社會事
一個藍灰色帳幕在大埔河道駐紮，現場無遮無擋顏色搶眼引起公眾關注！有網民留意到「住客」的一舉一動，猜測其真實身份。
大埔河道。資料圖片
只有你想像不到的
樓主早前以「（大埔）運頭塘呢條坑渠嗰度，真係竟然有人喺度紮營！真係只有你想像不到的」為題在facebook群組「大埔人大埔谷」發帖。從上載的相片見到，帳幕剛好紮於毗鄰一所小學的河道上。
FB圖片
人在野住客被目睹
有住在附近的網民透露，「已經好多日，唔知紮個營喺度做乜」、「入面有人住緊，生火、煮食、煲水方便」，甚至有網民大膽猜測「今日姐姐假期呀」，但後來另一名網友揭祕講「係一位男士，已經喺度一個星期，每日下午做運動動見，但係人就唔係日日都見到」。
FB截圖
網民憂上游開閘放水
有好心網民即時關注到現場的安全情況，提醒「上游開閘放水佢就去報到，真係無腦，咪累人要去救佢」、「佢有冇諗過會排洪？」、「有雨危險喎」，而且現場或有「好多細菌㗎喎」，佩服「真係只要有個帳幕就邊度都可以紥營瞓，利（厲）害」。
FB圖片
有留學日本港女於社交平台發相發文，指日前到日本三大名泉之一的「有馬溫泉」浸溫泉時，因把溫泉水潑臉以「保濕美肌」，卻令臉部突發紅腫脹流膿，最終不僅要到日本急症室求醫，更付上「4位數」的醫藥費！
Getty示意圖
溫泉水潑臉 一潑就出事
該港女於社交平台Threads發布相片，指自己到「有馬溫泉」浸溫泉，其間一度把溫泉水潑臉，結果出事，「傳說佢（溫泉水）可以保濕又可以美肌，咁就好happy咁潑埋上面，一潑『好乸！』」。
threads圖片
腫到不正常立馬求醫
樓主起初以為因自己皮膚太乾，或溫泉水保濕力太強所致，但當其臉部開始腫脹及不斷流膿，她就心知不妙，立馬到日本急症室求醫，「嗰陣以為自己過分乾燥而啲聖水又好x保濕咁，點知出嚟之後我就塊面紅到幽靈公主咁，去到噚日塊面開始腫就覺得唔對路，然後就係今朝咁嘅樣去睇急症」。
求醫終揭恐怖原因
樓主表示，在急症室等候7小時終於見到醫生，「入到去即刻瞓床抽血，每隔一陣就有愈嚟愈老嘅醫生嚟問我病徵，以為咩疑難病症，細嘅唔識睇要Call啲大佬嚟，我真係以為自己就嚟釘」。
樓主苦中作樂。（threads圖片）
樓主續說，經過8小時「日本急症室初體驗」，醫生得出結論是「溫泉水過敏」，「應該係有好多礦物質而我對其中某啲敏感，有馬溫泉個水就係碳酸泉」。她指，醫生最終開了4種藥，有國民健康保險情況下收費23,340日圓（約1,200港元），大嘆「肉赤」，「真係，x我條命」。
出門在外萬事都要小心
樓主補充，其臉部要1星期才能消腫，而她以往到日本浸溫泉也沒出現今次情況，「以前浸過其他都冇乜事，最多係紅咗起粒粒，但冇諗過係溫泉問題，今次應該係塊面爆拆，所以先咁嚴重」，提醒「去到陌生地方，雖然日本係乾淨，但始終唔係由細到大接觸呢邊嘅人同埋菌，可能反應就會大啲」。
unsplash示意圖
網民呼恐怖：估唔到溫泉水過敏
網民看過帖文直呼恐怖，「睇到都覺恐怖，真係好彩冇大事」、「Take care，好彩都叫大概知道咩事， 不過real見到都肉赤」、「祝你早日康復！估唔到係溫泉水過敏」。
也有不少網民分享類似經歷，「我上次喺日本都係咁……全面、全手、腳……好恐怖」、「我喺日本腫過兩三次，一次有浸過温泉一次冇浸過温泉，有食過海鮮（可能食得比平時多？），有聞過新香水（confirm對cxxxx牌子過敏），都係有濕疹底，可能塊臉有少少乾？」、「我都試過最後一日去浸，一到夜晚上機對腳腫到行唔到，嚇到一落機即去急症」，「其實去親日本都覺得啲皮膚特別乾，最後要喺醫院瞓咗4日先退腫」。
