高海寧高貴女神裝出場神秘開窿極性感

娛圈事

高海寧高貴女神裝出場神秘開窿極性感

2024年11月25日 20:45 最後更新：22:05

著得好好睇。

無綫一線花旦高海寧（高LING）近日忙於拍攝賀歲電影，但仍然保持最佳狀態，上星期於《萬千星輝賀台慶》亦以高貴女神裝出場，高LING日前再於IG PO當日造型照，原來內有乾坤，表面封胸，但實情極度性感。

點擊看圖輯

白色高貴女神出場

其實好性感

無34D 未必著得好睇

Carry 得好好

佢自己都好滿意當日造型

另一件低調啲

不過紅色夠搶眼

咁靚靚當然要多謝背後軍師

當日高LING以白色女神造型行紅地氈，心口開窿，露出南半球，34D豐滿上圍完全carry到，而之後的紅色晚裝封胸上陣，設計以聖誕禮物作靈感。

高LING好識做，在留言感謝身邊同事：「真係好想衷心多謝我嘅Teammates，因為最近一直喺深圳拍劇，今年台慶完全冇時間試裙交晒俾Cheryl幫我準備，佢18號晚將3條裙送去我屋企，已經襯好晒jewelry同鞋，我19號凌晨1:30am返到屋企試裙，早上8:30am開始化妝set頭get ready。感恩小白同Zap遷就我嘅時間咁早趕入嚟公司，中途還要返黎幫我換造型，多謝JoJo超抆水都安排到時間幫我整指甲。由於我出席完台慶即晚就要返去深圳，所以要麻煩Miranda 20號幫我還晒所有嘢，當然仲有陪我出生入死同樣冇得瞓都仲影到靚相嘅小K啦﹗冇咗你哋幫手，我真係唔知點算好啊！Btw 今次兩套衫都好鍾意呀！一套又Sweet又Cutie 一套又高貴又優雅」

View this post on Instagram

A post shared by 🦋Ko Ling 高海寧 (@sammkoling)

往下看更多文章

Grand住去大阪｜撇甩高海寧進行「男士活動」 C君6號與藝伎零距離接觸一嘗達官貴人生活

2024年11月22日 15:30 最後更新：18:11

《Grand住去大阪》由C君、高海寧（高Ling）及陸浩明（6號）主持，明晚（11月23日）播出的第二集，三位主持繼續帶大家Grand住遊京都。

第一站到嵐山入住連續6年獲得米芝蓮推介的頂級私人度假村，三位主持需乘坐屋形船方能抵達酒店，過程相當有儀式感；度假村由江戶時代富商水邊別墅改建而成，只有20多間房間，而他們入住的為價值190,000日元（約9,688 港幣）的月橋套房，高Ling見到「高床軟枕」即興奮得跳上床試瞓，豈料一轉身遴迍碌落「坑」，見盡女神傻氣一面！

之後，C君和6號撇甩高Ling進行「男士活動」，與藝伎零距離接觸，一嘗達官貴人生活。他們欣賞藝伎歌舞表演之餘，更體驗與藝伎玩遊戲，但C君和6號原來是遊戲黑仔王，連番落敗被罰飲酒；兩人還大歎豐富京都會席料理，6號又使出「搞爛Gag王」本色，連C君也忍不住形容他為「垃圾人」！

早於首集已預告會為大家介紹世界上最貴Omakase，今集終於等到！三位主持返回大阪市，豪歎350,000日元（約17,847港幣）極．廚師發辦套餐，由高級兼新鮮食材如青森藍鰭吞拿魚、長野松茸、對馬喉黑魚等，炮製多款令人一試難忘的壽司，其中No.1北紫海膽手卷、千葉剝皮魚肉配魚肝壽司最讓人驚喜，而高Ling面對心愛的大拖羅壽司爽性用手食，單看她吃到眼瞇瞇就知道有多滿足！

醫飽肚之後，當然要去按摩鬆一鬆。三人去到知名奢華水療度假村品牌，分頭嘗試各種養生療程，當中高Ling體驗聽覺做主題的Spa房，享受經絡音叉療程，有助促進血氣循環，相當適合女士們；6號則體驗水中健身和頌缽治療，而C君試玩Biohacking生物黑客療程，體驗各種黑科技包括紅外線面膜和無重力椅，隔著屏幕感受到有幾chill呀！