外賣湯撈起大蜈蚣！港女苦呻「唔再幫襯」 連食環都嚇一嚇 網民紛曬同款經歷

日前1位港女崩潰發文，指自己近日外賣了個燒味飯加湯，點知一撈起個湯，驚見一隻巨大蜈蚣！

外賣燒味飯加湯 驚見巨大蟲蟲

日前，一位港女在threads上崩潰發文，指自己叫外賣時驚見巨型蟲！從照片可見，她經外賣平台落單「切雞紅腸燒味雙拼飯」及一個湯，然而當她收到外賣並撈起湯想飲時，發現碗中居然有隻巨大蜈蚣！

苦呻以後唔再幫襯並「肚痾緊」

見到隻巨型蟲自然相當崩潰，她表示「真係一次比一次黐線」、「我以後唔會再嗌外賣了」，更苦呻自己「肚痾緊」。

threads截圖

已報食環 食環都嚇一嚇

她又稱已將事情上報予食環署，事主一再強調湯裡有蜈蚣時，就連食環職員都嚇一嚇表示「下，有蜈蚣啊？」

食環署圖片

網民：廚房佬係咪發緊夢

涉事食店已經外賣平台向事主退款，雖然事主就講笑「想要精神損失費」，但一班網民就鬧爆餐廳「點解可以有蜈蚣」、「老人家話蜈蚣通常都係一對對咁出沒。會唔會有另一條仲係個煲入面」、「個廚房佬發緊夢」。

相同經歷的網民留言圍爐取暖

事主的崩潰經歷引來大批網民留言熱議，有相同經歷的網民留言圍爐取暖，「我哋可以做fd啦，我上次食到曱甴」，而有曾經食到飾物的網民直指「你地就好啦，爆傳說寵物，我爆神話裝備……」。

網民同款經歷。threads截圖

網民同款經歷。threads截圖

網民同款經歷。threads截圖

有港女於網上發相發文大呻，日前到旺角食品店買喉糖時疑取1張$100紙付款，惟店員以1個原因拒收，最終「嬲爆」表示「不買了」！

$100紙因1原因拒收

樓主於Facebook群組「香港突發事故報料區及討論區」發相發文，指她到旺角新世紀廣場某間食品店想買50元3包喉糖。然而，當她從銀包取出1張$100紙幣付款時，被店員以銀紙「損爛」為由拒絕收取，「唔好意思，呢張錢爛嘅唔收，可否換1張？」。

FB截圖

拎另1張$100再拒收

樓主取出另1張$100紙付款，沒想到職員再以「損爛」為由拒絕收取，「唔好意思，呢張都係爛嘅唔收」。樓主聞言超不滿，直接離開並指「唔好意思我冇全新嘅銀紙！不買了」，隨後又不忿說「我想講這200也是別的店舖找我的」。

2張銀紙上有約1厘米的裂痕

從上載相片可見，2張$100紙上方中間位置都有約1厘米裂痕，但其餘部份完好無缺，也沒有嚴重污漬，外觀可以稱得上為「新簇」。

FB圖片

網民批「吹毛求疵」

帖文引來熱議，有網民直指店舖做法不妥，「咁小裂紋都唔收」、「呢種爛法間間都收啦」、「可以攞去銀行換返」、「呢少少殘嘅痕好多錢都有，應該係間舖想焗你用電子貨幣」、「叫人以後唔好幫襯」、「過猶不及，吹毛求疵，去另外舖買吧！」。

有人指做法無可厚非

但亦有人認為店舖做法無可厚非，「佢真係有權唔收嘅」、「可能佢老闆要求唔收，否則罰個員工錢」、「因為銀行提款機入唔到」、「問題在於張一百蚊爛嘅可以拒收，就算人哋找錢張紙幣爛嘅都可以叫佢畀第二張」。 

示意圖

網民曬同款經歷

另有人分享同類經歷，「最近試過又係爛咗少少唔收，連銀行只要砌到完整一張都會收，唔知佢咩玩法，以前好多銀紙爛得仲勁都係咁用無試過唔收」、「試過去7仔……個5蚊有啲污糟，有一面太黑，都唔收」、「我以前做過快餐收銀，有同事收過斷開左嘅銀紙，只要個爛個位無整到個冧巴，係可以去返發行銀行更換」。

「霉霉爛爛」紙幣可否用？金管局拆迷思

「霉霉爛爛」紙幣到底是否可以使用？根據金融管理局網頁，「崩角」、「污漕」的銀紙仍可以使用；如有疑慮，可拿到發鈔銀行回收。

示意圖