早前有網民在社交平台發文，指旺角一間新開的豆品店疑似用即溶芝麻糊當甜品。本來發帖公審，豈料網民反應卻不如預期，反讚店家「有良心」？
豆品店售多款甜品
樓主在facebook群組「香港茶餐廳及美食關注組」中發文公審1間豆品店。從照片可見，該店售賣不同口味的豆腐花，如冰糖豆腐花、薑汁豆腐花、黑芝麻豆腐花等，亦有香滑芝麻糊及陳皮蓮子紅豆沙等。
FB圖片
芝麻糊$10碗但疑似即溶沖的
豆腐花全線一律賣$10元，香滑芝麻糊同樣是$10。不過樓主另一照則見到有箱標明「即溶芝麻糊」的貨品放在雪櫃上，旁邊一個紙箱則裝有可重複使用的環保微波爐碗。因此，樓主指豆品店是「無良奸商的典範」。
FB圖片
網民反指樓主要求多多
帖文一出，旋即引起網民熱議。不過網民卻未如樓主想的那樣，公審店家，反認為店家定價抵食，甚至指樓主要求多多，「10蚊邊個仲同你磨呀？」、「人哋有話現場即磨？」、「睇開啲啦！接受唔到嘅咪唔好食囉」、「就黎十蚊碗，連黃豆都要自己種」、「佢賣香滑芝麻糊咋喎，如果佢話係自磨先有問題喇」、「鮮奶真係即刻揸啲鮮奶俾你咩？」。
示意圖。小紅書圖片
用香港品牌 「有良心嫁喇」
亦有網民指店家使用的是知名香港品牌「多多」，因此稱讚店家「肯用多多已經算好」、「多多好味吖」、「多多芝麻糊都算係香港做嘅，有良心嫁喇」。
官網截圖
有港女於網上發相發文大呻，日前到旺角食品店買喉糖時疑取1張$100紙付款，惟店員以1個原因拒收，最終「嬲爆」表示「不買了」！
$100紙因1原因拒收
樓主於Facebook群組「香港突發事故報料區及討論區」發相發文，指她到旺角新世紀廣場某間食品店想買50元3包喉糖。然而，當她從銀包取出1張$100紙幣付款時，被店員以銀紙「損爛」為由拒絕收取，「唔好意思，呢張錢爛嘅唔收，可否換1張？」。
FB截圖
拎另1張$100再拒收
樓主取出另1張$100紙付款，沒想到職員再以「損爛」為由拒絕收取，「唔好意思，呢張都係爛嘅唔收」。樓主聞言超不滿，直接離開並指「唔好意思我冇全新嘅銀紙！不買了」，隨後又不忿說「我想講這200也是別的店舖找我的」。
2張銀紙上有約1厘米的裂痕
從上載相片可見，2張$100紙上方中間位置都有約1厘米裂痕，但其餘部份完好無缺，也沒有嚴重污漬，外觀可以稱得上為「新簇」。
FB圖片
網民批「吹毛求疵」
帖文引來熱議，有網民直指店舖做法不妥，「咁小裂紋都唔收」、「呢種爛法間間都收啦」、「可以攞去銀行換返」、「呢少少殘嘅痕好多錢都有，應該係間舖想焗你用電子貨幣」、「叫人以後唔好幫襯」、「過猶不及，吹毛求疵，去另外舖買吧！」。
有人指做法無可厚非
但亦有人認為店舖做法無可厚非，「佢真係有權唔收嘅」、「可能佢老闆要求唔收，否則罰個員工錢」、「因為銀行提款機入唔到」、「問題在於張一百蚊爛嘅可以拒收，就算人哋找錢張紙幣爛嘅都可以叫佢畀第二張」。
示意圖
網民曬同款經歷
另有人分享同類經歷，「最近試過又係爛咗少少唔收，連銀行只要砌到完整一張都會收，唔知佢咩玩法，以前好多銀紙爛得仲勁都係咁用無試過唔收」、「試過去7仔……個5蚊有啲污糟，有一面太黑，都唔收」、「我以前做過快餐收銀，有同事收過斷開左嘅銀紙，只要個爛個位無整到個冧巴，係可以去返發行銀行更換」。
「霉霉爛爛」紙幣可否用？金管局拆迷思
「霉霉爛爛」紙幣到底是否可以使用？根據金融管理局網頁，「崩角」、「污漕」的銀紙仍可以使用；如有疑慮，可拿到發鈔銀行回收。
示意圖
