娛圈事
鍾慧冰（冰姐）與張學潤（Nel Nel）拍攝有線節目時，自爆早前扭傷腳沒有及時醫治，導致關節出現問題，細菌襲擊神經線，要食類固醇改善情況。
鍾慧冰及張學潤回顧今年娛圈大事。
二人日前為有線娛樂節目《2016娛圈點算》，回顧今年娛圈大事。提到今年圈中婚事特別多，冰姐笑道：「睇到我都蠢蠢欲動好想嫁，不過呢個任務都係交俾阿囡，我既重任係要醫好自己個神經病！」原來她早前不慎扭傷右腳，以為只是差錯腳的小事，沒有及時醫治，直至右手和左腳出現關節問題才驚覺大件事：「醫生話係血管炎，細菌襲擊神經線，導致關節出現問題，依家要食類固醇，情況開始好轉，應該唔會有神經病！」
而Nel Nel今年忙於舞台劇，早前發生胡杏兒換角風波，他抵死笑說：「今年最麻煩係呢單，所以話人不可以貌相，以前嘅藝人同依家真係好唔同，所以話做到老學到老！」他又指換上楊怡後，全組人都合作得好開心。
鍾慧冰：「我要條命！」
67歳前港姐鍾慧冰（冰姐）日前到新城廣播接受薛家燕、思敏和范振鋒主持的《開心大派對》之「開心家訪」訪問，冰姐透露和家燕姐已廿多年沒坐在一起聊天，對上一次是兩人誤買「縮水舖」事件，家燕姐苦笑稱：「廿幾年前我哋曾經共度患難，我買咗百幾萬，完全開唔到舖，話有百幾呎，但中間有條柱，賣返出去十二萬，嗰時有百幾人『中招』，好大新聞，我仲去咗港督府請願。」冰姐即謂：「我慘過你，除咗縮水舖，仲買咗縮水樓。」
鍾慧冰接受新城《開心大派對》訪問。
家燕姐和冰姐又在節目中大談健康，不過熱愛工作的家燕姐，曾拒絕經理人兼大女兒珊珊安排給她的悠長假期，家燕姐表示：「我話唔好，我一休息就好閉翳，冇活力令自己扮靚出去見人，覺得自己冇用咗，我話幾日假期就得，我寧願做嘢，做嘢反而頭腦仲靈活啲，唔會同社會脫節，所以長者真係要多啲參與活動，令自己開心啲。」
冰姐為血管炎戒煙戒糖戒凍飲。
冰姐重提自己2016年突然患上血管炎，以致右手和右腳不能郁動，「係免疫系統出咗事，自己打自己，襲擊我啲神經，同埋我啲血管發炎指數好高，右手右腳唔郁得差唔多年幾，啲手指完全冇力，連名都簽唔到。」家燕姐聞言即謂：「嘩，好大件事喎！」冰姐續說：「佢哋話呢個病好容易就走（死亡），因為冇藥食，惟一可以食類固醇，但食得多又唔好，我食咗三個月，一日食9粒，食到塊面腫晒，變咗豬頭咁，好彩慢慢控制到。」
冰姐大爆與家燕姐同是縮水舖苦主。
後來冰姐用了兩年時間才慢慢可以走路，但康復的路仍十分漫長，除了要做物理治療，還要每4個月驗一次血檢查身體發炎指數，「一出事我就戒煙，因為我要條命，又完全唔飲凍嘢、戒糖，經常保暖，以前凌晨3點先瞓，依家9點幾就瞓。」冰姐更表示：「我忍受唔到成世右手右腳唔郁得，除咗去廁所識自己去，乜都做唔到，好痛苦，同個癈人咁，所以我同自己講一定要好番。」家燕姐讚她：「好叻女，大步檻過。」
左起：思敏、薛家燕、鍾慧冰、范振鋒
詳細精彩內容，請重溫8月10日，下午3- 4時，新城知訊台《開心大派對》節目 ，重溫網址：https://www.metroradio.com.hk/MetroInfo/
