男子港鐵站用大膠樽裝免費水遭公審 網斥：洗唔洗去到咁盡

為了方便有自備水樽的市民，可以補充飲用水，港鐵現在36個車站都設有飲水機。但日前就有網民目睹有男子竟帶同購物車及大膠樽，在某港鐵站的飲水機裝免費飲用水，網民深感不忿，影低相並放上網公審。

有網民目睹有男子竟帶同購物車及大膠樽，在某港鐵站的飲水機裝免費飲用水。網上圖片

樓主斥：為咗慳錢，喺地鐵攞水咁都得？

網民在社交平台threads 發文並貼相，斥相中男子「為咗慳錢，喺地鐵攞水咁都得。」只見男子帶同購物車站在某地鐵站的飲水機旁，而水機正放着一個大膠樽，男子似是正等候膠樽入滿水。

港鐵早於2022年起於16個港鐵站增設飲水機。網上圖片

網批影響左真正有需要既人

有不少網友見帖都批評男子濫用水機設施「會唔會太cheap」、「洗唔洗去到咁盡」、「又玩爛一樣福利」、「遲早免費供水機都會消失」、「玩爛咗，遲啲可能要搞到要拍八達通，仲要每天只可以取一次」、「佢咁做法咪影響左真正有需要既人囉」、「人哋畀啲水你方便無水時飲，你裝成桶嚟帶走拎去第二到？」

有網友擔心該名男子的行為影響真正有需要的人士。網上圖片

有人力撐：無人用佢用有咩問題

但亦有網友力撐男子，認為行為並無不妥「你可以話肉酸，但其實我睇唔到有咩問題，咁人哋就係畀人裝水㗎嘛，佢又唔係阻到其他人裝，整件事亦無違反設置水機嘅目的」、「可能佢屋企冇水呢」、「無人用佢用有咩問題」、「有陣時唔了解對方情況，就唔洗講太多，有需要咪攞」、「如果佢攞完去倒就要鬧，但如果佢有需要/要慳錢拎去飲咪攞」、「佢覺得咁樣托幾支水返屋企係開心過交水費嘅，有咩問題？」、「你話後面有一堆人排緊隊就話啫，無人排緊我唔覺得有咩問題」。

港鐵全綫現時已合共有36個站有提供免費飲用水。網上圖片

港鐵現有36個站設飲水機

為支持環保，並提升乘客整體的乘車體驗，港鐵早於2022年起於16個港鐵站增設飲水機。港鐵全綫現時已合共有36個站有提供免費飲用水。

港鐵全綫現時已合共有36個站有提供免費飲用水。網上圖片

港鐵全綫現時已合共有36個站有提供免費飲用水。網上圖片

借錢黨不論性別年齡，會利用各種藉口招搖撞騙，向別人索要金錢。近日有網民在社交平台發文，表示發現有2名女子疑在街上四處行騙，並專向男途人「下手」借錢，更向其中1人騙取100元，帖文引起網民熱議。

「呃錢黨又出嚟做嘢」

樓主在社交平台Threads發文，指「呃錢黨又出嚟做嘢」。

樓主表示2名女子先後向2名男途人索取金錢，其中1人心軟，給予100元。「黑衣男乖乖奉上$100，白衣男醒好多，問兩句唔對路即丿（撇）」。

看似身光頸靚

招搖撞騙的2名女子看似身光頸靚，更背着「名牌手袋」。二人在街上與男途人對話，但不知道對話內容。

向1人成功騙取金錢

及後見黑衣男伸手進牛仔褲後袋，似乎要掏出銀包。而另1名白衣男則似乎在低頭聆聽兩女說話，之後沒有任何動作便轉身離開。

網民：見後生靚女就放低戒心

有網民留意到2名女子較為年輕，懷疑是行騙技倆，又嘲兩人似「丐幫」，「丐幫有年輕化趨勢」、「見後生靚女就放低戒心」、「一日做10個，人工高過保安」。也有人認為黑衣男不應給錢，「一百唔係多，但非親非故點解要畀，善事唔係咁做！小善大惡做壞事！」、「抵交智商稅啦」、「依的X街真係借你老X啦！比一毫當乞兒算啦」。