大熊貓家姐挑戰騎木馬成功展笑容 細佬喪玩瀡滑梯後斷電秒爆睡

萬人迷熊貓龍鳯胎家姐及細佬日前又有新片流出，官方網站PO出牠們各自玩耍的珍貴影片，令一眾契爸契媽不停心心眼，大呼兩姐弟「實在是太太太太太可愛了！」

IG影片截圖

IG影片截圖

首先是家姐，影片中牠正與一隻木馬「博鬥」，似乎是想騎上去，但幾經嘗試都不成功，還差點摔在地上，但家姐並沒有放棄，一番爭扎後，又扶着木馬爬起來，當大家都以為牠要繼續嘗試時，牠竟然由騎木馬，變成咬木馬！

IG影片截圖

IG影片截圖

只見家姐大口大口地啃咬手柄，難到「得不到就想摧毁？」原來家姐仍想盡辦法「收服」隻木馬，牠不停扭動身子，又跌又撞的，幾番嘗試後終於成功騎了上去，露出洋洋得意的笑容！

IG影片截圖

另一邊廂的細佬就玩瀡滑梯玩到四腳朝天，反轉個身，不停揮動四肢，不亦樂乎！但下秒鐘卻已累到倒在籃中呼呼大睡，連小編都笑說「小朋友放電後會爆睡是常識吧」、「上一秒玩到瞓身，下一秒斷電入睡！」

IG影片截圖

IG影片截圖

兩隻孖寶的趣緻得意舉動，搞到一眾粉絲瘋狂給心心眼！他們留言「終於見到家姐挑戰騎木馬！好努力個樣太太太可愛」、「家姐已經開始玩騎馬仔, 超可愛, 佢好似牙痕咬嘢」、亦有網友為家姐送上祝福「家姐，終有一日你嘅白馬王子會騎住木馬由四川出嚟揾你！」。

IG影片截圖

IG影片截圖

有不少網友更跪求細佬玩瀡滑梯的影片，大讚細佬「真可愛，瞓着都笑緊！」「細佬連瞓覺個樣都好可愛，好想攬住佢大力嘟一啖」等。

新的一年，海洋公園大熊貓盈盈的一對港產大熊貓BB繼續暴風式成長，園方3日再在社交網站公開兩姐弟的打鬧日常！

IG圖片

影片一開始，只見新手媽媽「盈盈」表現淡定食住筍，而一對寶貝子女就在阿媽眼前扭打成一團，背對著鏡頭的「細佬」依然背脊印上紫色「乳豬印」登場。海洋公園小編之前解釋，「細佬」背脊的紫色記號是以動物安全食用色素製作，方便護理員做行為觀察記錄時更易分辨「家姐」與「細佬」。

黑白配的「家姐」同「細佬」玩得肉緊，為大家帶來史上最可愛MMA摔角 ，而「盈盈」就全程處變不驚，任由一對子女扭打一片，最後甚至直接跌出鏡頭，「盈盈」亦冇驚過，連海洋公園小編亦忍不住感歎，「(盈盈)知道佢哋玩完之後都係握握手做個好朋友，所以冇驚過」。

IG圖片

IG圖片

IG圖片

IG圖片

影片曝光引來網友們的熱議，一眾契爸契媽紛紛搞笑留言：「盈盈媽媽只係幾個月就已經睇化咗啦」、「盈盈媽咪深明「BB要經過鍛鍊才會健康成長」呢個道理，所以只做旁觀者，食左先講～」、「史上最可愛的摔角 。盈盈媽真係溫婉的 ，比著我們的港媽，見仔女大打出手，一定暴跳如雷」、「細佬幾時先練返d腳力呀，得把聲輸梗架喎」、「哈哈，好可愛呀！兩個喺度MMA」、「盈盈有料到，處變不驚，我真係好鍾意細佬背脊嗰個乳豬印」、「人類食花生， Ying 媽食筍睇好戲」、「睇到家姐後腳開始好多力，撐住自己同細佬打到出咗鏡 」

IG圖片

IG圖片

IG圖片

IG圖片