的士上遺波砵獲司機過海送回 加一暖心舉動港男發文表揚兼貼電話：Call的搵佢！

日前有港男搭的士遺留一對「波砵」，由於他當時以PayMe形式支付，故的士司機循該途經找到他，更親自送回對波鞋給樓主，令他非常感動，更在社交平台發文表揚！

資料圖片

司機循Payme轉帳1元聯絡樓主

港男在thereads發文，並一開始已寫到「呢個的士司機一定要開名讚佢」，他指日前搭的士時，漏了一對波砵在車上，由於當時他沒有現金，於是用Payme付車費。於是的士司機循該途經找他，並轉帳1元給樓主，備註「我係星群的士司機，今早你們遺留了一對鞋在車，收到Message麻煩聯 XXXXXXX，謝謝」。

表示願送回波鞋及「唔收錢」

樓主之後聯絡司機，並告之自己將會在黃竹坑踢波，司機表示接更後，會由荃灣趕至黃竹坑交還波砵，還稱「會快啲」因擔心樓主沒波鞋踢波。樓主隨即問對方收費幾多，因他指對波鞋只是400多元，如收費太貴，他就打算不要對波鞋，怎知司機回覆「唔收錢」！

《降魔的》劇照

樓主大為感動貼出司機電話

當樓主拿返波鞋時，想給回荃灣到黃竹坑的車資200元，但司機卻「急急腳話唔洗 走咗去」樓主感到難以置信，他搞笑的問到 「係咪Halloween Cosplay的士佬咋？」，更稱「嚟緊一個月，我唔會講任何的士司機壞話 以表尊重」

而為了答謝該名司機，樓主在文尾貼出了司機的電話號碼，並寫到「Call的士 搵佢！」

網友大讚司機：大家記得要Call佢

帖文隨即引來很多網民大讚，「呢啲好嘅的士佬真心要讚」、「佢仲要花一蚊特登聯絡你」、「可以再PayMe返佢200」、「可能係波友」、「真係好好嘅司機！大家記得要Call佢」。亦有網民分享遇到好司機的經歷：「試過跌手機喺的士，打咗幾十通電話，個司機話係個客聽到電話響，喺條隙到執到，佢空車凌晨送返俾我仲唔收錢，當時身上得一嚿水，夾硬塞畀佢」、「有朋友漏咗部全新未拆盒連袋iPhone，入屋前先發現，落樓見的士冚旗喺度，司機話會等佢15分鐘，一蚊都無收佢」

示意圖

網友們分享被索錢經歷

但亦有網民就要不好的經歷，試過遺留物品車上被最後被司機索錢「我試過漏電話喺Uber，司機話過來俾返我，收我500」、「漏左部電腦喺的士，好彩有的士單，報警之後警察直接用車牌搵到司機電話，Call咗勁多次之後終於接咗，都表示肯交還。我拎咗佢電話單獨聯絡交收嗰陣，佢要求喺佢收工之後去佢屋企嗰頭拎，而且直接開口要錢，最後俾咗700」。

有港女於網上發相發文大呻，日前到旺角食品店買喉糖時疑取1張$100紙付款，惟店員以1個原因拒收，最終「嬲爆」表示「不買了」！

$100紙因1原因拒收

樓主於Facebook群組「香港突發事故報料區及討論區」發相發文，指她到旺角新世紀廣場某間食品店想買50元3包喉糖。然而，當她從銀包取出1張$100紙幣付款時，被店員以銀紙「損爛」為由拒絕收取，「唔好意思，呢張錢爛嘅唔收，可否換1張？」。

FB截圖

拎另1張$100再拒收

樓主取出另1張$100紙付款，沒想到職員再以「損爛」為由拒絕收取，「唔好意思，呢張都係爛嘅唔收」。樓主聞言超不滿，直接離開並指「唔好意思我冇全新嘅銀紙！不買了」，隨後又不忿說「我想講這200也是別的店舖找我的」。

2張銀紙上有約1厘米的裂痕

從上載相片可見，2張$100紙上方中間位置都有約1厘米裂痕，但其餘部份完好無缺，也沒有嚴重污漬，外觀可以稱得上為「新簇」。

FB圖片

網民批「吹毛求疵」

帖文引來熱議，有網民直指店舖做法不妥，「咁小裂紋都唔收」、「呢種爛法間間都收啦」、「可以攞去銀行換返」、「呢少少殘嘅痕好多錢都有，應該係間舖想焗你用電子貨幣」、「叫人以後唔好幫襯」、「過猶不及，吹毛求疵，去另外舖買吧！」。

有人指做法無可厚非

但亦有人認為店舖做法無可厚非，「佢真係有權唔收嘅」、「可能佢老闆要求唔收，否則罰個員工錢」、「因為銀行提款機入唔到」、「問題在於張一百蚊爛嘅可以拒收，就算人哋找錢張紙幣爛嘅都可以叫佢畀第二張」。 

示意圖

網民曬同款經歷

另有人分享同類經歷，「最近試過又係爛咗少少唔收，連銀行只要砌到完整一張都會收，唔知佢咩玩法，以前好多銀紙爛得仲勁都係咁用無試過唔收」、「試過去7仔……個5蚊有啲污糟，有一面太黑，都唔收」、「我以前做過快餐收銀，有同事收過斷開左嘅銀紙，只要個爛個位無整到個冧巴，係可以去返發行銀行更換」。

「霉霉爛爛」紙幣可否用？金管局拆迷思

「霉霉爛爛」紙幣到底是否可以使用？根據金融管理局網頁，「崩角」、「污漕」的銀紙仍可以使用；如有疑慮，可拿到發鈔銀行回收。

示意圖