YUNG KEE」。
FB圖片
網民震驚：燒鵝唔算貴，牛河超貴
不少網民都為之震驚！紛紛表示不解，覺得餐飯屬天價「燒鵝唔算貴，牛河超貴」、「260蚊一碟乾炒牛河？用咩牛肉可以賣咁貴？汽水要35蚊，呢間嘢收好貴下」、「牛河賣260（元）就比較神奇，特別好味？」、「牛河都260（元），咁燒鵝300（元）真係算抵」；亦有人揶揄樓主「曬命」、「有錢人」、「咁樣一餐就600幾（元），有錢人嘅世界真係」。
FB圖片
知名富豪飯堂網民撐貴得有理！
而有網民知道餐館是不少名人幫襯的「鏞記」即指出該是「富豪飯堂」，再加上開設在機場，售價如此高昂屬正常，「機場食嘢不嬲都貴啲」、「喺機場食呢啲特別貴」、「呢間係鏞記喎，行富豪客人路線」「呢間富豪飯堂嚟，咁樣價格好合理」。有網友更力說就算食店定價高亦是「你情我願」，「價錢唔係寫晒係menu（餐牌）㗎咩？無睇咗叫㗎咩？」、「明碼實價有咩好嘈？」。
FB圖片
日前有男子在麥當勞獨自用餐，被一位媽媽要求換枱，以便她和小朋友等四人可以坐埋一齊，不用分枱，他禮貌拒絕卻惹爭議。
靚媽要求樓主搬枱讓出4人位
樓主在社交平台專頁表示，日前獨自到麥當勞用餐，「行咗個圈先搵到個搭枱位」，店員隨後向他送上食物，他準備坐十分鐘左右就離開搭巴士。當他用餐時，坐在座位對面的兩位男顧客起身離開，此時「有位靚媽帶住2個小朋友，問我（樓主）係唔係得1個人」，樓主答是，跟着以為靚媽及小朋友會坐下搭枱，怎料靚媽竟然有禮貌地問：「我有4個人，你可唔可以搬去另一個位？」
示意圖。設計圖片
樓主禮貌拒絕換枱但指可以一齊坐
樓主當時相當錯愕，於是他亦有禮貌地回應「我（樓主）啲嘢都係啱啱嚟到，不過坐幾分鐘就走，你哋坐住先啦」。最後靚媽亦沒再說甚麼，就坐了下來，等到附近有一張4人枱空出，他們就立即轉枱，而樓主坐了3分鐘亦離開搭巴士了。
示意圖。《愛回家》劇照
樓主不滿：只是有禮貌地提出無理的要求！
樓主坦言「喺香港生活40幾年，第1次遇到咁既要求」，他不滿地寫到「八手揈揈，卻係請個口部咀嚼中嘅我（樓主）起身自己去搵另一個位…𠵱家佢連搭枱都唔想，直接想我起身」。樓主更覺得即使有禮貌，但只是有禮貌地提出無理的要求！
設計圖片
網民意見不同
帖文一出，引來大批網民討論，部份認為樓主應該讓位，遷就下「做法有問題，你1個人就下人唔可以嘅？」、「人哋帶住2個小朋友，又有禮貌，可以遷就下」。
但更多人撑樓主笑言「佢禮貌叫你躝呀」、「我會直接答唔可以。但你可以坐住先」、「直接用阿拉伯語拒絕」。「莊閒唔識分，無禮貌，我會坐耐啲，由佢等」、「應該自細恃靚行兇慣咗」、「如果未開始食就話啫，食緊都要人讓座好唔合理」。
