一家3口將軍澳拉麵店疑「奇招」走數食霸王餐 店舖出Po尋人未果

將軍澳拉麵店樂麵Lotmee急尋人，原來係有人食霸王餐走數！閉路電視揭示，一家3口走數仲要用埋啲奇招，店主僅呼籲盡快返回付款。

樂麵Lotmee。FB圖片

店鋪出post「尋一家3口」

將軍澳東港城拉麵店「樂麵Lotmee」11月24日晚在Facebook專頁出post「尋人」，並留言「希望這一家人睇到個post盡快返嚟畀返錢啦」。 店舖指出，11月23日早上有一家三口，兩夫妻及1名小孩光臨食早餐，埋單共計79元。

FB圖片

疑用奇招食$79霸王餐

然而用餐後，港媽與小孩出門口問有什麼付款，惟「講咗好幾個都話冇」，於是港媽便聲稱「老公會付錢」，便帶着小孩先離開。沒想到的是，老公同樣沒有付款就離開，「就喺同事唔為意，發覺突然間走咗……」。

店舖發相急尋人：唔係想放大件事

店舖強調閉路電視（cctv）已拍下當時情況及雙方對話，現只希望他們盡快返回付款，「希望你只係真係唔記得。希望真係會睇到呢度個post畀返就算，唔係想放大件事，多謝你」。  

Getty示意圖

事隔4日仍不見蹤影 網民叫報警

過事隔4天，截至11月27日，這家人仍未返回付款。事件引來網民熱議，並批評這家人行為離譜，直接報警啦」、「走數，要報警，個大人真係不知所謂，小朋友都要上一課」、「畀番個限期，冇理由無限期等，等唔到都要報警落案懲戒下」。

示意圖

可能係誤會一場 建議店舖落單先付款

同時有網民估可能兩夫妻有誤會，未必有心「走數」，「似（丈夫）誤會以為老婆畀咗」，所以就有網民議店舖改用落單先付款方式，避免「走數」，「落單先畀錢，後上食物吧，太多劣幣，無辦法唔自保！」。

公共交通工具上的關愛座一直有「批鬥座」之稱，而最近有女網民在社交平台發文，指早前搭港鐵有位年輕乘客坐關愛座即被1對夫婦怒斥。

年輕乘客一坐關愛座被「指一指」

樓主在社交平台Threads上發文，表示早前乘搭港鐵到旺角時，因有許多乘客下車，所以車廂上有不少空位。後來1名年輕乘客上車並坐在關愛座，隨即被1對同樣剛上車的老夫婦「指一指」。

港鐵圖片

「位係畀老人家」 老婦斥年輕男「讀屎片」

老夫婦「指一指」似乎係示意對方往旁邊非關愛座坐，「仲講咗句『你坐咗senior嘅位，this is for senior』」。樓主續指，本來該名乘客似乎都唔係想坐關愛座，而係「預備緊坐過一格」。罵人的老婦坐低後，仍罵不停，「話咩個位係畀老人家㗎，又無端端話個個人讀屎片？」。

資料圖片

老婦身份大揭祕 「鬧到本身另一個坐關愛座嘅人都走」

樓主表示，老婦看似是有學歷或曾移民外地再回流的港人「成程得佢自己狂鬧，鬧到本身另一個坐關愛座嘅人都走」。

《愛回家之開心速遞》劇照。

樓主斥不良關愛座風氣

樓主在帖文批評現時有奇怪的關愛座文化，「究竟幾時有吉位都唔可以坐關愛座，係邊個畀啲錯誤訊息佢哋得老人家可以坐，點解後生一坐就好似有罪咁？」，又指不論所坐的位置是否關愛座，看到有需要的人，也應自動讓座，反批「而家搞到成日驚畀人鬧，避開啲關愛座，好似坐咗就係罪人咁」。

示意圖。設計圖片