大熊貓BB拆禮物開心到飛起 家姐飛擒大咬同細佬講sorry

大熊貓龍鳳胎聖誕節大豐收，Boxing Day(拆禮物日)開心到飛起，見到五顏六色的禮物名副其實的來個「飛擒大咬」！

大熊貓龍鳳胎齊齊拆聖誕禮物。ig圖片

海洋公園社交平台26日鋪出新片，家姐細佬對奶爸奶媽送的禮物期待指標爆燈。只見家姐邁步走向結了靚靚蝴蝶花帶的禮物袋，但腳仔始終未夠力，不時跣腳，但都無阻家姐拆禮物的心急。兩隻BB熊貓圍住禮物，手口並用，好奇探索到底熊生第一個聖誕，會收到甚麼禮物呢？

大熊貓BB中的家姐飛撲向細佬。ig圖片

大熊貓龍鳳胎齊齊拆聖誕禮物。ig圖片

呢次輪到家姐化身「心急熊」，一個飛撲撞向細佬，但一向疼錫細佬的家姐，好快就同細佬講：「唔好意思，心急咗少少」。龍鳳胎對奶爸奶媽送的禮物愛不釋手，而奶爸奶媽抱住兩姐弟，同樣係愛不釋手啊！

有網民留言說：「倆姐弟就係全香港人最佳嘅聖誕禮物」，又有人話，「家姐不停失重心，好搞笑」、「細佬傻更更，見家姐飛撲去拆禮物，自己先識去𢭃件禮物」、「佢哋差唔多可以企起身啦！好快就可以行㗎啦，好期待」、「家姐飛撲有潛質打摔角」。

大熊貓龍鳳胎好喜歡奶爸奶媽送的聖誕禮物。ig圖片

大熊貓龍鳳胎齊齊拆聖誕禮物。ig圖片

港產大熊貓孖B宣布組成新晉「籃」子組合，憑著兩張越來越似餅印倒模的勁可愛樣子，萌倒萬千契爸契媽。

家姐的小學面試證件相。ig圖片

永遠的死黨。ig圖片

海洋公園在社交平台貼出家姐細佬最新萌照。這對「籃」子組合，窩在藤籃裏，眼仔碌碌望住鏡頭，勁可愛勁吸粉。而且，這次還加入了家姐化身的超人公仔：家姐+細佬+公仔=三熊行，永遠的死黨！見到他們玩得那麼開心，羡慕到小編都想加入齊齊做friend子。

兩姐弟越來越似樣，成了熊粉話題之一。原本家姐憑著一對黑眼圈飛起的鳳眼，很易同細佬分別出來，但近日熊粉們發覺孖B越來越似，「越來越難分到家姐同細佬啦😂兩個好似複印出黎咁」。

大熊貓兩姐弟越來越似樣。ig圖片

哪個是熊貓，哪個是公仔？ig圖片

另外，早前細佬有一張萌照被網民笑稱為幼稚園面試相，在這次最新一輯相片中，家姐也來一張正正經經的學生照，網民笑住說：「之前細佬果張係幼稚園證件相，家姐呢張係小學面試相」。而家姐天生明星相，更獲網民大讚：「家姐真係好有做i豆既潛質，Selfie、望鏡頭、打拍子，節奏感一流，細佬就好調皮。」

家姐+細佬+超人公仔鐵三角。ig圖片

大熊貓孖B越來越似樣。ig圖片