得寵先生｜盧慧敏謝票被狗仔濕吻 爆馮允謙首日開工狂問26次「你緊唔緊張？」

原來Jay是擔心要講中文對白。

寰亞電影《得寵先生》將於本月28日正式上映，日前舉行「狗狗慈善～人寵共融慈善優先場」，狗狗與主人一齊在戲院睇戲，全院滿座，非常熱鬧。導演兼編劇李志偉和何英毅、女主角盧慧敏（Amy）、小演員黃梓樂，以及戲中飾演「熊貓仔」的狗演員CowCow現身謝票。他們與狗狗和主人們合照，Amy更被其中一隻小狗興奮濕吻，畫面相當激情。事後Amy托著頭，扮害羞笑說：「好耐無呢個感覺，好懷念！」

《得寵先生》日前舉行「狗狗慈善～人寵共融慈善優先場」。

導演兼編劇李志偉和何英毅、女主角盧慧敏、小演員黃梓樂，及戲中飾演「熊貓仔」的狗演員CowCow現身謝票。

Amy被其中一隻小狗興奮濕吻。

Amy被其中一隻小狗興奮濕吻。

Amy被其中一隻小狗興奮濕吻。

Amy被其中一隻小狗興奮濕吻。

Amy被其中一隻小狗興奮濕吻。

《得寵先生》是講一位被遺棄的老人與狗狗彼此扶持的勵志電影，人與狗狗關係非常密切，本月初舉行兩場人寵場，反應熱烈。上周末再接再厲加開一場，門票迅速售罄，Amy入場見到主人們抱著狗狗睇戲好感動，她說：「呢個畫面好美麗，狗狗唔只係寵物，仲係家人。」這場次很多身型較細小的狗狗，主人替牠們悉心打扮，非常可愛。問答遊戲時，有主人更高舉手上狗狗當舉手搶答，十分搞笑。

Amy見到主人們抱著狗狗睇戲好感動。

主人和狗狗們都反應熱烈。

此外，第一次拍電影的馮允謙（Jay）首日加入《得寵先生》劇組開工，與戲中女友Amy拍攝一場疑似分手戲。鏡頭前飾演Jay的老員工把行李箱放車上，並與他擁抱和握手道別，氣氛傷感。Amy趕到，熱淚盈眶，依依不捨地告別。第一天拍攝就要演一場沉重的戲份，Amy爆料Jay問她26次「緊唔緊張」，原來他最擔心是講中文對白。

Jay第一日開工就要拍攝與戲中女友Amy的疑似分手戲。

Amy爆料Jay問她26次「緊唔緊張」。

Jay說：「我以為自己會好緊張，原來幾好玩。可能啱啱拍完新歌MV，演好多唔同造型、角色，今日當自己拍MV。不過拍電影要演得好細緻，Amy做得好好，係好好嘅示範，見到Amy交戲交得咁好，我問自己點樣可以演得更好呢？佢喺我上車走咗之後，繼續遠遠咁望住我，佢喊，但又唔可以喊得太淒涼，有兩行眼淚滴落嚟！」身旁的Amy追問他自己喊樣如何？Jay賣口乖：「好靚！」Amy立即滿意點頭甜笑，Jay果然是「暖男擔當」。

Jay表示以為自己會好緊張，原來幾好玩。

又大讚Amy做得好好。

Amy爆料，笑指Jay到場後問她足足26次「緊唔緊張」，她說：「我以為佢自己好緊張，所以咁樣問我，點知佢心話唔係好緊張，原來因為今場戲對白少，佢最緊張要講中文對白。」Jay說：「係呀，平時拍MV唔使講對白，只要用動作同埋表情去演，但拍電影要講對白、眼神、情緒都要好細微。」

人寵共融排排坐戲院睇電影！

由鄭丹瑞（旦哥）與盧慧敏（Amy）主演的寰亞電影《得寵先生》，昨日（11月9日）與香港愛護動物協會（SPCA）於將軍澳康城的戲院，舉行兩場「狗狗友善慈善放映會」，逾百位觀眾帶埋寵物狗排排坐一齊睇戲，SPCA會長傅明憲更身體力行，帶埋三隻愛犬撐場。兩位導演兼編劇李志偉和何英毅、旦哥、Amy、SPCA代表Jenmon、狗演員Little的主人Suki等，親身到戲院謝票和分享，還感動到熱淚盈眶。

旦哥與Amy出席電影《得寵先生》的「狗狗友善慈善放映會」。

旦哥一度哽咽：「香港拍電影已經好難，仲要揀個咁難嘅題材。但正正就係難，香港電影越難越唔忿氣，先至會有大大小小嘅電影產生。」工作人員遞上紙巾，他說：「好少何謝票謝到咁鬼樣！」觀眾笑聲。他說：「最感動係『人寵共融』，我嘅電影可以做到，大家帶住心愛嘅毛孩，好enjoy 咁睇咗107分鐘，多謝大家！」觀眾席有狗吠了兩聲回應，旦哥笑說：「我明，你係話『唔好客氣』！」

映後分享。

旦哥一度哽咽。

而唐狗演員Little早前因病去逝，主人Suki昨日表示好開心在電影裏再見到Little，她感謝拍攝期間，團隊對Little的照顧和愛護。

觀眾都帶同愛犬出席。

觀眾都帶同愛犬出席。

觀眾都帶同愛犬出席。

觀眾都帶同愛犬出席。

觀眾都帶同愛犬出席。

傅明憲都帶同愛犬現身。

Amy接受訪問時說：「我一入戲院，見到人狗同場嘅畫面已經眼濕濕，因為拍呢部電影最大嘅訊息係平等對待生命，所以見到大家一齊坐、一齊睇戲，真係將毛孩變成家人，我好感動！」旦哥說：「我做過無數次其他電影嘅謝票，每次我都好興奮，希望令現場氣氛高漲。但今次，係第一次，工作人員要遞紙巾俾我抹眼淚。狗同小朋友係最難拍，導演連跨兩個難關，我有幸同佢哋一齊走過難關，完成呢件事。然後見到製成品，有毛孩有主人一齊睇、一齊拍手掌，同喜同悲，係我最大最大滿足感。」

Amy表示一入戲院，見到人狗同場的畫面已經眼濕濕。

旦哥直言今次是第一次要工作人員要遞紙巾給他抹眼淚。

本身對狗毛敏感的旦哥說：「我所有嘅敏感，都唔及我嘅滿足感！」還說：「我契仔帶咗狗狗入場睇，佢話狗仔好似識睇字幕，好認真咁睇戲，個畫面好美麗。」Amy補充：「我哋同觀眾都眼濕濕，證明呢個畫面真係好有溫度。」旦哥點頭贊成，「證明我哋做啱咗！」

旦哥雖然對狗毛敏感，但他表示：「我所有嘅敏感，都唔及我嘅滿足感！」

散場後戲院內更熱鬧，不少主人都帶埋狗狗跟Amy合照留念，超愛動物的她來者不拒，甚至抱起小狗和蹲在地上跟大狗合照，狗狗對她亦非常熱情，狂舔她下巴和臉龐索吻，Amy好享受，興奮高呼：「我第一次畀咁多狗錫錫，今日真係好幸福呀！」

不少主人都帶埋狗狗跟Amy合照留念。

不少主人都帶埋狗狗跟Amy合照留念

不少主人都帶埋狗狗跟Amy合照留念

不少主人都帶埋狗狗跟Amy合照留念

Amy更是來者不拒。

Amy更是來者不拒。

有觀眾完場跟旦哥表示代入了他演的「佳叔」角色，甚至忘記他在演戲，旦哥說：「我實在有努力過！好想大家睇到嘅唔係鄭丹瑞，而係角色，一個獨居老人。戲中有一句對白令我特別心痛『連人我都唔要做朋友，做乜同狗做朋友？』一個老人家去到咁蒼涼。所以我哋都要留意身邊嘅老人家，打個電話去關心佢！」Amy亦表示因為這部電影才接觸關於獨居長者的問題，她說：「香港人無論咩年紀，都好似缺少咗表達自己嘅習慣，然後就有誤解。《得寵先生》除咗係一部講流浪動物嘅電影之外，仲係講每一段關係，都應該多啲溝通、了解和包容。」

旦哥演活了獨居老人。

Amy亦表示因為電影才接觸關於獨居長者的問題。

大合照。

大合照。