MIRROR轉行酒店清潔員大爆姜濤污糟無手尾

娛圈事

MIRROR轉行酒店清潔員大爆姜濤污糟無手尾

2019年06月28日 21:51 最後更新：23:15

互爆私隱

自ViuTV節目《MIRROR GO》播出以來，MIRROR成員深受觀眾歡迎。最新一集《MIRROR GO》中，成員江熚生（Anson Kong）和柳應廷（Jer）擔任酒店特派員，挑戰30分鐘內完成執房任務。期間2人大爆姜濤、Anson Lo和Edan污糟、無手尾，最愛食完周圍揼，所到之處全部淪陷。

點擊看圖輯

2人邊拾邊大爆各成員污糟。

Anson Kong(左)及Jer(右)擔任酒店特派員。

Tiger成為「燈神」接受懲罰。

今集Anson Kong及Jer要面對製作組精心炮製了一間混亂狀態有如打完仗的「練功房」，包括貼了字母氣球而在玻璃窗留下的膠紙漬和點完心型蠟燭而在地墊留下的蠟漬等，連身為清潔公司太子爺的Anson Kong都不禁投降。

Anson Kong和Jer一邊收拾一邊大爆Edan「去到邊，個廁所都會淪陷」，是MIRROR的髒亂之王。看到地上充滿少女情懷的心心祭壇，Jer開玩笑指「呢壇野肯定係Anson Lo」，平時喜歡擺心心甫士的姜濤都一定有份擺壇。隨後見到床上滿是零食，Anson Kong忍不住爆姜濤經常將零食垃圾「周圍擺」。

新一季《MIRROR GO》每集會有2位MIRROR成員擔任「特派員」接受不同形式的任務，而特派員的任務會被剪輯成3條問題，讓其餘成員玩遊戲、用搶豆袋的方法選答案、連錯3題者便會成為「燈神」接受懲罰。

在最後搶答環節中，被瘋狂爆料的姜濤為了不想戴頭套做燈神，情急之下更偷步搶沙包。連在旁的Tiger都叫不禁叫姜濤︰「企返後啲先喇。你隻腳長過我咁多，驚咩呀？」最終，姜濤成功撞中正答，更大叫「Who s the best」。成為燈神的Tiger不單止化身成美少女大跳熱舞，更要以如此嬌俏的造型和粉絲一起進行問答遊戲。

往下看更多文章

姜濤學習坦然面對獎項新歌MV邀900姜糖參與上演奇幻頒獎禮

2025年01月04日 21:00 最後更新：21:14

踏入2025年，姜濤瞬即推出全新派台作品《白果》，道出他對於獎項的心聲，MV更找來900位姜糖拍攝，造就一場別具意義的頒獎禮。

出道至今已6年，《白果》是姜濤對於獎項、頒獎禮的睇法和感悟，他以自己作為例子解釋道：「以我為例，我上年出咗3首歌，fans會話我出唔夠歌，會唔會攞唔到獎，於是我就思考係咪要出多啲歌，符合fans對我嘅期待呢？但上年出歌嘅頻率係我感到舒適嘅節奏。」

對於獎項，姜濤覺得只屬於鼓勵性質，他表示：「攞到獎故然好，但攞唔到獎都唔代表我做嘅每一首歌係白費。無論攞獎與否，自己點樣評價自己先係最重要，呢個係《白果》想表達嘅訊息。」

其實獎項、頒獎禮無處不在，《白果》唱出的亦是眾生相。姜濤續道：「每個行業都會有各種獎項或者唔同嘅頒獎典禮，例如運動員都會緊張自己會唔會攞到冠軍，學生會唔會攞到優異獎，但係咪代表冇獎嘅人就係nothing？我覺得唔係，無論成績如何，我都希望自己可以做到以坦然嘅心情去面對任何結果，同時亦希望每個人都可以做到，因為我覺得人生唔係得一個獎項，人生仲有好多唔同嘅嘢。」

觀看相關影片按連結：https://youtu.be/N2pHRj07BlM

既然說到獎項、頒獎禮，今次《白果》MV的場景設置成一個頒獎典禮，更動員了900位姜糖參與拍攝，其中一些姜糖更戴上面具，原來是有特別原因。姜濤道：「我每次坐喺頒獎典禮場地裡面，我都唔係放鬆，我相信每個歌手坐喺台下嘅時候，應該多少都會有緊張，因為每個人都希望自己嘅努力會被肯定，係好正常嘅一件事，但除咗台上嘅獎項，係咪仲有其他嘢我哋可以攞到呢？MV裡面係一個好抽象嘅頒獎典禮，每個戴住面具嘅fans，係代表各行各業嘅人，我哋去每個頒獎典禮嘅時候，會用面具遮住自己緊張嘅心情。希望大家都可以放低面具去enjoy每一個頒獎典禮，真係enjoy the show，而今次有900位fans成為台下觀眾，好多謝咁多位嘅參與。」