熊貓孖B熊生第一個聖誕 細佬「掛」住大家 家姐問點解聖誕老人仲未嚟

港產第一對大熊貓龍鳳胎熊生第一次過聖誕，奶爸奶媽化身神秘聖誕老人，兩隻孖B就在平安夜追問：點解聖誕老人仲未嚟㗎？

大熊貓BB迎來熊生第一個聖誕。海洋公園相片

大熊貓BB迎來熊生第一個聖誕。海洋公園相片

大熊貓BB細佬祝契爸契媽聖誕快樂。香港大熊貓官方ig專頁圖片

海洋公園社交平台貼出短片和圖片，見到藤籃內兩姐弟，家姐在不停扭動，細佬就定格地「掛」在藤籃邊緣，小編鬼馬地配上字幕：「直接登出」、「已下線」，引來網民笑指細佬「細佬咁早去完蘭桂芳」、「細佬飲醉咗！」、「細佬完美演繹⋯⋯我好『掛住』大家😂，咪叫cut機唔可以停」。

家姐就問：「點解聖誕老人仲未派禮物……」，還捲縮埋頭在藤籃內，一臉委屈，又嘀咕說：「明明我哋都係乖寶寶」。

大熊貓BB迎來熊生第一個聖誕。海洋公園相片

大熊貓BB迎來熊生第一個聖誕。海洋公園相片

之後，奶爸奶媽就話，有準備禮物畀兩隻心上熊呀，細佬即時醒神，眼仔碌碌，開心返晒！

大熊貓BB迎來熊生第一個聖誕。海洋公園相片

大熊貓BB迎來熊生第一個聖誕。海洋公園相片

除了奶爸奶媽錫到燶之外，一眾契爸契媽都蜂擁留言，祝家姐細佬聖誕快樂，為一對萬千寵愛的熊貓BB送上節日祝福。

大熊貓BB迎來熊生第一個聖誕。海洋公園相片

另外，海洋公園發放家姐細佬的聖誕照片，據奶爸Matt在ig說，這輯相片是請來攝影大師操刀的。圖片中家姐細佬玩著濃濃聖誕氣氛的玩具，包括海洋公園的威威獅令公仔，而奶爸奶媽又抱又摸，羡慕死一眾熊粉啊！

奶媽輕撫細佬，係愛呀！海洋公園相片

至於想知一對熊貓寶寶到底收到甚麼禮物？就要等到Boxing Day(拆禮物日)同家姐細佬一齊拆禮物才揭曉啦！

大熊貓BB迎來熊生第一個聖誕。海洋公園相片

各位等到頸都長的契爸契媽要留意啦！大熊貓官方網站星期一 (3月17日)晚宣布由今個星期六(3月22日)起，到海洋公園參觀「大熊貓之旅」即有機會一次過見到家姐、細佬和媽媽盈盈的可愛互動，更可以和牠們同框合照！超興奮啊！

官網影片截圖

官網發放新片段，見到媽媽盈盈和龍鳳胎兩姐弟，在館內玩耍。盈盈正攬着弟弟享受溫馨的互動時光，而家姐就獨自掛在樹上，表演拿手的「樹上體操」，不但有招牌「麻糬轉身」，還有「倒吊」及「雙臂垂吊」，每一下都盡展力的表現！家姐更一邊做一邊不時望下媽媽和細佬，似乎想吸引牠們的注意。

官網影片截圖

官網影片截圖

官網影片截圖

孰知一不留神，家姐由樹上跌了下來，摔了一跤後她馬上投進媽媽的懷抱裏撒嬌，而正忙着照顧細佬的盈盈，即大顯母愛錫返家姐，又忍不住聞下家姐可愛的小腳ㄚ。家姐得到滿意的回應後，開心到以一個後空翻碌走！

官網影片截圖

官網影片截圖

官網小編提提大家，由3月22日起「大熊貓之旅」開放時間將延長至下午4時30分，讓大家有更多時間親近3熊！記得要先領取「進入展館時間票」再等候入場。

官網影片截圖

網友們對公布都表現得十分興奮，留言「今個禮拜一定過好快過嘅！都已經星期二啦，就嚟，咁多位，星期六見！」「盈盈媽媽跟家姐細佬一齊亮相，令人期待」

官網影片截圖

契爸契媽們都不忘大讚家姐「有請香港代表單槓選手：家姐！」「求關注的家姐：媽咪媽咪 你睇！Btw 家姐臂力好好」「家姐喺樹丫表演柔軟體操，非常專業，入圍熊貓奧運，成為頂頭大熱！」「家姐好得意，單槓小公主」「謝謝小編，真係見到盈盈媽湊家姐細佬，仲要在牠們的場，好開心。家姐有超強臂力，真係熊貓奧運的金牌得主，盈盈媽真係好媽媽，仔女都咁錫，短短一條片已覺得好錫對仔女，看得好感動 」