娛圈事
雷頌德（Mark）和太太梁家玉（Jade）作客奇妙電視節目訪問，不少人以為黎明由情歌轉唱快歌，都是拜Mark這位御用音樂總監所賜，Mark反駁說都是黎明自己想，仲大爆自己被黎明捉往韓國蒲夜店，感受快歌的氛圍。
Mark話冇人叫得郁黎明
Mark解釋說：「當年黎明去咗韓國一轉，返來同我講要唱快歌！我心諗：快歌，我拿手啦！點知寫畀佢，佢話：都跳唔到舞嘅，聽咗都唔想郁，最後佢捉咗我去韓國兩個禮拜！」Mark回想那段日子，日日去不同夜店觀摩，說：「黎明要我觀察，到底播咩歌先會令人跳舞，嗰次真係一個好好嘅經驗！」
黎明（資料圖片）
雷頌德、Jade
至於與老婆Jade結緣，是因為一次拍戲而戀上。Jade笑道：「我哋都幾同聲同氣，性格好接近，又熱愛家庭！」Mark認同說：「Jade成個男人咁，又同我一樣駕電單車！」當年Jade帶著跟前夫生的兒子改嫁，Mark不諱言：「我都係單親家庭長大，自細跟住媽媽，所以我好清楚Jade嘅情況，亦好明白作為一個後父嘅責任！」
Mark同老婆上節目晒恩愛
黎明當年《原振俠》真係紅遍半邊天。
資深電影人文雋近年踩過界，開設了YouTube頻道《文雋講嗰啲Man's Talk》每集邀請嘉賓上來想當年。近日他邀請到前無綫製作部總監梅小青及其老公資深監製劉家豪講吓經典電視劇《原振俠》。小青姐大爆當年黎明為報恩而參演該劇集。
文雋請到小青姐同劉家豪講電視史
小青姐指黎明在拍攝《今生無悔》後已圈粉無數，為報答小青姐而回來參演《原振俠》，當年更帶同李嘉欣參演。劉家豪指﹕「兩個都係最靚嘅人，喜歡到不得了。」
當年《原振俠》圈粉無數
小青姐又指願意剪走任何一部份有黎明、李嘉欣的片段，她說：「塊面又靚、對鞋又靚、企得又靚。」更大爆黎明一個chok爆轉頭，型到震撼朱茵。「我好記得，在一條走廊上，黎明一轉過來是撞朱茵的，而朱茵一見到他，咁chok咁型嘅，朱茵自己都呆咗。」
兩個最靚嘅人
小青姐強調朱茵係真反應
小青姐繼續大讚黎明有義氣，所有宣傳應承後一定到，「佢無論自己去咗邊度都會坐飛機返嚟，仲要自己畀錢坐飛機，因為公司唔包其他地方返嚟，亦都唔可以開呢一個先例。」
