自家品牌推聯乘鞋履迎出道20週年!
適逢謝安琪(Kay)即將出道20周年,由Kay主理的自家品牌Kaytiquette再度與香港本地鞋履品牌The Korner合作,隆重推出「Kaytiquette跟我走」聯乘鞋履系列,系列名稱除了為Kay早年的冠軍歌曲,更代表著Kay和歌迷20年來互相陪伴、一同成長的深厚羈絆,為是次聯乘鞋履增添特別意義。
點擊看圖輯
旗下自家品牌Kaytiquette聯乘The Korner
鞋款更融入代表Kay生日的ROUTE NUMBER 0313及象徵Kaytiquette和The Korner的鏤空雙「K」字設計
連四款鞋款的名字也是來自Kay首支派台歌《姿色分子》中的歌詞
謝安琪迎接出道20週年
旗下自家品牌Kaytiquette聯乘The Korner
推出「Kaytiquette 跟我走」鞋履系列
陪伴歌迷延續未來旅程
鞋款更融入代表Kay生日的ROUTE NUMBER 0313及象徵Kaytiquette和The Korner的鏤空雙「K」字設計,連四款鞋款的名字也是來自Kay首支派台歌《姿色分子》中的歌詞,每個巧思都充滿Kay與歌迷的深刻回憶和她的原創理念,Kay 表示:「希望由《Kaytiquette 跟我走》鞋款代表我陪著大家走人生每一步,係我在音樂以外誠意與大家分享的紀念品。」
為是次聯乘鞋履增添特別意義
「Kaytiquette 跟我走」系列繼續秉持環保概念,全系列均選用環保皮革及天然針織為主要物料,設計加入法式雕花設計和荷葉邊元素,注重剪裁與質感,同時揉合The Korner日系風格,強調簡潔與舒適,兩者結合創造出獨特的輕法式日系風格,為您的造型添上一抹優雅與個性。是次聯乘更將鞋盒巧妙地轉化為行李箱,設計靈感同樣源自於Kay推出作首支派台歌曲《姿色分子》的回憶:「當時我帶住一個懷舊嘅行李箱,裝滿咗入行前嘅經歷、對世界嘅感受、以及我嘅音樂夢想。呢一切都坦然地放入行李箱,勇敢地開展咗我嘅音樂旅程。如今,呢個懷舊行李箱以鞋盒嘅形式呈現於歌迷的手上,將這20年來與大家的共同回憶延續,並盛載未來更多的精彩旅程。」
鞋款更融入代表Kay生日的ROUTE NUMBER 0313及象徵Kaytiquette和The Korner的鏤空雙「K」字設計
在這次Kaytiquette與The Korner的聯乘系列中,Kay展現了對歌迷深厚情感的珍視:「過去20年間,歌迷係老朋友一樣伴隨住我成長,成為我面對挑戰時的力量泉源。透過今次嘅聯乘鞋款,我希望每位歌迷喺未來嘅日子裡,無論成長路徑如何不同,依然能感受到彼此之間穩固嘅聯繫。呢段珍貴嘅情誼不單止支持住我喺音樂上不斷向前行,更加喺困境裡面賦予我勇氣。 」因此,全新「Kaytiquette 跟我走」系列象徵著Kay對每位歌迷的陪伴與關懷。她期待這四雙鞋履能成為歌迷們生活中不可或缺的夥伴,陪伴他們走過人生的每一步。 而四款鞋款的名字則來自Kay首支派台歌《姿色分子》中的歌詞 —「貝特馬莉亞麗塔艾美或翠斯」,瞬間引發粉絲共鳴!
連四款鞋款的名字也是來自Kay首支派台歌《姿色分子》中的歌詞
Aimee Heel Boots 糅合簡約俐落的皮革和高貴的絨面荷葉邊裝飾,完美體現Kaytiquette簡約耐看的品牌概念,將女性魅力昇華到極致。尖頭設計配以優雅的線條,呈現大方得體的感覺。選用的環保皮革具有舒適的拉伸性和柔韌性,輕盈不束腳,不論是襯搭法式風格長裙還是慵懶褲裝,都能完美展現女性風格,讓你在日常生活中散發自然自信的魅力。Bettie Oxfords以舒適經典的圓頭牛津鞋Karin Oxfords作為原型,加入代表「Kaytiquette」和「The Korner」的 「雙 K」獨特鏤空雕花設計,將Kaytiquette法式精緻的原素與The Korner日系簡潔風格完美融合,在經典的牛津鞋設計上添加一抹優雅感,重新詮釋這款經典鞋履。優雅端莊的米白色爲你帶來清新自然的造型,而經典大方的黑色則特別適合正式場合, 兩款顔色都能輕易融入日常穿搭。
充滿輕法式慵懶感的Tracie Mules使用柔軟透氣的環保針織材質,完美緊貼腳型帶來修長的視覺效果。針織線條的設計配以3.5cm的跟高讓你不需過於用力打扮,已經顯得時尚且富有魅力,完美展現Kaytiquette的法式慵懶風格。在舒適的同時讓整體造型更具層次感。配搭一條淺色系長裙,簡約地散發出隨性不經意的魅力。Kaytiquette 為The Korner最受歡迎的鞋型之一Loafers注入全新的優美元素,以現代女性的需求為導向,打造出既具時尚感又兼具實用性的鞋履。鞋面的絨面風琴荷葉邊的設計,靈感來自於風琴音管的形狀,為經典的樂福鞋款創造出動感和流暢感。只需配搭一條最基礎耐看的直桶褲或長裙,既美觀又大方。
Fish表示:「好多謝呢套咁好心地嘅電影,將我喺中年危機,撈返番嚟!」
寰亞電影《得寵先生》昨日(11月28號)上映,前一晚在MCL新都城戲院舉行首映,全院滿座,反應熱烈。適逢男主角鄭丹瑞(旦哥)69歲生辰,除了電影導演兼編劇何英毅和李志偉、女主角盧慧敏(Amy)、廖子妤(Fish)、馮允謙(Jay)和黃美芬等一齊睇戲,還有近百位圈中好友入場支持,非常熱鬧。完場後觀眾席上好友林珊珊、林超賢導演、陳慶嘉導演、陳德森導演、謝安琪、邱士縉@MIRROR和周秀娜等星級觀眾發言,令人感動。Fish更自爆一度覺得自己步入中年危機,對事途迷惘,但這部電影令她振作,對世界再抱希望。
《得寵先生》日前舉行首映,全院滿座!
電影完場,觀眾報以掌聲,Amy、Jay和Fish突然拉住旦哥上台玩驚喜,手忙腳亂地替他戴皇冠、彩帶和送鮮花,主持旨呈哼歌助慶。旦哥突然「佳叔」上身鬧人:「搞乜呀?咪整亂我個頭呀!」全場爆笑,觀眾大叫「好靚仔」!而旦哥另一部電影飾演女兒的鄧月平,亦準備了生日蛋糕送上台,旦哥好開心。
眾演員在映後分享感受。
Amy、Jay和Fish拉住旦哥玩驚喜。
旦哥另一部電影的「女兒」鄧月平亦準備了生日蛋糕。
旦哥好開心!
Fish感嘆:「我依家嘅人生好似有好多好混亂嘅嘢,我要重新去接受,我又要照顧爸爸媽媽,爸爸媽媽開始老啦,我嘅事業去到一個位,我應該點做?頭先睇完套戲,諗:『如果我去到70歲,我嘅人生係咁失敗,我會點呢?』但係只要唔放棄,人生幾多歲都可以重啟。我一路睇戲一路覺得,其實我啲問題好細,只係需要去學習。尤其是悅娜(Amy飾演)角色,點解有人咁好心地?但係真係有眾多咁好心地嘅人,支持緊呢個世界,而呢個世界唔係我想像中咁差,好多謝呢套咁好心地嘅電影,將我喺中年危機,撈返番嚟!」
Fish指這部電影令她振作,對世界再抱希望。
旦哥說:「今日我69歲生日,真係緣份,竟然有一部自己嘅戲上映。香港拍電影唔容易,拍完呢部戲佢哋都唔知幾時再有得撈,今日我生日,邀請到一班真心好朋友嚟同我一齊,睇一部有火嘅電影。」觀眾席上林超賢導演大叫:「成套戲對你(旦哥)挑戰好大啦!」旦哥哈哈大笑說:「識貨!」
旦哥
林珊珊抹眼淚,對旦哥說:「真係做得好好,好為你驕傲,旦!當然Jay Fung都做得好,個個演員都做得好好。多啲呢啲戲,我哋就感受多啲溫暖、多啲希望!」而旦哥的「永遠女神」周秀娜亦感動落淚,她說:「旦哥係一個好幽默嘅人,好少會見到佢呢一面,我無諗過我會喊,好感動,旦哥真係演得好好,我好鍾意!」
林珊珊
林珊珊睇到落淚。
兩年前在電視劇《野人老師》中,與旦哥飾演父子的Stanley說:「我同旦爸拍劇嘅時候,佢同期拍緊呢部電影,佢真係好犀利,同一時間駕馭兩個完全唔同嘅角色,最值得學習係旦爸對戲劇嘅追求,超級respect(敬佩),亦多謝導演拍咗一部咁誠懇嘅電影!」
Stanley
去年與旦哥合作新戲的謝安琪,先恭喜旦哥生日快樂,她說:「睇到一個好不一樣嘅旦哥,而題材將被遺棄嘅狗仔同獨居老人串連埋,好有感受。我哋嘅城市好繁忙,忙住生活,好多時忽略咗生命與生命之間嘅感情。你喺我心目中係一個又健康又開心又正能量嘅人,喺呢部戲見到你落泊嘅神情,一個獨居老人,我好傷心。希望多啲人被呢部戲感動,多啲關心身邊嘅人、身邊嘅生命,讓我哋嘅社會多啲愛!」
謝安琪
與旦哥相識幾十年的導演林超賢笑說:「剛才娜姐(周秀娜)話未見過你呢一面,其實幾十年前,你啲樣衰我哋見好多。」旦哥笑說:「所以我要鼓起勇氣叫晒《小男人周記》團隊、阿嘉(陳慶嘉導演兼編劇)嚟睇。」林導認真地說:「多謝台前幕後,老人與狗嘅戲大家睇好多,呢部喺自己生活世界入面,特別打動,尤其是講到棄養,造出好多不幸,令人好感概!旦哥,你喺鏡頭前喊,我第一吓接受唔到,但你繼續喊,我真係畀你打動,好嘢!」身旁的陳慶嘉說:「呢個唔係我見到嘅阿旦,好犀利,見到一個唔熟悉嘅你,做得好好!」
林超賢
林超賢、陳慶嘉
台上旦哥哽咽,他說:「呢啲說話由我合作得最耐嘅好朋友講出嚟,真係頂唔順,多謝!」至於另一位導演好友陳德森非常感觸,因為感同身受,他說:「獨居長者同隻狗,我隻狗啱啱過咗身,好難過。我一直都有關注流浪狗,呢套戲我一定會好好推介,多謝你哋!」
陳德森
此外,捧場的圈中好友還有《得寵先生》音樂總監T-Ma(馬敬恆)、向海嵐、林珊珊兩位女與李澄和李怡、梁釗峰、雲浩影、Vian@me&、許恩怡、音樂人Heyo、「中年好聲音」 的丁文俊、羅啟豪、魏家信和林鉫偉等,星光熠熠。
鄧月平
謝安琪
向海嵐
林珊珊兩位女與李澄和李怡
雲浩影、梁釗峰
Vian@me&
許恩怡
Heyo
「中年好聲音」 的丁文俊、羅啟豪、魏家信和林鉫偉。