拍拖最緊要係要大大方方。
泳兒近日忙宣傳新歌《明日花》，因歌名跟日本AV女優明日花綺羅名字相近，網上好多巴打都特別留意，宣傳策略相當成功。愛情方面，與拍拖8年的髮型師男友，感情好穩定，大家都視對方為結婚對象。日前他們大大方方拍拖行銅鑼灣，在街上只見泳兒Mood到挨住男友膞頭嗲吓，好Sweet。
點擊看圖輯
更多相片
泳兒同男友食拉麵做晚餐。
泳兒男友買護膚品，女方一直企喺男友身邊，無周圍睇嘢。
泳兒陪男友買嘢，係體貼女友。
睇睇吓餐廳招牌，泳兒挨實男友詐嬌。
兩人食拉麵唔多嘢講，所以好快食完。
食完麵，泳兒男友出店外食煙及抽褲頭。
因為唔係秘密，所以泳兒經常同男友拍拖行街。
多得《明日花》歌名，泳兒（圖）說男同事以後可以光明正大鍾意「明日花」，還說因為大家講完所以都有留意，「知道明日花綺羅之前嚟香港，我重溫佢出席活動嘅片段，好靚女、火辣，身材又好，但係佢嘅作品就無深入睇。」講輕微尷尬話題無話不敢講，其實幾好吖。最搞笑泳兒笑男友不知明日花是邊個，極度懷疑他講大話。
泳兒同男友食拉麵做晚餐。
扭計幾可愛
日前晚上7點，戴住口罩的泳兒同男友在銅鑼灣行街，兩人先去袁彌明開嘅護膚品店買嘢，見泳兒男友係咁問店員，而泳兒只負責站著，明顯女方主力陪男友買嘢，之後他們行去渣甸街搵嘢食，兩人看著大廈外的食店招牌，突然間，嬌小泳兒挨住男友膊頭，男友同她講了幾句就行去第二度，估計泳兒話「啲嘢唔啱食。」之後兩人去了富豪酒店附近食拉麵，食嘢就不好講嘢，兩位朋友默默食，不多傾偈，Dinner半個鐘，泳兒男友出門口食餐後煙，食完又抽吓褲頭，而泳兒則負責埋單，然後戴返口罩同男友慢步離開。
泳兒男友買護膚品，女方一直企喺男友身邊，無周圍睇嘢。
泳兒陪男友買嘢，係體貼女友。
睇睇吓餐廳招牌，泳兒挨實男友詐嬌。
兩人食拉麵唔多嘢講，所以好快食完。
食完麵，泳兒男友出店外食煙及抽褲頭。
因為唔係秘密，所以泳兒經常同男友拍拖行街。
