港女不忿男友被偷Airpods 孤身1人掃唐樓搵返失物 網民有讚有彈

有港女在社交媒體上發文稱，男友工作時不慎丟失了她送的AirPods Pro。由於不甘心白白便宜賊仔，決定自行搜尋。雖最終憑一己之力找回失竊耳機，但其行為卻引發爭議。

男友返工時Airpods Pro慘被偷走

該名港女在社交平台上發文，指男友在返工時被人偷走由自己送的Airpods Pro，心情大為失落。一方面因失去女友送的禮物而傷心，另一方面因為AirPods Pro價值近$2,000，自然「好唔開心」。

Apple官網圖片

「打定輸數」定位「人哋嗰啲係樓上我點搵」

事主稱自己開頭都「打定輸數」，認為唔會搵得返，無奈慨嘆「俾人偷咗啦擺到明」、「人哋嗰啲係樓上我點搵」。

FB圖片

用1方法逐步收窄賊仔位置

不過女事主就未有放棄，反而積極地嘗試尋回耳機。先是「check 吓個耳機係邊，又咁啱咁好彩早幾日，我用過佢耳機一次有record」，驚見耳機定位在九龍城一帶，隨即就由灣仔去到耳機顯示的所在地。

位置在一座唐樓大廈 尾隨男士入大廈掃樓

女事主坦言自己抱著「一半一半心態」，但發現耳機所在位置是一座唐樓大廈後，便尾隨一名男士開門進入大廈。雖然她孤身一人來到，但也不害怕，甚至開始膽粗粗地掃樓，最後成功找到嫌疑人。

FB圖片

賊仔見事主「呆咗」兼「驚到慌」

事主稱當時找到嫌疑人後，即時質問對方是否在男友的工作地點返工，又要求對方將Airpods歸還，對方即時「呆咗」兼「驚到慌」，更聲稱耳機是在巴士上拾獲，最後成功在賊仔手上取回耳機。

FB圖片

女事主列3大疑點 疑男人老婆係地盤偷

女事主自然不信賊主所講，便列出3大疑點：「第一，我男朋友上得巴士一定聽緊，唔會成個耳機齊配件；第二，你抹到咁乾淨肯定自己用；第三，你係巴士執唔係應該歸還俾巴士司機？」因此相信耳機很大機會是賊仔老婆在地盤偷，「佢老婆好大反應 咁一定係佢老婆偷。」

FB圖片

網民有讚有彈

事主在文末自豪地表示「男朋友勁開心，估唔到一個女人仔搵到個男人出嚟」、「不過佢比較擔心我安全多啲」、「所以證明2024啦！女人都有獨立嘅一面」。

不少網民大讚事主「型到癲」、「真係好勁」，惟亦有人認為事主為了尋回耳機不顧自身安危，「為咗拎返耳機搵命搏」、「仲要自爆尾隨人入私人地方」。

有港女於網上發相發文大呻，日前到旺角食品店買喉糖時疑取1張$100紙付款，惟店員以1個原因拒收，最終「嬲爆」表示「不買了」！

$100紙因1原因拒收

樓主於Facebook群組「香港突發事故報料區及討論區」發相發文，指她到旺角新世紀廣場某間食品店想買50元3包喉糖。然而，當她從銀包取出1張$100紙幣付款時，被店員以銀紙「損爛」為由拒絕收取，「唔好意思，呢張錢爛嘅唔收，可否換1張？」。

FB截圖

拎另1張$100再拒收

樓主取出另1張$100紙付款，沒想到職員再以「損爛」為由拒絕收取，「唔好意思，呢張都係爛嘅唔收」。樓主聞言超不滿，直接離開並指「唔好意思我冇全新嘅銀紙！不買了」，隨後又不忿說「我想講這200也是別的店舖找我的」。

2張銀紙上有約1厘米的裂痕

從上載相片可見，2張$100紙上方中間位置都有約1厘米裂痕，但其餘部份完好無缺，也沒有嚴重污漬，外觀可以稱得上為「新簇」。

FB圖片

網民批「吹毛求疵」

帖文引來熱議，有網民直指店舖做法不妥，「咁小裂紋都唔收」、「呢種爛法間間都收啦」、「可以攞去銀行換返」、「呢少少殘嘅痕好多錢都有，應該係間舖想焗你用電子貨幣」、「叫人以後唔好幫襯」、「過猶不及，吹毛求疵，去另外舖買吧！」。

有人指做法無可厚非

但亦有人認為店舖做法無可厚非，「佢真係有權唔收嘅」、「可能佢老闆要求唔收，否則罰個員工錢」、「因為銀行提款機入唔到」、「問題在於張一百蚊爛嘅可以拒收，就算人哋找錢張紙幣爛嘅都可以叫佢畀第二張」。 

示意圖

網民曬同款經歷

另有人分享同類經歷，「最近試過又係爛咗少少唔收，連銀行只要砌到完整一張都會收，唔知佢咩玩法，以前好多銀紙爛得仲勁都係咁用無試過唔收」、「試過去7仔……個5蚊有啲污糟，有一面太黑，都唔收」、「我以前做過快餐收銀，有同事收過斷開左嘅銀紙，只要個爛個位無整到個冧巴，係可以去返發行銀行更換」。

「霉霉爛爛」紙幣可否用？金管局拆迷思

「霉霉爛爛」紙幣到底是否可以使用？根據金融管理局網頁，「崩角」、「污漕」的銀紙仍可以使用；如有疑慮，可拿到發鈔銀行回收。

示意圖