娛圈事
黎明當年《原振俠》真係紅遍半邊天。
資深電影人文雋近年踩過界，開設了YouTube頻道《文雋講嗰啲Man's Talk》每集邀請嘉賓上來想當年。近日他邀請到前無綫製作部總監梅小青及其老公資深監製劉家豪講吓經典電視劇《原振俠》。小青姐大爆當年黎明為報恩而參演該劇集。
文雋請到小青姐同劉家豪講電視史
小青姐指黎明在拍攝《今生無悔》後已圈粉無數，為報答小青姐而回來參演《原振俠》，當年更帶同李嘉欣參演。劉家豪指﹕「兩個都係最靚嘅人，喜歡到不得了。」
當年《原振俠》圈粉無數
小青姐又指願意剪走任何一部份有黎明、李嘉欣的片段，她說：「塊面又靚、對鞋又靚、企得又靚。」更大爆黎明一個chok爆轉頭，型到震撼朱茵。「我好記得，在一條走廊上，黎明一轉過來是撞朱茵的，而朱茵一見到他，咁chok咁型嘅，朱茵自己都呆咗。」
兩個最靚嘅人
小青姐強調朱茵係真反應
小青姐繼續大讚黎明有義氣，所有宣傳應承後一定到，「佢無論自己去咗邊度都會坐飛機返嚟，仲要自己畀錢坐飛機，因為公司唔包其他地方返嚟，亦都唔可以開呢一個先例。」
「大哥大」洪金寶罕有回應事件。
72歲影壇「大哥大」洪金寶，早前獲「第42屆香港電影金像」及「亞洲電影大獎」各頒獲「終身成就獎」，肯定其對電影的貢獻，洪金寶亦有參演近期紅爆電影《九龍城寨之圍城》，他日前接受YouTube節目訪問時竟罕有正面回應當年與周星馳鬧翻一事，更以4字評價他。
洪金寶亦有參演近期紅爆電影《九龍城寨之圍城》
洪金寶日前接受文雋訪問，提到當年拍《功夫》時，有傳因為上海蚊子太多，洪金寶被叮到受不了，所以跑回香港，而引發周星馳不滿，洪金寶對此只認：「返香港睇醫生，跟住就唔使返嚟！」文雋再追問他對周星馳的評價，洪金寶說會看對方的電影，但對於為人，他表示：「人我就冇得評價，（唔想評價？）唔想，唔係唔想，係好唔想！」
文雋重提到當年洪金寶拍《功夫》時與周星馳決裂
外傳洪金寶因上海太多蚊而在拍攝中途離開
洪金寶以「係好唔想」回應周星馳為人
洪金寶當年在《功夫》負責設計的動作，有開場以及三大高手互相切磋的場面，佔整部電影約五分之一。電影最後由袁和平擔任武術指導，而洪金寶的名字仍有列在工作人員名單之中。
洪金寶當年有份設計斧頭幫大戰三大高手的動作
