基因強大 鄭希怡同阿媽「倒模」一樣

鄭希怡（Yumiko）在社交平台上載鄭媽媽的舊照片，網民看後都驚訝表示：「根本同一個人！」

網上圖片

Yumiko在照片留言：「我媽媽，真美。#時光倒流三十年」。相中的鄭媽媽與Yumiko根本是「倒模」一樣，基因確實強大，不少網民都期待長大後的梁子柔（梁浸浸）又會否同Yumiko一樣樣。

鄭媽媽年輕時（網上圖片）

網上圖片

網上圖片

Yumiko以廣東話、普通話、上海話表達成長過程。

鄭希怡（Yumiko）接受新城《QK玉瑛室》節目主持譚玉瑛（阿譚）、何基佑及麥皓兒錄音訪問，訪問將於9月10日播放。久未在港公開露面的Yumiko，來到電台十分開心，並在電台走了一圈跟大家打招呼，新城知訊台台長程凱欣更親自歡迎Yumiko及合照。

鄭希怡（Yumiko）現身新城《QK玉瑛室》節目宣傳新歌。

Yumiko在《QK玉瑛室》節目上大談近況，並宣傳下周推出的新歌《Lady King》，原名「鄭列瓊」的Yumiko表示：「首歌係講我自己『瓊姐』，因為我細個喺慈雲山讀書，所以有個名叫『慈雲山瓊姐』；今次亦都首次挑戰唱rap，用咗廣東話、國語同上海話擺喺入面，3個語言都代表我成長嘅一部份。」

Yumiko在疫情期間與老公梁學儲（Andy）及女兒「梁浸浸」舉家移居上海，至最近正式回流返港，她表示：「我哋喺上海住咗3年，因為疫情期間咁啱喺內地拍綜藝節目《乘風破浪的姐姐》，之後有其他工作同拍戲，返香港又要隔離，我父母一直住喺上海，佢哋就話不如留喺上海，我同老公傾咗之後，佢就帶埋阿女過嚟，一家人一定要一齊。」

Yumiko久未在港公開露面。

女兒梁浸浸今年9歲，近日已正式開學，問囡囡返港讀書是否要重新適應？Yumiko表示：「佢喺上海讀書可以揀繁體定簡體字，我幫佢揀繁體字，所以返咗香港讀書唔使咁辛苦。」Yumiko又言十分享受做媽媽及照顧女兒，同時希望陪伴女兒經歷不同階段，問梁浸浸是否像其他少女般貪靚？Yumiko表示：「佢好唔鍾意扮靚，買裙畀佢都唔著，寧願著T恤短褲，佢對靚未有概念，不過佢好獨立，好有自己諗法，幾似我同老公。」

Yumiko又提到當初和老公並沒想過結婚，卻在2012年接受Andy求婚，「嗰年我哋去咗泰國畀個生日驚喜朋友，嗰個朋友係應采兒，我同佢企喺泳池邊影相，兩個一齊向後跌咗落後面嘅樹林，應采兒掛咗喺樹，我就喺3樓跌落兩嚿大石中間，康復期間仲戴住頸箍，行路又唔方便，喺我最醜樣時，佢就同我求婚，當刻我覺得呢個男人唔錯，其實我有咩事或傷殘佢可以走，但佢選擇婚姻，咁既然佢願意試，我都願意試。」

Yumiko新歌爆讀書時期霸氣叫「慈雲山瓊姐」！

Yumiko首次挑戰Rap以廣東話、普通話、上海話表達成長過程。

詳細節目內容，請留意9月10日，3-4時，新城知訊台《QK玉瑛室》節目，網址：https://www.metroradio.com.hk/MetroInfo/