筲箕灣文具店公開男子偷陀螺片段 網民驚覺容貌竟極似一位影帝

近日有筲箕灣店主於社交平台上載一段閉路電視片段，見到一名男子在南安街一文具店外偷取兩個陀螺後離開，店主大斥「$6 一個你都偷！」網民見片即笑指「咁似梁朝偉既(嘅)」。

白衣男偷走店外兩隻陀螺

店主於28日於社交平台「筲箕灣西灣河關注組」發布影片，見片段顯示事發於本月25日下午2時許，一名身穿白色外套及灰色長褲男子，經過一間文具店時，順手拿起店外展示的兩隻陀螺細看，跟着即收埋在手中，然後四處張望，見店內無動靜即離去。

店主斥：$6 一個你都偷

店主留言指這名男子「一出手就擸咗兩個，$6 一個你都偷」，並斥「最大問題係個陀螺要有個發射器先玩到，你偷一半又唔偷一半，依家搞到多咗兩舊垃圾喺我舖頭呀」。

網民：個camera影到成個梁朝偉咁樣

網民看了閉路電視片段後，紛紛表示「報警」、「報東張！」，又指片中小偷貎似一位影帝，「咁似梁朝偉既(嘅)」、「矇矇地正面有兩分似朝偉」、「個camera影到成個梁朝偉咁樣」、「叫佢唔好做賊應該做藝員 做演員」有網民笑言「咁多特徵頭髮又短又似朝偉好易認」。

警方同日已拘捕一名男子涉嫌「盜竊」

警方表示，在25日網絡巡邏期間，留意到有社交媒體帖文表示有店鋪翻查閉路電視片段後發現商品懷疑被人盜去，經調查後在觀塘區拘捕一名42歲本地男子涉嫌「盜竊」，案件交由東區警區調查隊第三隊跟進，被捕人已獲准保釋候查，下月中旬向警方報到。

公共交通工具上的關愛座一直有「批鬥座」之稱，而最近有女網民在社交平台發文，指早前搭港鐵有位年輕乘客坐關愛座即被1對夫婦怒斥。

年輕乘客一坐關愛座被「指一指」

樓主在社交平台Threads上發文，表示早前乘搭港鐵到旺角時，因有許多乘客下車，所以車廂上有不少空位。後來1名年輕乘客上車並坐在關愛座，隨即被1對同樣剛上車的老夫婦「指一指」。

港鐵圖片

「位係畀老人家」 老婦斥年輕男「讀屎片」

老夫婦「指一指」似乎係示意對方往旁邊非關愛座坐，「仲講咗句『你坐咗senior嘅位，this is for senior』」。樓主續指，本來該名乘客似乎都唔係想坐關愛座，而係「預備緊坐過一格」。罵人的老婦坐低後，仍罵不停，「話咩個位係畀老人家㗎，又無端端話個個人讀屎片？」。

資料圖片

老婦身份大揭祕 「鬧到本身另一個坐關愛座嘅人都走」

樓主表示，老婦看似是有學歷或曾移民外地再回流的港人「成程得佢自己狂鬧，鬧到本身另一個坐關愛座嘅人都走」。

《愛回家之開心速遞》劇照。

樓主斥不良關愛座風氣

樓主在帖文批評現時有奇怪的關愛座文化，「究竟幾時有吉位都唔可以坐關愛座，係邊個畀啲錯誤訊息佢哋得老人家可以坐，點解後生一坐就好似有罪咁？」，又指不論所坐的位置是否關愛座，看到有需要的人，也應自動讓座，反批「而家搞到成日驚畀人鬧，避開啲關愛座，好似坐咗就係罪人咁」。

示意圖。設計圖片