有打工仔指公司行政部發出1封電郵，提醒「切勿將『非食物』的物品放進微波爐使用」，附上的相片顯示微波爐內有1個暖手抱枕！
示意圖
行政部發郵件：注意衛生
該名打工仔投稿至Threads專頁「奴工處」，指其公司設有微波爐，但最近行政部竟向全體員工發電郵，提醒眾人使用微波爐時要注意衛生，為他人設想，提高安全意識。
unsplash示意圖
「非食物」成亮點
最搞笑的是，電郵竟強調「切勿將『非食物』的物品放進微波爐使用，多謝合作！」，並指有1位同事居然將暖手抱枕塞入微波爐！
大媽同事：今次失策
樓主一睇相就認得抱枕屬於同部門的大媽同事，於是在樓主追問之下，對方終於承認是物主，且毫無悔意地表示「見有啲污糟，所以洗吓， 咁洗完，想叮一叮佢快啲乾同殺菌，點知唔記得攞走」。隨後，她指每1至2周就洗1次，更笑言今次忘記攞走「失策」。
unsplash示意圖
網民指「濕碎料」 有更離譜
樓主批評「點解可以咁自私、咁唔衛生？平日都有用個微波爐叮飯，𠵱家想作嘔」。許多網民都不能接受，但世上往往有很多更離譜的事，「濕碎料啦，見過有部微波爐係貼住『請勿叮臭襪或任何衣物』，即係曾經有人叮過呢啲嘢先會咁貼」、「叮口罩都見過」、「每條規矩背後都會有個故事」。
unsplash示意圖
有港女於網上發相發文大呻，日前到旺角食品店買喉糖時疑取1張$100紙付款，惟店員以1個原因拒收，最終「嬲爆」表示「不買了」！
$100紙因1原因拒收
樓主於Facebook群組「香港突發事故報料區及討論區」發相發文，指她到旺角新世紀廣場某間食品店想買50元3包喉糖。然而，當她從銀包取出1張$100紙幣付款時，被店員以銀紙「損爛」為由拒絕收取，「唔好意思，呢張錢爛嘅唔收，可否換1張？」。
FB截圖
拎另1張$100再拒收
樓主取出另1張$100紙付款，沒想到職員再以「損爛」為由拒絕收取，「唔好意思，呢張都係爛嘅唔收」。樓主聞言超不滿，直接離開並指「唔好意思我冇全新嘅銀紙！不買了」，隨後又不忿說「我想講這200也是別的店舖找我的」。
2張銀紙上有約1厘米的裂痕
從上載相片可見，2張$100紙上方中間位置都有約1厘米裂痕，但其餘部份完好無缺，也沒有嚴重污漬，外觀可以稱得上為「新簇」。
FB圖片
網民批「吹毛求疵」
帖文引來熱議，有網民直指店舖做法不妥，「咁小裂紋都唔收」、「呢種爛法間間都收啦」、「可以攞去銀行換返」、「呢少少殘嘅痕好多錢都有，應該係間舖想焗你用電子貨幣」、「叫人以後唔好幫襯」、「過猶不及，吹毛求疵，去另外舖買吧！」。
有人指做法無可厚非
但亦有人認為店舖做法無可厚非，「佢真係有權唔收嘅」、「可能佢老闆要求唔收，否則罰個員工錢」、「因為銀行提款機入唔到」、「問題在於張一百蚊爛嘅可以拒收，就算人哋找錢張紙幣爛嘅都可以叫佢畀第二張」。
示意圖
網民曬同款經歷
另有人分享同類經歷，「最近試過又係爛咗少少唔收，連銀行只要砌到完整一張都會收，唔知佢咩玩法，以前好多銀紙爛得仲勁都係咁用無試過唔收」、「試過去7仔……個5蚊有啲污糟，有一面太黑，都唔收」、「我以前做過快餐收銀，有同事收過斷開左嘅銀紙，只要個爛個位無整到個冧巴，係可以去返發行銀行更換」。
「霉霉爛爛」紙幣可否用？金管局拆迷思
「霉霉爛爛」紙幣到底是否可以使用？根據金融管理局網頁，「崩角」、「污漕」的銀紙仍可以使用；如有疑慮，可拿到發鈔銀行回收。
示意圖
